World Cup : पंचांच्या दोन चुकांचा दणका, न्यूझीलंडचे स्वप्न भंगणार?

लॉर्ड्स, 14 जुलै : ICC Cricket World Cupमध्ये अंतिम सामन्यात न्यूझीलंड आणि इंग्लंड यांच्यात सामना सुरू आहे. यामध्ये न्यूझीलंडला पंचांच्या दोन चुकांचा मोठा फटका बसण्याची शक्यता आहे. फलंदाजीवेळी एक आणि गोलंदाजीवेळी एक असे दोन चुकीचे निर्णय पंचांनी दिले. यात न्यूझीलंडच्या विरुद्ध निर्णय दिल्यानं याचा फटका त्यांना बसू शकतो.

प्रथम फलंदाजी करताना न्यूझीलंडने 50 षटकांत 8 बाद 241 धावा केल्या. दरम्यान 34 व्या षटकातील पहिल्या चेंडूवर न्यूझीलंडचा फलंदाज पायचित झाला. मार्क वूडने पहिल्याच चेंडूवर पायचितचे जोरदार अपिल केलं. यात पंचांनी त्याला बाद दिलं. यावर न्यूझीलंडने डीआरएस घेतला नाही. त्यानंतर टीव्ही रिप्लेमध्ये चेंडू स्टम्पवरून जात असल्याचं दिसलं.

#CWC19Final Umpire makes wrong decisions in #CWC19Final Ross Taylor lbw . #gomariaserasmus how you take these much of decisions in Final pic.twitter.com/vmnZbRqLSz

— Fervez Ahamed (@ahamed_fervez) July 14, 2019

रॉस टेलर बाद होण्यापूर्वी संघाची अवस्था 33 षटकांत 3 बाद 140 होती. त्यानंतर ती 4 बाद 140 झाली. जर रॉस टेलर बाद झाला नसता तर न्यूझीलंडला मोठी धावसंख्या उभारता आली असती.

Review first ball!

Trent Boult swings one back into Jason Roy, but DRS shows the ball only clipping leg stump, and Roy survives. How big a moment could that be?#CWC19 | #CWC19Final

— Cricket World Cup (@cricketworldcup) July 14, 2019

फलंदाजीनंतर क्षेत्ररक्षणासाठी मैदानात उतरलेल्या न्यूझीलंडने पहिल्याच चेंडूवर डीआरएस घेतला. मात्र, यातही पंचांचा निर्णय कायम ठेवण्यात आला. इंग्लंडचा सलामीवीर जेसन रॉय पहिल्याच चेंडूवर पायचित झाला असता. मात्र, त्याचे अपिल पंचांनी फेटाळून लावले. रिव्ह्यूमध्ये चेंडू स्टम्पवर आदळत असल्याचे दिसत होते मात्र पंचांचा निर्णय कायम ठेवण्यात आला. याचा फायदा इंग्लंडला झाला. या संधीचा जास्त फायदा इंग्लंडला झाला नाही. जेसन रॉय सहाव्या षटकात झेलबाद झाला.

ब्रम्हगिरी पर्वतावरील नयनरम्य दृश्य, पाहा हा EXCLUSIVE VIDEO