IND vs NZ 2nd Test : टीम इंडियाला सगळ्यात मोठा झटका, सामन्याआधीच फॉर्ममध्ये असलेले गोलंदाज संघाबाहेर

क्राइस्टचर्च, 28 फेब्रुवारी : भारत-न्यूझीलंड यांच्यात क्राइस्टचर्च येथे दुसरा कसोटी सामना होणार आहे. मात्र या सामन्याआधी टीम इंडियाला मोठा झटका बसला आहे. भारताचा आघाडीच गोलंदाज इशांत शर्मा हा सामना खेळू शकणार नाही आहे. मीडिया रिपोर्टनुसार इशांतच्या उजव्या घोट्याला दुखापत झाली आहे आणि त्यामुळे तो दुसऱ्या सामन्यात संघाचा भाग असणार नाही. इशांतच्या जागी उमेश यादवला संधी मिळू शकेल. मीडिया रिपोर्टनुसार, गुरुवारी इशांतने नेटमध्ये जोरदार सराव केला. मात्र आज नेटमध्ये इशांतने सराव केला नाही. इशांतने गुरुवारी संघ व्यवस्थापनाला सांगितले होते की 20 मिनिटे गोलंदाजीनंतर त्याच्या पायाला दुखापत झाली आहे. यानंतर, 28 फेब्रुवारीला त्याला वैद्यकीय चाचणीसाठी पाठविण्यात आले, ज्यांचा अहवाल अद्याप आलेला नाही. वाचा-…तर विराटने IPL सोडावे, दिग्गज क्रिकेटपटू कॅप्टन कोहलीवर भडकला पहिल्या कसोटी सामन्यात इशांत शर्माने पाच गडी बाद केले. दोन कसोटी सामन्यांच्या मालिकेत भारत 0-1 ने मागे आहे आणि अशा परिस्थितीत इशांत खेळणे त्याला अडचणीत आणू शकते. इशांत शर्मा न्यूझीलंड येण्यापूर्वी एनसीएमध्ये होता तिथे त्याने आपली फिटनेस टेस्ट दिली. रणजी ट्रॉफी सामन्यादरम्यान इशांतला घोट्याला दुखापत झाली. त्यानंतर तो एनसीएमध्ये राहिला. इशांतला पुन्हा त्याच दुखापतीमुळे वेदना होत आहे आणि त्यामुळे क्राइस्टचर्चमध्ये खेळल्याबद्दल शंका आहे. वाचा-भारत न्यूझीलंड सामन्याआधी खेळपट्टी झाली गायब? BCCIने शेअर केला फोटो इशांतच्या जागी उमेश यादवला मिळू शकते संधी इशांत दुसरा सामना खेळू शकला नाही तर त्याच्या अनुपस्थितीत उमेश यादवला संघात जागा मिळू शकते. उमेशने अद्याप न्यूझीलंडमध्ये कसोटी सामना खेळलेला नाही. उमेशने परदेशी भूमीवरील त्याचा शेवटचा कसोटी सामना डिसेंबर 2018 मध्ये पर्थ येथे होता. जेथे तो ऑस्ट्रेलियाविरुद्ध खेळला होता. मात्र त्यानं स्थानिक सामन्यात चांगली कामगिरी केली आहे. याआधी जसप्रीत बुमराहच्या अनुपस्थितीत उमेशला संघात संधी देण्यात आली आणि त्याने भारतातील शेवटच्या चार कसोटी सामन्यात 23 विकेट घेतल्या. वाचा-दुसऱ्या सामन्याआधी विराटला मोठा धक्का! स्टार फलंदाज झाला जखमी