IND vs NZ: टेस्ट सिरीजमधून रोहित OUT, पहिल्या सामन्यात संघाची कमान अजिंक्य रहाणेकडे

नवी दिल्ली, 12 नोव्हेंबर: टीम इंडियाचा नवा कर्णधार रोहित शर्मा(Rohit Sharma) याला न्यूझीलंडविरुद्ध होणाऱ्या दोन टेस्ट मॅचसाठी विश्रांती देण्यात (Rohit Sharma to skip Tests) येणार आहे. विराट कोहली सिरीजमधील पहिली टेस्ट मॅच खेळणार नाही. कानपूर येथे होणाऱ्या पहिल्या टेस्ट मॅचमध्ये नियमित उपकर्णधार अजिंक्य रहाणे (Ajinkya Rahane) टीम इंडियाचे नेतृत्व करेल. अशी चर्चा क्रिकेट जगतात रंगली आहे.

न्यूझीलंड17 नोव्हेंबरपासून भारत दौऱ्यावर आहे. खरं तर, 17 नोव्हेंबरपासून जयपूरमध्ये सुरू होणाऱ्या तीन सामन्यांच्या T20I मालिकेतून बाहेर पडल्यानंतर कोहलीने आपली रजा वाढवली आहे. भारतीय क्रिकेट नियामक मंडळाच्या (बीसीसीआय) विश्वसनीय सूत्रानुसार, गुरुवारी, 11 नोव्हेंबर रोजी निवड समितीच्या बैठकीनंतर संघाला अंतिम रूप देण्यात आले. मात्र, अद्याप अधिकृत घोषणा करण्यात आलेली नाही.

यष्टिरक्षक-फलंदाज ऋषभ पंत, जसप्रीत बुमराह, मोहम्मद शमी हे इतर मोठे खेळाडू आहेत ज्यांना कानपूर आणि मुंबईतील दोन्ही टेस्ट मॅचमधून वगळण्यात आले आहे. T20 सिरीजमध्ये संघाचे नेतृत्व केल्यानंतर रोहितही ब्रेक घेणार आहे. 25 नोव्हेंबरपासून कानपूरमध्ये टेस्ट मॅचला सुरूवात होणार आहे.

कोहली 3 डिसेंबरपासून मुंबईत सुरू होणाऱ्या टेस्ट मॅचसाठी परतणार आहे. भारतीय टेस्ट सिरीज आणि वन डे संघाचा कर्णधार कोहली 'बायो-बबल' थकवा बद्दल अनेकदा बोलला आहे. त्यामुळे खेळाडूंना मानसिक त्रास होत असल्याचे त्याचे म्हणणे आहे.

ऋषभ पंतच्या अनुपस्थितीत रिद्धिमान साहा यष्टिरक्षणाची जबाबदारी सांभाळेल तर केएस भरत हा या मालिकेतील दुसरा यष्टिरक्षक असेल. 28 वर्षाचा भरत मूळचा आंध्र प्रदेशचा आहे. तो आयपीएलमध्ये रॉयल चॅलेंजर्स बंगलोरकडून खेळला.

या वर्षी इंग्लंडविरुद्धच्या घरच्या टेस्ट सिरीजसाठी केएस भरत हा पाच स्टँडबाय खेळाडूंपैकी एक होता. टेस्ट सिरीजसाठी निवडण्यात आलेल्या संघात हनुमा विहारी, चेतेश्वर पुजारा आणि मयंक अग्रवाल यांचा समावेश आहे.

राहुल द्रविडसोबत नवीन सपोर्ट स्टाफ

त्याच वेळी, नवीन सपोर्ट स्टाफ देखील संघात सामील होईल. अपेक्षेप्रमाणे, पारस महांबरे हे भरत अरुणच्या जागी नवीन गोलंदाजी प्रशिक्षक म्हणून काम पाहतील.

भरत अरुण आणि मुख्य प्रशिक्षक रवी शास्त्री यांचा कार्यकाळ नामिबियाविरुद्ध संघाच्या अंतिम गट टप्प्यातील लढतीने संपला. पारस महांबरे हे नवीन मुख्य प्रशिक्षक राहुल द्रविडच्या जवळचे आहेत आणि या वर्षी जुलैमध्ये श्रीलंकेच्या भारत दौऱ्यात द्रविड मुख्य प्रशिक्षक असताना ते सपोर्ट स्टाफचा भाग होते.

विक्रम राठौर हे फलंदाजी प्रशिक्षक म्हणून कायम राहणार आहेत

विक्रम राठोर यांनी या पदासाठी अर्ज केल्यामुळे फलंदाजी प्रशिक्षकपद कायम ठेवले आहे. तर टी दिलीप हे क्षेत्ररक्षण प्रशिक्षक असतील. असे मानले जाते की द्रविडला क्षेत्ररक्षण प्रशिक्षक म्हणून अभय शर्मा हवा होता. परंतु क्रिकेट सल्लागार समितीने दिलीपची निवड केली, जो श्रीलंका दौऱ्यावर भारतीय संघासोबत आला होता.

न्यूझीलंडविरुद्धच्या कसोटी मालिकेसाठी संभाव्य संघ

अजिंक्य रहाणे (कर्णधार), केएल राहुल, मयंक अग्रवाल, शुबमन गिल, चेतेश्वर पुजारा, हनुमा विहारी, वृद्धिमान साहा (डब्ल्यूके), अक्षर पटेल, आर अश्विन, उमेश यादव, इशांत शर्मा, मोहम्मद सिराज , प्रसिद्ध कृष्णा, KS भरत (wk), रवींद्र जडेजा.