IND vs NZ: मुंबई टेस्टमध्ये विराटनं टॉस जिंकला, पाहा दोन्ही टीमची Playing11

मुंबई, 3 डिसेंबर: भारत विरुद्ध न्यूझीलंड (India vs New Zealand) यांच्यातील दुसऱ्या टेस्टला मुंबईमध्ये सुरुवात झाली आहे. मुंबईत गेल्या दोन दिवसांमध्ये चांगलाच पाऊस झाला आहे. त्यामुळे टॉस वेळेवर होऊ शकला नाही. दोन्ही टीममधील कानपूरमध्ये झालेली पहिली टेस्ट ड्रॉ झाली होती.  त्यामुळे मुंबईत होणारी या सीरिजमधील दुसऱ्या आणि शेवटच्या टेस्टला निर्णायक महत्त्व प्राप्त झालं आहे.

मुंबई टेस्टमध्ये टॉस टीम इंडियाचा कॅप्टन विराट कोहली याने टॉस जिंकला असून पहिल्यांदा बॅटींग करण्याचा निर्णय घेतला आहे.  या टेस्टमध्ये विराट कोहलीचं (Virat Kohli) भारतीय टीममध्ये पुनरागमन झालं आहे. टी20 वर्ल्ड कपनंतर विराटनं ब्रेक घेतला होता. भारतीय टीमला मुंबई टेस्टपूर्वीच धक्का बसला. अजिंक्य रहाणे, रविंद्र जडेजा आणि इशांत शर्मा हे 3 प्रमुख खेळाडू दुखापतीमुळे मुंबई टेस्टमधून आऊट झाले आहेत. त्यांच्या जागेवर विराट कोहली, जयंत यादव आणि मोहम्मद सिराज यांचा टीममध्ये समावेश झाला आहे. न्यूझीलंडला कॅप्टन केन विल्यमसन (Kane Williamson) देखील या टेस्टमध्ये खेळणार नाही. त्याच्या जागी डॅरेल मिचेलचा समावेश करण्यात आला आहे.

#TeamIndia's Playing XI for the 2nd Test against New Zealand. Live - https://t.co/KYV5Z1jAEM #INDvNZ @Paytm pic.twitter.com/A7LecZbGeO

— BCCI (@BCCI) December 3, 2021

गेल्या दोन दिवसांपासून शहरामध्ये सतत पाऊस झाला आहे. त्यामुळे दोन्ही टीमच्या प्रॅक्टीसलाही याचा फटका बसला आहे. कानपूर टेस्टमध्ये श्रेयस अय्यरनं (Shreyas Iyer) दमदार शतक झळकावले होते. त्यानंतर तो आता होम ग्राऊंडवर टेस्ट मॅच खेळणार आहे. त्याच्याकडून टीम इंडियाला मोठी आशा असेल. त्याचबरोबर भारतीय स्पिनर्सवरही विराट कोहलीची मोठी भिस्त असणार आहे.

कानपूर टेस्टमधील दोन्ही इनिंगमध्ये न्यूझीलंडचा ओपनिंग बॅटर टॉम लॅथमनं (Tom Latham) अर्धशतक झळकावले होते. तसंच टीम साऊदी आणि कायले जेमिसन यांनी प्रभावी मारा केला होता. भारतीय टीमच्या विजयाच्या मार्गात या तिघांचा अडथळा असणार आहे.

IND vs NZ: मुंबईत पाऊस नसूनही टेस्ट मॅचचा टॉस का लांबला? अंपायरनं सांगितलं कारण

दोन्ही टीमच्या प्लेईंग 11

टीम इंडिया :  शुभमन गिल, मयांक अग्रवाल, चेतेश्वर पुजारा, विराट कोहली (कॅप्टन), श्रेयस अय्यर, ऋद्धीमान साहा, जयंत यादव आर. अश्विन, अक्षर पटेल, उमेश यादव आणि मोहम्मद सिराज

न्यूझीलंड: टॉम लॅथम (कॅप्टन) विल यंग, डॅरेल मिचेल, रॉस टेलर, हेन्री निकोल्स, टॉम ब्लंडेल, रचिन रविंद्र, कायले जेमिसन, टीम साऊदी, विल्यम सोमरविले एजाज पटेल