Home /News /sport /

IND vs NZ : कानपूर टेस्टनंतर Light Meter चर्चेत, असा बदलला बॅड लाईटचा नियम

IND vs NZ : कानपूर टेस्टनंतर Light Meter चर्चेत, असा बदलला बॅड लाईटचा नियम

भारत आणि न्यूझीलंड यांच्यातली कानपूरमध्ये झालेली पहिली टेस्ट ड्रॉ (India vs New Zealand 1st Test) झाली. मॅचच्या अखेरच्या काही ओव्हरमध्ये अंपायर नितीन मेनन (Umpire Nitin Menon) वारंवार लाईट मीटरने (Light Meter) मैदानातला प्रकाश तपासत होते.

पुढे वाचा ...
    कानपूर, 29 नोव्हेंबर : भारत आणि न्यूझीलंड यांच्यातली कानपूरमध्ये झालेली पहिली टेस्ट ड्रॉ (India vs New Zealand 1st Test) झाली. शेवटच्या दिवशी भारताने दिलेल्या 284 रनच्या आव्हानाचा पाठलाग करताना न्यूझीलंडने 155/9 पर्यंत मजल मारली. रचिन रविंद्र (Rachin Ravindra) आणि एजाझ पटेल (Ajaz Patel) यांनी शेवटच्या विकेटसाठी 8.4 ओव्हर म्हणजेच 52 बॉल खेळून काढले. रचिन रविंद्र आणि एजाझ पटेल यांच्या या झुंजार खेळीमुळे भारताच्या हातातोंडाशी आलेला विजयाचा घास हिरावून घेतला गेला. एकीकडे न्यूझीलंडने हा सामना ड्रॉ केला असला तरी लाईट मीटर पुन्हा एकदा चर्चेत आला आहे. मॅचच्या अखेरच्या काही ओव्हरमध्ये अंपायर नितीन मेनन (Umpire Nitin Menon) वारंवार लाईट मीटरने मैदानातला प्रकाश तपासत होते. IND vs NZ : कानपूर टेस्ट ड्रॉ झाल्यानंतर अंपायर नितीन मेनन निशाण्यावर, जाणून घ्या कारण काय आहे लाईट मीटरचा नियम? टेस्ट क्रिकेटचा इतिहास खूप मोठा आहे आणि अपुऱ्या प्रकाशामुळे टेस्ट मॅच संपवण्यासंबंधी निर्णयही शेकडो वर्षांपासून घेतला जात आहे. मैदानावर उपलब्ध असलेला प्रकाश क्रिकेट खेळण्यासाठी अपुरा आहे (Bad Light Conditions) असं अंपायर्सना वाटलं तर खेळ थांबवण्याचा अधिकार त्यांना आहे. क्रिकेटचा लाल चामड्याचा बॉल (Red Leather Ball) हा खूप कडक असतो त्यामुळे जर अपुऱ्या प्रकाशात खेळलं तर खेळाडूंना इजा होण्याची दाट शक्यता असते. तसंच कृत्रिम लाईट्सच्या (Artificial Lights) प्रकाशात लाल रंगाचा बॉल नीट दिसत नाही, त्यामुळे खेळाडूंच्या सुरक्षिततेच्या दृष्टीनेच हा निर्णय घेतला जातो. याच कारणासाठी डे-नाईट टेस्टमध्ये गुलाबी रंगाचा बॉल वापरला जातो. क्रिकेटरसिकाच्या मनात विचार येतो मैदानात प्रकाश किती आहे, हे मोजतात तरी नक्की कसं? अंपायर्स दोन्ही बाजूच्या स्टंप्सवर एक फॅन्सी उपकरण धरतात. त्याच्या एका बाजूला लाईट सेन्सर (Light Sensor) असतो तर दुसऱ्या बाजूला त्यांच रिडिंग बघता येतं. या उपकरणाचं नाव आहे लाईट मीटर (Light Meter). लाईट मीटरवरील प्रकाशाच्या रिडिंगवरून अंपायर निर्णय घेतात. अर्थात हा निर्णय घेताना अंपार्यसना Marylebone Cricket Club (MCC) म्हणजे मेरिलीबोन क्रिकेट क्लबच्या मॅन्युअलमधील नियमांना अनुसरून काम करावं लागतं. या मॅन्युअलमधील 3.6.3 या नियमाअंतर्गत मैदानातील प्रकाश मोजण्यासाठी लाईट मीटर वापरण्याबद्दल स्पष्टता दिली आहे. या नियमात लाइट मीटरच्या वापराबद्द्ल असं म्हटलंय: 'अंपायर्सने लाईट मीटरच्या रिडिंगचा (Light Meter Reading) विचार या अनुषंगाने करावा: a) मॅचमध्ये कोणत्याही वेळी मैदानातील प्रकाश एकदम कमी झाला असं वाटलं किंवा एखाद्या वेळी खेळ सुरू करताना पुन्हा आवश्यक तेवढा प्रकाश आहे का हे बघण्यासाठी अंपायर्सनी लाईट मीटरचा वापर करावा. b) एखादी मॅच किंवा सीरिज किंवा इव्हेंट थांबवण्यासंबंधी निर्णय घेताना बेंचमार्क म्हणून या लाईट मीटर रिडिंगचा वापर अंपायर करू शकतात.' 2010 पूर्वी अंपायर्स बॅट्समनला प्रकाश कितपत आहे, खेळण्यासाठी योग्य आहे का, असं विचारत आणि त्यानंतर खेळ थांबवण्यासंबंधी निर्णय जाहीर करत. पण जर बॅट्समनच्या टीमसाठी मॅचमधली परिस्थिती चांगली नसली, तर खेळ थांबवण्याची आयती संधी त्याला उपलब्ध होत होती. त्यामुळे लाईट मीटर हे उपकरण वापरायला सुरूवात झाली. एमसीसीच्या नियमानुसार जर लाईट मीटरने दिलेल्या एखाद्या रिडिंगच्या वेळी मैदानात खूपच कमी प्रकाश आहे, असं अंपायर्सना वाटलं तर उर्वरित मॅचमध्ये ते रिडिंग बेंचमार्क (Reading Benchmark) म्हणून वापरतात. म्हणजे त्या रिडिंगच्या आधारे प्रकाश किती असला पाहिजे हे ठरवलं जातं. त्याहून अधिक प्रकाश असेल आणि खेळण्यास योग्य असेल तर खेळ होतो पण त्याहून प्रकाश कमी झाली तर खेळ थांबवण्याचा निर्णय घेतला जातो.
    Published by:Shreyas
    First published:

    पुढील बातम्या