IND vs NZ : न्यूझीलंडमध्ये आणखी एक विजय आणि विराटसेना रचणार इतिहास!

हॅमिल्टन, 29 जानेवारी : जागतिक क्रिकेटमध्ये यशाचे अनेक झेंडे गाढणारा भारतीय क्रिकेट संघ आज न्यूझीलंडविरुद्ध तिसरा टी -20 आंतरराष्ट्रीय खेळणार आहे. याआधी दोन सामना भारतानं एकहाती जिंकले. मात्र तिसरा सामना जिंकत परदेशी भूमीवर भारतीय संघ इतिहास रचेल.

या मालिकेच्या पहिल्या टी -20 आंतरराष्ट्रीय सामन्यात भारताने न्यूझीलंडला 6 गडी राखून पराभूत केले. यानंतर भारताने दुसरा टी -20 सामना 7 गडी राखून जिंकला आणि न्यूझीलंडविरुद्धच्या पाच सामन्यांच्या टी -20 मालिकेत 2-0 अशी आघाडी घेतली. त्यामुळे भारताने तिसरा टी -20 आंतरराष्ट्रीय सामना जिंकल्यास न्यूझीलंडच्या भूमीवर एक इतिहास रचला जाईल.

वाचा-टी-20 वर्ल्ड कपसाठी भारतीय संघ निश्चित! 'या' 11 खेळाडूंची जागा पक्की

What's with #TeamIndia's new training drill? #NZvIND pic.twitter.com/HXuGXQjg4O

— BCCI (@BCCI) January 28, 2020

या सामन्यात टीम इंडियाने विजय मिळवत न्यूझीलंडच्या भूमीवर प्रथमच टी -20 आंतरराष्ट्रीय मालिका जिंकेल. भारताने आतापर्यंत एकही मालिका न्यूझीलंडमध्ये जिंकलेली नाही. त्यामुळे या सामन्यात विजयासह विराटसेना एक इतिहास रचेल.

वाचा-भारताविरुद्ध तिसऱ्या टी-20 सामन्याआधी किवींना झटका, गोलंदाजाने घेतली निवृती

भारत आणि न्यूझीलंड यांच्यात सध्या सुरू असलेल्या टी -20 मालिकेपूर्वी फक्त दोन टी -20 आंतरराष्ट्रीय मालिका खेळल्या गेल्या आहेत. या दोन्ही टी -20 मालिकेत न्यूझीलंडकडून भारताला पराभवाचा सामना करावा लागला होता. 2008-2009मध्ये एक टी-20 आंतरराष्ट्रीय मालिका खेळली गेली होती. या दोन टी-20 सामन्यांच्या मालिकेत भारताला 0-2ने पराभव स्वीकारावा लागला होता. यानंतर, 2018-2019 मध्ये खेळल्या गेलेल्या टी -20 आंतरराष्ट्रीय मालिकेत न्यूझीलंडकडून भारताचा 2-1 असा पराभव झाला.

वाचा-माहीची ‘ती’ जागा अजूनही रिकामी! धोनीच्या आठवणीत भावुक झाला चहल

Snapshots from #TeamIndia's training session ahead of the 3rd T20I against New Zealand.#NZvIND pic.twitter.com/KHKvrjt2H3

— BCCI (@BCCI) January 28, 2020

वाचा-कॅप्टन कुल धोनीचा हटके अंदाज, साक्षीसोबत केला रोमॅंटिक डान्स! VIDEO VIRAL

असा आहे भारत : विराट कोहली (कर्णधार), रोहित शर्मा, केएल राहुल (विकेटकीपर), मनीष पांडे, ऋषभ पंत, संजू सॅमसन, श्रेयस अय्यर, शिवम दुबे, रवींद्र जडेजा, कुलदीप यादव, युजवेंद्र चहल, मोहम्मद शमी, जसप्रीत बुमराह, शार्दूल ठाकुर, नवदीप सैनी आणि वॉशिंग्टन सुंदर.

असा आहे न्यूजीलंडचा संघ: केन विल्यम्सन (कर्णधार), मार्टिन गुप्टिल, रॉस टेलर, स्कॉट कुगलेइजन, कॉलिन मुनरो, कॉलिन डी ग्रॅंडहोम, टॉम ब्रूस, डेरिल मिशेल, मिशेल सेंटनर, टिम सीफर्ट (विकेटकीपर), हैमिश बेनेट, ईश सोढ़ी, टिम साउथी, ब्लेयर टिकनर.