• Home
  • »
  • News
  • »
  • sport
  • »
  • IPL Final 2021 : दिनेश कार्तिकने केली सगळ्यात मोठी चूक, KKR ला पडली भलतीच महागात!

IPL Final 2021 : दिनेश कार्तिकने केली सगळ्यात मोठी चूक, KKR ला पडली भलतीच महागात!

आयपीएल फायनलमध्ये (IPL 2021 Final) कोलकाता नाईट रायडर्सचा मुकाबला कोलकाता नाईट रायडर्स (CSK vs KKR) यांच्याशी आहे. मॅचच्या तिसऱ्याच ओव्हरमध्ये कोलकात्याचा विकेट कीपर दिनेश कार्तिकने (Dinesh Karthik) घोडचूक केली.

  • Share this:
    दुबई, 15 ऑक्टोबर : आयपीएल फायनलमध्ये (IPL 2021 Final) कोलकाता नाईट रायडर्सचा मुकाबला कोलकाता नाईट रायडर्स (CSK vs KKR) यांच्याशी आहे. या सामन्यात केकेआरचा कर्णधार इयन मॉर्गनने (Eoin Morgan) टॉस जिंकून पहिले बॉलिंगचा निर्णय घेतला, पण मॅचच्या तिसऱ्याच ओव्हरमध्ये त्यांचा विकेट कीपर दिनेश कार्तिकने (Dinesh Karthik) घोडचूक केली. कार्तिकने केलेली ही चूक कोलकात्याला मात्र चांगलीच महागात पडली. कोलकात्याने मॅचची तिसरी ओव्हर शाकिब अल हसनला (Shakib Al Hasan) दिली, या ओव्हरच्या पहिल्याच बॉलला फाफ डुप्लेसिसने (Faf Du Plessis) पुढे येऊन मारण्याचा प्रयत्न केला, पण त्याच्या बॅटला बॉल लागला नाही. शाकिबने टाकलेला हा बॉल दिनेश कार्तिककडे गेला, पण त्याला हा बॉल पकडता आला नाही. दिनेश कार्तिकने फाफ डुप्लेसिसचा हातातला स्टम्पिंग सोडला. दिनेश कार्तिकने दिलेलं हे जीवनदान फाफ डुप्लेसिस आणि चेन्नईच्या चांगलंच पथ्थ्यावर पडलं. डुप्लेसिसने 35 बॉलमध्येच त्याचं अर्धशतक पूर्ण केलं. फाफने 59 बॉलमध्ये 86 रन केले, यामध्ये 7 फोर आणि 3 सिक्सचा समावेश होता. इनिंगच्या अखेरच्या बॉलवर डुप्लेसिस आऊट झाला. डुप्लेसिसने पहिले ऋतुराज गायकवाडसोबत (Ruturaj Gaikwad) 61 रनची, मग रॉबिन उथप्पासोबत (Robin Uthappa) 63 रनची आणि मग मोईन अलीसोबत (Moeen Ali) 68 रनची पार्टनरशीप केली. फाफ डुप्लेसिस आयपीएलच्या या मोसमात 600 रनचा टप्पा ओलांडणारा तिसरा खेळाडू ठरला. फाफने यंदा 16 मॅचमध्ये 45.21 च्या सरासरीने आणि 138.20 च्या स्ट्राईक रेटने 633 रन केले. या मोसमात फाफच्या नावावर 6 अर्धशतकंही आहेत. याआधी याच सामन्यात चेन्नईच्या ऋतुराज गायकवाडने 600 रन पूर्ण केले. ऋतुराजने 16 सामन्यांमध्ये 45.35च्या सरासरीने आणि 136.26 च्या स्ट्राईक रेटने 635 रन केले. तर पंजाब किंग्सचा कर्णधार केएल राहुलला 13 सामन्यांमध्ये 62.60 ची सरासरी आणि 138.80 च्या स्ट्राईक रेटने 626 रन करता आले.
    Published by:Shreyas
    First published: