IND vs NZ, Mumbai Test Live: अखेर टॉसची वेळ ठरली, पाहा कधी सुरू होणार मॅच

मुंबई, 3 डिसेंबर: भारतीय क्रिकेटची पंढरी असलेल्या मुंबईतील वानखेडे स्टेडियमवर (Wankhede Stadium, Mumbai) तब्बल 5 वर्षांनी टेस्ट मॅच होत आहे. भारत विरुद्ध न्यूझीलंड (India vs New Zealand) यांच्यातील दुसरी टेस्ट मुंबईत होत असून दोन्ही टीमसाठी ही मॅच जिंकणे आवश्यक आहे. या सीरिजमधील कानपूरमध्ये झालेली टेस्ट चांगलीच चुरशीची झाली होती. शेवटपर्यंत रंगलेली ती टेस्ट ड्रॉ करण्यात न्यूझीलंडला अखेर यश आले. मुंबईतही दोन्ही टीमकडून त्याचपद्धतीनं खेळाची अपेक्षा आहे. मुंबईकरांमध्ये उत्सुकता शिगेला पोहचली असतानाच या टेस्टमध्ये अडथळा आला. मुंबईत गेल्या दोन दिवसापासून झालेल्या पावसामुळे वानखेडे स्टेडियमचे आऊटफिल्ड ओले झाले होते. त्यामुळे या मॅचचा टॉस नियोजित वेळेनुसार सकाळी 9 वाजता होऊ शकला नाही. टॉसची वेळ दोन वेळा लांबवणीवर पडली. आता सकाळी 11.30 वाजता टॉस होणार असून दुपारी 12 वाजता मॅच सुरू होणार आहे.

UPDATE - Toss will take place at 11.30 AM. Match starts at 12 PM. 78 overs to be bowled.#INDvNZ @Paytm pic.twitter.com/c324ZF03ge

— BCCI (@BCCI) December 3, 2021

मुंबई टेस्ट सुरु होण्यापूर्वीच टीम इंडियाला 3 मोठे धक्के बसले. अजिंक्य रहाणे (Ajinkya Rahane),  रविंद्र जडेजा (Ravindra Jadeja) आणि इशांत शर्मा (Ishant Sharma) हे 3 प्रमुख खेळाडू दुखापतीमुळे ही टेस्ट खेळू शकणार नाहीत. तर न्यूझीलंडचा कॅप्टन केन विल्यमसन (Kane Williamson) देखील दुखापतग्रस्त झाला आहे. त्यामुळे तो देखील या टेस्टमधून आऊट झाला आहे. विल्यमसनच्या अनुपस्थितीमध्ये टॉम लॅथम न्यूझीलंडची कॅप्टनसी करणार आहे. IND vs NZ: मुंबई टेस्टमध्ये बदलणार विराटचं नशीब, 741 दिवसांची प्रतीक्षा संपणार! वानखेडे स्टेडियमच्या पिचनं आजवर फास्ट बॉलर्सना नेहमीच मदत केली आहे. या पिचवर त्यांना बाऊन्स चांगला मिळतो. तर शेवटच्या दोन दिवसांमध्ये हे पिच स्पिन बॉलर्सना मदत करते, असा इतिहास आहे.