ICC Test Ranking: विराट आणि स्मिथला मागं टाकल्यानंतर विल्यमसनची सर्वांचं मन जिंकणारी प्रतिक्रिया! पाहा Video

मुंबई, 1 जानेवारी : आयसीसी टेस्ट रँकिंगमध्ये (ICC Test Ranking) 2020 च्या शेवटच्या दिवशी मोठा बदल झाला. न्यूझीलंडचा कॅप्टन केन विल्यमसननं (Kane Williamson) ऑस्ट्रेलियाचा बॅट्समन स्टीव्ह स्मिथ (Steve Smith) आणि भारताचा कॅप्टन विराट कोहली (Virat Kohlli) यांना मागं टाकत पहिल्या क्रमांकावर झेप घेतली. विल्यमसन पाच वर्षांनंतर आयसीसी रँकिंगमध्ये नंबर 1 वर पोहचला आहे. या यशानंतर त्यानं त्याच्या स्वभावाला शोभणारी सुसंस्कृत प्रतिक्रिया दिली आहे. विल्यमसन का बनला नंबर 1? केन विल्यमसनसाठी 2020 हे वर्ष चांगलं गेलं. न्यूझीलंड विरुद्ध पाकिस्तान (NZ vs PAK) यांच्यात झालेल्या बॉक्सिंग डे (Boxing Day) टेस्टमध्ये त्याने 129 आणि 21 रन्स काढले. या खेळीमुळे त्याला 13 पॉईंट्स मिळाले. स्टीव्ह स्मिथ मेलबर्न टेस्टमध्ये फक्त 8 रन काढू शकला. तर, विराट कोहली भारतात परतल्यानं मेलबर्न टेस्ट खेळू शकला नाही. खराब कामगिरीमुळे स्मिथ तिसऱ्या क्रमांकावर घसरला. तर विराटचा दुसरा क्रमांक कायम राहिला. या दोघांना मागं टाकत विल्यमसननं पहिला क्रमांक पटकावला. (हे वाचा: IND vs AUS : तिसऱ्या टेस्टआधी हिटमॅन मैदानात! रोहितने सुरू केला सराव) विल्यमसनची पहिली प्रतिक्रिया ICC च्या ट्विटर हँडलवर विल्यमसनचा व्हिडीओ प्रसिद्ध करण्यात आला आहे. “ते दोन्ही खेळाडू (विराट कोहली आणि स्टिव्ह स्मिथ) माझ्यापेक्षा श्रेष्ठ आहेत. त्यांना मागं टाकणं हा आश्यर्चकारक आणि सुखद अनुभव आहे. या दोघांनी क्रिकेटच्या सर्व प्रकारात सरस खेळ केला आहे. त्यांच्याविरुद्ध खेळू शकलो हे माझं भाग्य आहे.’’ या शब्दात प्रतिक्रिया देत विल्यमसननं सर्वांचं मन पुन्हा एकदा जिंकलं आहे.

🗣️ "It was a great game to be involved in. We seem to have many tight finishes against Pakistan. The last three have gone to the last 25 minutes of the last day."

🎥 Kane Williamson reflects on the thrilling finish in the first #NZvPAK Test match at the Bay Oval ⬇️ pic.twitter.com/FVpdzV2eZh — ICC (@ICC) December 31, 2020

The No.1 and No.2 Test batsmen in one frame 📸 pic.twitter.com/rfzygYZFYl

— ICC (@ICC) December 31, 2020

अश्विन-रहाणेला मोठा फायदा विराटच्या अनुपस्थितीमध्ये अजिंक्य रहाणेनं (Ajinkya Rahane) टीम इंडियाचं नेतृत्व केलं. रहाणेनं मेलबर्न टेस्टमध्ये एकूण 139 रन्स काढले. त्यामुळे तो आता सहाव्या क्रमांकावर पोहचला आहे. भारताचा ऑफ स्पिनर आर. अश्विन (R. Ashwin) टॉप टेन बॉलरमधील एकमेव स्पिनर आहे. अश्विनलाला मेलबर्न टेस्टच्या कामगिरीचा फायदा झाला असून तो आता सातव्या क्रमांकावर आहे.