IPL 2022 : मुंबई इंडियन्सच्या विजयाचा RCB मध्ये जल्लोष, विराटची प्रतिक्रिया VIRAL

मुंबई, 22 मे : मुंबई इंडियन्सनं (Mumbai Indians) आयपीएल 2022 चा शेवट गोड केला. त्यांनी वानखेडे स्टेडिअमवरील सामन्यात दिल्ली कॅपिटल्सचा (MI vs DC) 5 विकेट्सनं पराभव केला. मुंबईचा या सिझनमधील हा चौथाच विजय आहे. मुंबईच्या या विजयाचा सर्वात मोठा फायदा रॉयल चॅलेंजर्स बँगलोरला (RCB) झाला. आरसीबीला 'प्ले ऑफ' मध्ये प्रवेश करण्यासाठी मुंबई इंडियन्सनं हा सामना जिंकणे आवश्यक होते.

आरसीबीची ही इच्छा मुंबईनं पूर्ण करताच त्यांच्या खेळाडूंनी जोरदार सेलिब्रेशन केले. आरसीबीनं सोशल मीडियावर खेळाडूंचे फोटो शेअर केले आहेत. यामध्ये विराट कोहली (Virat Kohli), कॅप्टन फाफ ड्यू प्लेसिस (Faf du Plessis), ग्लेन मॅक्सवेल (Glenn Maxwell) या प्रमुख खेळाडूंसह संपूर्ण टीमनं मुंबईच्या विजयाचा आनंद साजरा केल्याचं दिसत आहे. 'प्ले ऑफ' मध्ये प्रवेश मिळाल्यानं आरसीबीचे सर्व खेळाडू खूश झाले होते. त्यांनी एकमेकांना मिठी मारत हा आनंद साजरा केला.

ABSOLUTE SCENES! ❤️#PlayBold #WeAreChallengers #IPL2022 #Mission2022 #RCB #ನಮ್ಮRCB #Playoffs #MIvDC pic.twitter.com/GLmIsbE5vQ

— Royal Challengers Bangalore (@RCBTweets) May 21, 2022

या मॅचपूर्वी मुंबई इंडियन्सला पाठिंबा देण्यासाठी आरसीबीने त्यांच्या प्रोफाईल फोटोही निळ्या रंगाचा केला आहे. तसंच  रोहित शर्माला आपला पूर्ण पाठिंबा असल्याची प्रतिक्रिया आरसीबीचा कर्णधार फाफ डुप्लेसिसने दिली होती.आरसीबीच्या टीमने मुंबई इंडियन्सना एक पत्रही लिहिलं आहे. आरसीबीची पूर्ण टीम दिल्लीविरुद्धच्या सामन्यात तुम्हाला पाठिंबा देईल, असं या पत्रात लिहिण्यात आलं होतं.

IPL 2022 : पंतनं स्वत:च्या चुकीचं फोडलं इतरांवर खापर, DRS न घेण्याचं सांगितलं कारण

गुजरात टायटन्स आणि राजस्थान रॉयल्स (GT vs RR) यांच्यात मंगळवारी क्वालिफायरचा पहिला सामना होईल, या मॅचमध्ये जिंकणारी टीम थेट फायनलला प्रवेश करेल. तर लखनऊ सुपर जायंट्सची टीम एलिमिनेटरमध्ये आरसीबी विरूद्ध खेळणार आहे. एलिमिनेटरमध्ये पराभूत झालेल्या टीमचं आव्हान संपुष्टात येईल, तर विजय मिळवलेली टीम गुजरात आणि राजस्थानमधल्या सामन्यात पराभूत झालेल्या टीमविरुद्ध खेळेल, या सामन्यात जिंकलेली टीम रविवारी फायनलसाठी मैदानात उतरेल.