IPL 2019 : अशा मैदानावर यापुढं आम्ही खेळणारच नाही, धोनीची सटकली

कोलकतावर विजय मिळवूनही धोनी खेळपट्टीवर नाराज.

News18 Lokmat
Last Updated: Apr 10, 2019 06:21 PM IST

News18 Lokmat

चेन्नई, 10 एप्रिल : आपल्या विजयरथा बरोबरच महिल्या क्रमांकावर विराजमान असलेल्या चेन्नई संघानं आपल्या घरच्या मैदानावर शानदार विजय मिळवला. मात्र, हा विजय मिळवूनही धोनी या खेळपट्टीवर नाराज आहे.

चेपॉकवर आतापर्यंत सर्व सामने चेन्नई संघानं जिंकले आहेत. मात्र आता यापुढं या खेळपट्टीवर एकही सामना खेळणार नाही, असा आक्रमक पवित्रा चेन्नई संघाचा कर्णधार महेंद्रसिंग धोनी यानं घेतला आहे. तसेच, या खेळपट्टीमुळे मोठी धावसंख्या करणे कठीण आहे. खेळपट्टी संथ असतानाही आम्ही विजय मिळवला, असंही धोनी म्हणाला.

आयपीएलच्या या सत्रातात आतापर्यंत चेन्नईने होम ग्राऊंडवरील सर्व सामन्यात विजय मिळवला आहे. येथे झालेल्या चारही सामन्यात चेन्नईने विजयी पताका फडकावली आहे. त्यानंतरही धोनीने खेळपट्टीवर नाराजी व्यक्त केली आहे. मंगळवारी चेन्नईने कोलकात्याचा सात विकेटने पराभव केला. या पाचव्या विजयासाह चेन्नईने गुणतालिकेत अव्वल स्थानावर झेप घेतली आहे. कोलकाताने ९ गड्यांच्या मोबदल्यात निर्धारित २० षटकांत १०८ धावा केल्या होत्या. चेन्नईने हे लक्ष्य १७.२ षटकांत तीन विकेटच्या मोबदल्यात पार केले आहे.

यावेळी धोनीनं अनुभवी फिरकी गोलंदाज हरभजनसिंह आणि इम्रान ताहिरचे कौतुक करत, ताहिर आणि भज्जी उत्कृष्ट गोलंदाज आहेत, असंही सांगितलं. याआधी आयपीएलच्या सलामी सामन्यातही बंगळुरू विरोधात चेन्नईनं विजय मिळवला होता. मात्र त्या सामन्यानंतरही ही खेळपट्टी निराशाजनक असल्याचं वक्तव्य धोनीनं केलं होतं.

@BCCI should ban Chepauk stadium for T20. It's not playable IPL matches here. This is only 120-130 pitch which doesn't suit the level of IPL.#CSKvKKR
— V I P E R™ (@TheViper_offl) April 9, 2019

यावर चाहत्यांनीही, बीसीसीआयनं ही खेळपट्टी बॅन करावी, अशी टीका केली आहे.

Relax the fanbase that defends anything good or bad, your team's skills are not in question here. The Chepauk pitches are bad, and #CSK captain slammed it after game one. If you can't differentiate between the two, keep going in my mentions. I have quality filter on 😀
— Saurabh Malhotra (@MalhotraSaurabh) April 9, 2019