Year Ender 2021: क्रिकेटच्या मैदानात 'हे' हिरो ठरले व्हिलन, क्रिकेट जगतातील 5 मोठे वाद

नवी दिल्ली, 28 डिसेंबर: 2021 मध्ये क्रिकेट जगतात (Cricket) अनेक अनोख्या घटना घडल्या. न्यूझीलंड (New Zealand) पहिल्यांदाच वर्ल्ड चॅम्पियन होताना चाहत्यांनी पाहिले. किवी संघाने वर्ल्ड टेस्ट चॅम्पियनशिपच्या अंतिम फेरीत टीम इंडियाचा(Team India) पराभव केला. 2021 मध्ये, ऑस्ट्रेलियाने 14 वर्षांची प्रतीक्षा संपवली आणि प्रथमच T20 चॅम्पियन बनला. अशा गोड क्षणांसह क्रिकेटच्या मैदानात अनेक अनेपेक्षित घटना घडल्या ज्यामुळे अनेक संघमध्ये (cricket controversies in 2021)खळबळ माजली.

विराट कोहलीची एकदिवसीय संघाच्या कर्णधारपदावरून हकालपट्टी

सर्वोत्कृष्ट फलंदाजांपैकी एक असलेल्या विराट कोहलीला 2021 च्या अखेरीस वादांना सामोरे जावे लागले. विराट कोहलीने आधी टी-20 कर्णधारपद सोडले आणि त्यानंतर अचानक त्याला दक्षिण आफ्रिका दौऱ्यापूर्वी एकदिवसीय कर्णधारपदावरून हटवण्यात आले. एकदिवसीय संघाच्या कर्णधारपदावरून विराट कोहलीच्या हकालपट्टीने चाहत्यांना आणि जागतिक क्रिकेटला आश्चर्याचा धक्का बसला. विराट कोहलीने वनडे कर्णधारपदावरून पायउतार झाल्यानंतर आणखी एक वाद निर्माण झाला आहे.

बीसीसीआयचे प्रमुख सौरव गांगुली यांनी एका मुलाखतीत दावा केला आहे की, त्यांनी विराट कोहलीला टी-२० कर्णधारपद सोडू नये असे सांगितले होते. त्याने टी-२० कर्णधारपद सोडल्यानंतरच वनडे कर्णधार बदलण्याची गरज होती. तर विराट कोहलीने दक्षिण आफ्रिका दौऱ्यावर जाण्यापूर्वी गांगुलीचा दावा फेटाळून लावला. कर्णधारपद सोडण्यापासून कोणीही रोखले नाही, मात्र कर्णधारपद सोडण्याच्या प्रस्तावाचे स्वागत करण्यात आल्याचे विराट कोहलीने सांगितले. बीसीसीआयने ज्या प्रकारे विराट कोहलीला एकदिवसीय संघाच्या कर्णधारपदावरून हटवले, त्यानंतर जगातील बहुतांश क्रिकेट बोर्डांवर जोरदार टीका झाली.

इंग्लंड क्रिकेटमध्ये जातीय भेदभाव

इंग्लंडला 2021 या वर्षातील दुसऱ्या सर्वात मोठ्या वादाचा सामना करावा लागला. इंग्लंडचा कौंटी संघ यॉर्कशायर वांशिक भेदभावासाठी दोषी आढळला. यॉर्कशायरचा माजी कर्णधार अझीम रफिक याने क्लब आणि त्याच्या खेळाडूंवर वांशिक भेदभावाचे खळबळजनक आरोप केले, जे संसदीय समितीच्या चौकशीत खरे असल्याचे आढळून आले.

यॉर्कशायर आणि इंग्लंडचा क्रिकेटपटू गॅरी बॅलन्सने स्वतः कबूल केले की त्याने अझीम रफिकच्या विरोधात वादग्रस्त वांशिक शब्द आणि अपशब्द वापरले. या प्रकरणानंतर इंग्लंड क्रिकेट बोर्डाची जगभरात बदनामी झाली.

यॉर्कशायरचे अध्यक्ष रॉजर हटन यांना राजीनामा द्यावा लागला. इंग्लंडचा ऍशेस-विजेता कर्णधार मायकेल वॉनवरही वांशिक अपमानाच्या गंभीर आरोपांचा सामना करावा लागला आणि त्याला बीबीसी समालोचन संघातून वगळण्यात आले.

टीम पेनला कसोटी कर्णधारपदावरून पायउतार व्हावे लागले

2021 च्या अखेरीस ऑस्ट्रेलियन क्रिकेटपटू टीम पेनलाही आपले कसोटी कर्णधारपद सोडावे लागले. टीम पेनने क्रिकेट तस्मानियामध्ये काम करणाऱ्या एका महिलेला घाणेरडे मेसेज पाठवत तिचे अश्लील फोटो पाठवले. ही घटना उघडकीस येताच टीम पेनने क्रिकेटमधून ब्रेक घेतला आणि त्याने कर्णधारपदही सोडले.

पाकिस्तान क्रिकेटमध्येही भूकंप!

पाकिस्तान क्रिकेटमध्ये दरवर्षी काही ना काही वाद होतात आणि यावर्षीही असेच काहीसे पाहायला मिळाले. 13 सप्टेंबर रोजी, पाकिस्तानचे माजी कर्णधार रमीझ राजा यांची पीसीबी अध्यक्षपदी नियुक्ती होताच, पाकिस्तानचे मुख्य प्रशिक्षक मिसबाह-उल-हक, गोलंदाजी प्रशिक्षक वकार युनूस यांनी पद सोडले. वकार आणि मिसबाह यांनी 2021 च्या टी-20 विश्वचषक स्पर्धेपासून एक महिना पूर्ण झाल्यानंतर अचानकपणे त्यांच्या पदांचा राजीनामा दिला, त्यानंतर त्यांच्या या कृतीवर टीका झाली.

आयपीएल 2021

जगातील सर्वात मोठी क्रिकेट लीग IPL 2021 मधील स्पर्धा पुढे ढकलण्यात आल्याने बरेच वाद निर्माण झाले. चेन्नई सुपर किंग्ज, कोलकाता नाईट रायडर्स आणि सनरायझर्स हैदराबादचे काही खेळाडू कोरोना पॉझिटिव्ह आढळल्यामुळे आयपीएल केवळ 29 सामन्यांनंतर पुढे ढकलण्यात आले.