Home /News /sport /

IND vs ENG : वन-डे आणि टी20 सीरिजसाठी टीम इंडियाची घोषणा, IPL स्टारला पहिल्यांदाच संधी

IND vs ENG : वन-डे आणि टी20 सीरिजसाठी टीम इंडियाची घोषणा, IPL स्टारला पहिल्यांदाच संधी

हार्दिक पांड्याच्या आगमनानंतर अष्टपैलू व्यंकटेश अय्यरला खेळण्याची संधी मिळालेली नाही. दक्षिण आफ्रिकेशिवाय आयर्लंडविरुद्धच्या टी-20 मालिकेसाठीही त्याची निवड झाली होती.

    नवी दिल्ली, 01 जुलै : बीसीसीआयने इंग्लंडविरुद्धच्या वनडे आणि टी-20 मालिकेसाठी भारतीय संघाची घोषणा केली आहे. रोहित शर्मा दोन्ही संघात कर्णधार म्हणून पुनरागमन करेल. विराट कोहली, ऋषभ पंत आणि जसप्रीत बुमराह सारखे अनेक सीनियर खेळाडू पहिल्या T20 मध्ये खेळणार नाहीत. मात्र, त्यांना शेवटच्या 2 टी-20 सामन्यांसाठी संघात स्थान मिळाले आहे. अर्शदीप सिंगचा टी-20 सोबत वनडे संघातही समावेश करण्यात आला आहे. तर उमरान मलिकला फक्त टी-20 संघात स्थान मिळाले आहे. ऋतुराज गायकवाड आणि संजू सॅमसन यांचा केवळ पहिल्या टी-20 सामन्यासाठी संघात समावेश करण्यात (India vs England Series) आला आहे. 7 जुलैपासून क्रिकेट मालिकांना सुरुवात होणार असून 17 जुलैपर्यंत सामने रंगणार आहेत. सुरुवातीला दोन्ही देशांचे संघ कसोटी सामने खेळणार आहेत. कसोटी सामना 1 जुलैपासून सुरू होत आहे. भारतीय संघ कसोटी मालिकेत 2-1 ने आघाडीवर आहे. रोहित शर्मा नुकताच कोरोना पॉझिटिव्ह आला असल्याने तो कसोटी सामन्यात खेळत नाहीये. इंग्लंड मालिकेसाठी जाहीर करण्यात आलेल्या संघावर नजर टाकली तर वेगवान गोलंदाज उमरान मलिकला तिन्ही टी-20 सामन्यांसाठी संघात स्थान मिळाले आहे. मात्र, त्याला वनडे संघात स्थान मिळू शकले नाही. यावरून त्याला आता या फॉरमॅटसाठी स्वत:ला तयार करावे लागणार असल्याचे स्पष्ट झाले. त्याच वेळी, डावखुरा वेगवान गोलंदाज अर्शदीप सिंग दक्षिण आफ्रिका आणि आयर्लंडविरुद्धच्या T20 मालिकेदरम्यान संघामध्ये होता. पण, आता त्याला खेळण्याची संधी मिळालेली नाही. शेवटच्या दोन T-20 मधून बाहेर अर्शदीप सिंगला इंग्लंडविरुद्धच्या पहिल्या T20 साठी संघात स्थान मिळाले आहे. मात्र, तो शेवटच्या 2 सामन्यांसाठी बाहेर राहणार आहे. मात्र, 3 सामन्यांच्या वनडे मालिकेसाठी या युवा गोलंदाजाची संघात निवड करण्यात आली आहे. म्हणजेच लांब फॉरमॅटसाठी तो निवडकर्त्यांचा पर्याय आहे. दुसरीकडे, संजू सॅमसन आणि ऋतुराज यांची पहिल्या T20 साठी निवड झाली आहे, पण त्यांना शेवटच्या 2 साठी संघात स्थान मिळू शकले नाही. म्हणजेच आतापर्यंतच्या कामगिरीने ते निवडकर्त्यांना फारसे प्रभावित करू शकलेले नाहीत. ते एकदिवसीय संघातही नाही. त्याचबरोबर दीपक हुडा आणि इशान किशन यांची तिन्ही टी-20 साठी निवड झाली आहे. एकदिवसीय मालिकेसाठी इशानला संघात स्थान मिळाले आहे. हे वाचा - Video: नॅशनल रेकॉर्ड तोडत नीरज चोप्राचा भाला पुन्हा सुसाट; डायमंड लीगमध्ये जबरदस्त फेकी
    व्यंकटेश अय्यरलाही संधी नाही - हार्दिक पांड्याच्या आगमनानंतर अष्टपैलू व्यंकटेश अय्यरला खेळण्याची संधी मिळालेली नाही. दक्षिण आफ्रिकेशिवाय आयर्लंडविरुद्धच्या टी-20 मालिकेसाठीही त्याची निवड झाली होती. पण, त्याला कोणत्याही सामन्यात प्लेइंग-11 मध्ये स्थान मिळाले नाही. इंग्लंडविरुद्धच्या पहिल्या टी-20 सामन्यात तो संघात असेल, पण तो शेवटच्या 2 सामन्यांमध्ये स्थान मिळवू शकला नाही. त्याला एकदिवसीय संघातही स्थान मिळालेले नाही. अशा स्थितीत त्याला इंग्लंड दौऱ्यावर संधी मिळण्याची शक्यताही कमी होती. हे वाचा - Rahul Dravid on Virat Kohli: 'विराटकडून मला शतक नको', निर्णायक टेस्टपूर्वी द्रविडनं केलं जाहीर!
    इंग्लंड मालिकेसाठीचा संघ पुढीलप्रमाणे - वनडे मालिकेसाठी संघ : रोहित शर्मा (कर्णधार), शिखर धवन, इशान किशन, विराट कोहली, सूर्यकुमार यादव, श्रेयस अय्यर, ऋषभ पंत, हार्दिक पंड्या, शार्दुल ठाकूर, युझवेंद्र चहल, अक्षर पटेल, जसप्रीत बुमराह, प्रणंद कृष्णा, मोहम्मद शमी, शमी मोहम्मद सिराज आणि अर्शदीप सिंग. पहिल्या T20 साठी संघ: रोहित शर्मा (कर्णधार), इशान किशन, ऋतुराज गायकवाड, संजू सॅमसन, सूर्यकुमार यादव, दीपक हुडा, राहुल त्रिपाठी, दिनेश कार्तिक, हार्दिक पंड्या, व्यंकटेश अय्यर, युझवेंद्र चहल, अक्षर पटेल, रवी बिष्णोई, भुवनेश्वर कुमार, हर्षल पटेल, आवेश खान, अर्शदीप सिंग आणि उमरान मलिक. दुसऱ्या आणि तिसऱ्या T20 साठी संघ: रोहित शर्मा (कर्णधार), इशान किशन, विराट कोहली, सूर्यकुमार यादव, दीपक हुडा, श्रेयस अय्यर, दिनेश कार्तिक, ऋषभ पंत, हार्दिक पंड्या, रवींद्र जडेजा, युझवेंद्र चहल, अक्षर पटेल, रविंद्र पटेल. बुमराह, भुवनेश्वर कुमार, हर्षल पटेल, आवेश खान आणि उमरान मलिक.
    Published by:News18 Desk
    First published:

    Tags: Cricket, Cricket news

    पुढील बातम्या