IND vs ENG : टीम इंडियानं केली होती तक्रार, अंपायरमुळे हुकलं रोहितचं ऐतिहासिक शतक

लॉर्ड्स, 12 ऑगस्ट :  लॉर्ड्स टेस्टमधील (India vs England, 2nd Test) रोहित शर्मानं (Rohit Sharma) भारतीय फॅन्सचं मन पुन्हा एकदा जिंकलं आहे. रोहितनं लॉर्ड्सवर 83 रनची खेळी केली. रोहितची शतकाच्या दिशेनं सहज वाटचाल सुरू होती. त्यावेळी 44 व्या ओव्हरमध्ये जेम्स अँडरसनच्या आतमध्ये येणाऱ्या बॉलवर रोहित बोल्ड झाला. अँडरसनचा आतमध्ये येणारा बॉलर रोहितला समजला नाही आणि त्याची खेळी संपुष्टात आली. अँडरसनचा चांगला बॉल हे रोहित शर्मा आऊट आऊट होण्याचं एकमेव कारण नव्हतं.

रोहित शर्मा आऊट होण्याच्या एक ओव्हर आधी केएल राहुलनं (KL Rahul) अंधूक प्रकाशाची तक्रार अंपायरकडं केली होती. अंपायरनं तरीही खेळ सुरू ठेवला. अंपायरनं राहुलच्या तक्रारीची दखल घेत योग्य कारवाई केली असती तर कदाचित चित्र वेगळं असतं.

If I am feeling so disappointed, I can just imagine what @ImRo45 must be feeling. It was such a superb effort and #rohit looked all set for a well deserved ton. #RohitSharma pic.twitter.com/KFcPSm8suJ

— R P Singh रुद्र प्रताप सिंह (@rpsingh) August 12, 2021

रोहित शर्माला विदेशात पहिले टेस्ट शतक झळकावण्याची संधी होती. रोहित गेल्या 15 वर्षांपासून आंतरराष्ट्रीय क्रिकेट खेळतोय. पण विदेशातील टेस्ट मॅचमध्ये त्याचं एकही शतक नाही. लॉर्ड्स मैदानावर भारतीय ओपनरनं 31 वर्षांपूर्वी शतक झळकावले होते.

IND vs ENG : ऐतिहासिक लॉर्ड्सवर रोहितचं शतक हुकलं, अँडरसनच्या अप्रतिम बॉलनं केला घात

टीम इंडियाचे मुख्य प्रशिक्षक रवी शास्त्रीनं (Ravi Shastri) 1990 साली ओपनिंगला येत लॉर्ड्सवर शतक झळकावले होते. त्यानंतर रोहितला या विक्रमाची बरोबरी करण्याची संधी होती. पण त्याचे शतक 17 रननं हुकले.