• Home
  • »
  • News
  • »
  • sport
  • »
  • IND vs SA 3rd Test : दक्षिण आफ्रिकेचा भारताला धक्का, सीरिजही जिंकली, विराटचं स्वप्न अधूरंच

IND vs SA 3rd Test : दक्षिण आफ्रिकेचा भारताला धक्का, सीरिजही जिंकली, विराटचं स्वप्न अधूरंच

भारत आणि दक्षिण आफ्रिका (India vs South Africa 3rd Test) यांच्यातल्या निर्णायक टेस्टच्या चौथ्या दिवसाच्या खेळाला सुरूवात झाली आहे. मॅचच्या चौथ्या दिवशी आफ्रिकेचं पारडं जड आहे.

  • News18 Lokmat
  • | January 14, 2022, 17:46 IST
    LAST UPDATED 11 DAYS AGO

    हाइलाइट्स

    17:43 (IST)

    भारताविरुद्धच्या तिसऱ्या टेस्टमध्ये दक्षिण आफ्रिकेचा 7 विकेटने दणदणीत विजय, सीरिजही 2-1 ने जिंकली, लागोपाठ दुसऱ्या टेस्टमध्ये भारतीय बॉलर्सना 200 पेक्षा जास्त रनचं आव्हान रोखण्यात अपयश

    16:6 (IST)

    दक्षिण आफ्रिका विजयाच्या उंबरठ्यावर, विजयासाठी आणखी 41 रनची गरज, चौथ्या दिवसाच्या लंचपर्यंत दक्षिण आफ्रिकेचा स्कोअर 171/3, रस्सी व्हॅन डर डुसेन 22 रनवर तर टेम्बा बऊमा 12 रनवर नाबाद

    15:23 (IST)

    दक्षिण आफ्रिकेला तिसरा धक्का, कीगन पीटरसन 82 रनवर आऊट, शार्दुल ठाकूरने केलं बोल्ड, दक्षिण आफ्रिकेला विजयासाठी आणखी 57 रनची गरज

    14:8 (IST)

    दक्षिण आफ्रिकेच्या कीगन पीटरसनचं अर्धशतक

    केपटाऊन, 14 जानेवारी : भारत आणि दक्षिण आफ्रिका (India vs South Africa 3rd Test) यांच्यातल्या निर्णायक टेस्टच्या चौथ्या दिवसाच्या खेळाला सुरूवात झाली आहे. मॅचच्या चौथ्या दिवशी आफ्रिकेचं पारडं जड आहे. दक्षिण आफ्रिकेने चौथ्या दिवसाची सुरूवात 101/2 अशी केली आहे. कीगन पीटरसन (Keegan Petersen) 48 रनवर नाबाद खेळत आहे. दक्षिण आफ्रिकेला विजयासाठी आणखी 111 रनची गरज आहे, त्यामुळे हा सामना जिंकण्यासाठी भारताला चमत्कार घडवावा लागणार आहे. भारतासाठी दिलासादयक बाब म्हणजे विराट कोहली (Virat Kohli) कर्णधार असताना विरोधी टीमचा 139 पेक्षा जास्त आव्हानाचा पाठलाग करताना कधीच विजय झालेला नाही. मॅचच्या तिसऱ्या दिवशी ऋषभ पंतच्या नाबाद शतकामुळे भारताचा 198 रनवर ऑल आऊट झाला, त्यामुळे दक्षिण आफ्रिकेला विजयासाठी 212 रनचं आव्हान मिळालं. ऋषभ पंतच्या नाबाद 100 रन वगळता कोणत्याही भारतीय खेळाडूला मोठी खेळी करता आली नाही. पंतशिवाय विराट कोहलीने (Virat Kohli) 29 रन केले. भारताला अजून दक्षिण आफ्रिकेत एकदाही टेस्ट सीरिज जिंकता आलेली नाही. या दौऱ्यातल्या पहिल्या टेस्टमध्ये टीम इंडियाचा विजय झाला, यानंतर दुसऱ्या टेस्टमध्ये दक्षिण आफ्रिकेने जोरदार पुनरागमन करत सीरिज बरोबरीत आणली. आता तिसऱ्या टेस्टमध्येही दक्षिण आफ्रिकेचं पारडं जड वाटत आहे, त्यामुळे यंदाही भारताचं टेस्ट सीरिज जिंकण्याचं स्वप्न अधुरंच राहणार का? हा प्रश्न उपस्थित होत आहे.