IND vs AUS: सुंदरच्या जाळ्यात अडकला स्मिथ, सर्वांना आली अश्विनची आठवण -VIDEO

ब्रिस्बेन 15 जानेवारी : सिडनी टेस्टमध्ये पहिल्या डावात शतक आणि दुसऱ्या डावात अर्धशतक झळवणाऱ्या स्टीव्ह स्मिथकडून (Steve Smith) ऑस्ट्रेलियाला ब्रिस्बेनमध्येही चांगल्या प्रदर्शनाची अपेक्षा होती. मात्र, तसं झालं नाही. स्मिथन 36 रन काढून आऊट झाला. स्मिथनं खेळाची सुरुवात जोरदार केली होता. ब्रिस्बेनमधील फास्ट पिचवर तो सेट झाला होता. त्यानंतर टीम इंडियाच्या डावपेचापुढं त्यांनी शरणागती पत्कारली.

पुन्हा फसला स्मिथ

टीम इंडियानं स्मिथच्या कमकुवत बाजूवर हल्ला केला आणि स्मिथ पुन्हा जाळ्यात अडकला. स्मिथला लंच ब्रेक नंतर वॉशिंग्टन सुंदरनं (Washington Sundar) आऊट केलं. सुंदरची ही पहिलीच टेस्ट आहे. त्यानं पदार्पणातच स्मिथच्या विरुद्ध योजनाबद्ध बॉलिंग केली. त्यानं स्मिथच्या शरिरावर बॉलिंग केली आणि त्याला लेग साईडवर बॉल खेळण्यासाठी भाग पाडलं.

स्मिथनं सुंदरच्या योजनेनुसार 35 व्या ओव्हरचा पहिला बॉल लेग साईडला फ्लिक केला. त्यावेळी शॉर्ट मिडविकेटला उभा असलेल्या रोहित शर्मानं (Rohit Sharma) त्याचा सोपा कॅच घेतला.

Sundar’s Maiden test wicket n its Smith 👏🏻#IndvAus #AusvInd #SteveSmith #Sundar pic.twitter.com/awEvRc4C2M

— ReadytogetBanned (@KirketVideos) January 15, 2021

ऑफ स्पिनर डोकेदुखी!

स्टीव्ह स्मिथ स्पिन बॉलिंग चांगला खेळतो. या मालिकेत मात्र ऑफ स्पिनर त्याच्यासाठी डोकेदुखी ठरले आहेत. त्यानं या मालिकेत ऑफ स्पिनरच्या विरुद्ध 64 रन काढले. या दरम्यान तो चारदा आऊट झाला. या चारपैकी तीनदा त्याला आर. अश्विननं (R. Ashwin) आऊट केलं.

ब्रिस्बेन टेस्टमध्ये अश्विन खराब फिटनेसमुळे खेळू शकला नाही. वॉशिंग्टन सुंदरनं त्याची कमतरता जाणवू दिली नाही. त्यानं स्मिथला अश्विनसारखीच बॉलिंग करत आऊट केलं आणि टेस्ट कारकीर्दीमधील पहिली विकेट घेतली.

लाबुशेनचं शतक

ब्रिस्बेन टेस्टमध्ये ऑस्ट्रेलियाची सुरुवात खराब झाली. डेव्हिड वॉर्नर 1 रनवर आऊट झाला. त्यानंतर मार्कस हॅरिसही पाच रन काढून परतला. त्यानंतर मार्नस लाबुशेन (Marnus Labuschagne) नं चांगली बॅटिंग करत शतक झळकालं. तो 108 रन काढून नटराजनच्या बॉलिंगवर आऊट झाला.