IPL 2022 : शेवटच्या ओव्हरमध्ये जोरदार ड्रामा, पंतनं केली धोनीसारखी कृती! अंपायर आणि बटलरलाही भिडला

मुंबई, 23 एप्रिल : दिल्ली कॅपिटल्स विरूद्ध राजस्थान रॉयल्स (Delhi Capitals vs Rajasthan Royals) यांच्यात मुंबईच्या वानखेडे स्टेडिअमवर झालेल्या मॅचमध्ये अंपायरचा एक निर्णय चांगलाच वादग्रस्त ठरला. दिल्लीच्या इनिंगमधील शेवटच्या ओव्हरमध्ये हा प्रकार घडला. दिल्लीचा कॅप्टन ऋषभ पंतनं (Rishbah Pant) यावेळी अंपायरच्या निर्णयावर जोरदार आक्षेप घेतला. पंत आणि दिल्ली टीमची बाजू मांडण्यासाठी यावेळी दिल्लीचे असिस्टंट कोच प्रवीण आम्रे यांनी मैदानात धाव घेतली. काय घडले प्रकरण? राजस्थान रॉयल्सनं पहिल्यांदा बॅटींग करत 222 रन केले होते. दिल्लीला शेवटच्या ओव्हर्समध्ये जिंकण्यासाठी 36 रनची गरज होती. रोव्हमन पॉवेलनं ओबेड मेकॉयच्या पहिल्या दोन बॉलवर सिक्स लगावात मॅचमध्ये रंगत वाढवली. त्यानं तिसऱ्या बॉलवरही सिक्स लगावाला आणि वाद सुरू झाला. मकॉयनं टाकलेला बॉल हा नो बॉल असल्याचं डगआऊटमध्ये बसलेल्या संपूर्ण दिल्ली टीमचं मत होतं. त्यांनी नो बॉलचा निर्णय थर्ड अंपायरकडे देण्याची मागणी केली. मैदानातील अंपायर त्यांच्या निर्णयावर ठाम होते. त्यामुळे वाद आणखी चिघळला.

Rishabh Pant is calling his batsmen back because the umpires are not checking the no ball #IPL2022 pic.twitter.com/AMRYbgm6qx

— India Fantasy (@india_fantasy) April 22, 2022

दिल्लीचा कॅप्टन ऋषभ पंत यावेळी चांगलाच नाराज झाला होता. त्याने मैदानात बॅटींग करत असलेल्या खेळाडूंना परत येण्याचा इशारा केला. दिल्लीचे असिस्टंट कोच प्रवीण आम्रे यांनी यावेळी मैदानात धाव घेत अंपायरचं मन वळवण्याचा प्रयत्न केला. याच प्रकारची घटना आयपीएल 2019 मध्येही झाली होता. त्यावेळी महेंद्रसिंह धोनीनं (MS Dhoni) नो बॉल न दिल्यानं मैदानात येऊन अंपायरशी वाद घातला होता. दिल्ली कॅपिटल्सच्या खेळाडूंचा शेवटपर्यंत संघर्ष! पण, अखेर राजस्थानच ठरलं Royal बटरलरशी वाद ऋषभ पंतनं यावेळी बाऊंड्री लाईनवर उभा असलेला राजस्थान रॉयल्सचा खेळाडू जॉस बटलरशीही वाद घातला. दोघांमध्ये जोरदार शाब्दिक संघर्ष झाल्याचं यावेळी दिसलं.  अंपायरनं या सर्व प्रकरणात ठाम राहात खेळ पुन्हा सुरू केला. शेवटच्या तीन बॉलमध्ये पॉवेलला फक्त 2 रन करता आले. त्यामुळे राजस्थान रॉयल्सनं ही मॅच 15 रननं जिंकली. या विजयासह राजस्थान रॉयल्सनं पॉईंट टेबलमध्ये नंबर 1 वर एन्ट्री केली आहे.