IND vs AUS : स्मिथने हवेत उडून घेतला श्रेयस अय्यरचा जबरदस्त कॅच, पाहा VIDEO

सिडनी, 29 नोव्हेंबर : ऑस्ट्रेलियाच्या टीमचा माजी कर्णधार स्टीव्ह स्मिथ (Steve Smith) याने भारताविरुद्धच्या मॅचमध्ये शतकासोबतच फिल्डिंगमध्येही जबरदस्त कामगिरी केली. स्मिथने हवेत उडून श्रेयस अय्यर (Shreya Iyer) याचा भन्नाट कॅच घेतला. ऑस्ट्रेलियासाठी ही विकेट मोठी होती कारण श्रेयस कर्णधार विराट कोहलीसोबत चांगली पार्टनरशीप करत होता. श्रेयस अय्यरने 36 बॉलमध्ये 38 रन केले. मॉईसेस हेनरिक्सच्या बॉलिंगवर अय्यरने शॉट मारला पण मिड विकेटवर स्मिथने कॅच पकडला. डाव्या बाजूला उडी मारून कॅच पकडत स्मिथने अय्यरला पॅव्हेलियनमध्ये धाडलं.

What a screamer of a catch by Steve Smith to get rid of Shreyas Iyer! #AUSvINDpic.twitter.com/VjOLpjcdak

— ICC (@ICC) November 29, 2020

विराट आणि अय्यर यांच्यामध्ये 93 रनची पार्टनरशीप झाली होती. हे दोघंही ऑस्ट्रेलियासाठी धोकादायक ठरतील, असं वाटत असतानाच स्मिथने ही अफलातून कामगिरी केली. त्याआधी शिखर धवन 30 रनवर आणि मयंक अग्रवाल 28 रनवर आऊट झाले. ऑस्ट्रेलियाचा कर्णधार एरॉन फिंच याने टॉस जिंकून पहिले बॅटिंगचा निर्णय घेतला. स्मिथने 64 बॉलमध्ये 104 रनची खेळी केली. ऑस्ट्रेलियाच्या सुरुवातीच्या पाचही बॅट्समननी अर्धशतकापेक्षा जास्त स्कोअर केला, त्यामुळे भारताला 390 रनचं मोठं आव्हान मिळालं. स्मिथचं भारताविरुद्ध वनडेमधलं हे पाचवं शतक होतं. याआधी पहिल्या मॅचमध्येही स्मिथने शतक केलं होतं.