6,6,6,6,6,4 : IPL लिलावातील अनसोल्ड खेळाडूनं एकाच ओव्हरमध्ये काढले 34 रन, पाहा VIDEO

मुंबई, 27 मे : जगातील सर्वात प्रतिष्ठेची इंडियन प्रीमियर लीग स्पर्धा आता शेवटच्या टप्प्यात आली आहे. या स्पर्धेत खेळण्याचं जगातील प्रत्येक खेळाडूंचं स्वप्न असतं, पण सर्वांना या स्पर्धेत संधी मिळत नाही.यावर्षी झालेल्या लिलावात अनसोल्ड ठरलेल्या पण नंतर जखमी खेळाडूच्या बदली संधी मिळालेल्या रजत पाटीदारनं (Rajat Patidar) आरसबीकडून खेळताना या सिझनमधील सर्वात जलद शतक झळकावलं होतं. त्यानंतर आता आणखी एका अनसोल्ड खेळाडूनं एकाच ओव्हरमध्ये 5 सिक्स आणि एक फोर लगावत तब्बल 34 रन केले आहेत. त्यानं या खेळीत फक्त 46 बॉलमध्ये शतक झळकावलं.

आयर्लंडच्या पॉल स्टर्लिंगनं (Paul Stirling) टी20 ब्लास्टमध्ये ही आक्रमक खेळी केली. वॉरकरशायरकडून खेळताना स्टर्लिंगनं नॉर्थम्पटनशायर विरूद्ध फक्त 51 बॉलमध्ये 9 फोर आणि 10 सिक्सच्या मदतीनं 119 रन केले. या खेळीत त्यानं एकाच ओव्हरमध्ये 5 सिक्स आणि 1 फोरसह 34 रन केले. 19 वर्षांच्या जेम्स सेल्सच्या विरूद्ध स्टर्लिंगनं ही खेळी केली.

6️⃣6️⃣6️⃣6️⃣6️⃣4️⃣ - 34 from an over!@stirlo90 is a cheat code 😲 #Blast22 pic.twitter.com/Sy7ByS4wwm

— Vitality Blast (@VitalityBlast) May 26, 2022

स्टर्लिंगचं टी20 क्रिकेटमधील हे तिसरं शतक आहे. या शतकासह त्यानं टी 20 क्रिकेटमध्ये 7 हजार रनचा टप्पा ओलांडला आहे. टी20 क्रिकेटमध्ये 7 हजार रन करणारा तो आयर्लंडचा पहिलाच क्रिकेटपटू आहे. स्टर्लिंगनं सॅम हेनच्या सोबत तिसऱ्या विकेटसाठी 70 बॉलमध्ये 170 रनची भागिदारी केली. हेननं 32 बॉलमध्ये नाबाद 66 रन केले.

IPL 2022, RR vs RCB Dream11: दुसऱ्या क्वालिफायरमध्ये 'या' खेळाडूंचा करा टीममध्ये समावेश

पावसाचा फटका बसल्यानं हा सामना 16 ओव्हर्सचा करण्यात आला होता. वॉरकरशायरनं पहिल्यांदा बॅटींग करत 3 आऊट 207 रन केले. या विशाल टार्गेटचा पाठलाग करताना नॉर्थम्पटनशायर टीम 14.2 ओव्हर्समध्ये फक्त 81 रनवर ऑल आऊट झाली. त्यामुळे वॉरकशायरनं हा सामना 125 रनच्या मोठ्या फरकानं जिंकला.