WI vs ENG: वेस्ट इंडिजनं उडवला इंग्लंडचा धुव्वा, 7 रनमध्येच घेतल्या 4 विकेट्स

मुंबई, 23 जानेवारी : अ‍ॅशेस सीरिजमधील पराभवानंतर इंग्लंडची टी20 क्रिकेटमध्येही निराशाजनक सुरूवात झाली आहे. वेस्ट इंडिज विरुद्ध झालेल्या पहिल्या सामन्यात (West Indies vs England)  इंग्लंडचा 7 विकेट्सनं पराभव झाला. इंग्लंडची टीम पहिल्यांदा बॅटींग करताना फक्त 103 रनवर ऑल आऊट झाली. वेस्ट इंडिजने 17.1 ओव्हर्समध्ये फक्त 1 विकेटच्या मोबदल्यात हे टार्गेट पूर्ण केले.

वेस्ट इंडिजचा कॅप्टन कायरन पोलार्डनं टॉस जिंकून पहिल्यांदा फिल्डिंगचा निर्णय घेतला. ऑल राऊंडर जेसन होल्डरनं (Jason Holder) हा निर्णय सार्थ ठरवला. त्याने फक्त 3.4 ओव्हरमध्ये 7 रन देत 4 विकेट्स घेतल्या. होल्डरच्या कारकिर्दीमधील ही सर्वोत्तम कामगिरी आहे. इंग्लंडची अवस्था 6 आऊट 39 अशी झाली होती. त्यावेळी इंग्लंड 50 रनही करणार नाही, असे वाटत होते. ख्रिस जॉर्डननं 28 आणि आदिल राशिदनं 22 रन करत टीमला 100 च्या पुढे नेले. फास्ट बॉलर शेल्डन कॉट्रेलनंही 2 विकेट्स घेतल्या.

Best T20 bowling figures ever for Jason Holder

The all-rounder was named Player of the Match in the West Indies' T20I victory over England as the icing on the cake pic.twitter.com/S4uEwbOtjX — ICC (@ICC) January 22, 2022

इंग्लंडचे 7 खेळाडू दोन अंकी रन देखील करू शकले नाहीत. ओपनर जेसन रॉयनं 6 तर टॉम बँटननं 4रन काढले. कॅप्टन इयन मॉर्गन (Eoin Morgan) देखील मोठी खेळी करू शकला नाही. तो 29 बॉलमध्ये 17 रन काढून आऊट झाला. जॉर्डन आणि राशिदनं आठव्या विकेटसाठी इंग्लंडकडून 36 रनची सर्वोच्च भागिदारी केली.

टीम इंडियाविरुद्ध सीरिज जिंकल्यानंतर आफ्रिकेला धक्का, ICC नं सुनावली शिक्षा

वेस्ट इंडिजनं सुरूवात चांगली केली. ब्रँडन किंग आणि शाई होप यांनी पहिल्या विकेटसाठी 52 रनची पार्टनरशिप केली. होपनं 25 बॉलमध्ये 20 रन काढले. त्याला राशिदनं आऊट केलं. किंग 49 बॉलमध्ये 52 रन काढून नाबाद राहिला. त्याने 4 फोर आणि 1 सिक्स लगावला. निकोलस पूरननं 29 बॉलमध्ये नाबाद 27 रन काढले. इंग्लंडकडून फक्त राशिदला एकमेव विकेट मिळाली. इंग्लंड टीमची कामगिरी खराब झाली आहे. यापूर्वी अ‍ॅशेस सीरिजमध्ये त्यांचा 4-0 असा पराभव झाला होता.