आंतरराष्ट्रीय क्रिकेटपटूचं लग्नात भन्नाट फोटोशूट, PHOTO VIRAL
लग्नाआधी अनेक कपल्स हटके पद्धतीने फोटोशूट करताना आपण अनेकवेळा पाहिले आहेत. अशाच पद्धतीने फोटोशूट करतानाचे बांगलादेशी महिला क्रिकेटपटूचे फोटो व्हायरल होत आहेत. बांगलादेशची महिला क्रिकेटपटू संजिदा इस्लाम (Sanjida Islam) हिने चक्क हातात बॅट घेऊन आणि साडी नेसून फोटोशूट केलं आहे.
पुढे वाचा ...- News18 Lokmat
- Last Updated :
ढाका, 21 ऑक्टोबर : लग्नाआधी अनेक कपल्स हटके पद्धतीने फोटोशूट करताना आपण अनेकवेळा पाहिले आहेत. अशाच पद्धतीने फोटोशूट करतानाचे बांगलादेशी महिला क्रिकेटपटूचे फोटो व्हायरल होत आहेत. बांगलादेशची महिला क्रिकेटपटू संजिदा इस्लाम (Sanjida Islam) हिने चक्क हातात बॅट घेऊन आणि साडी नेसून फोटोशूट केलं आहे.
बांग्लादेशच्या राष्ट्रीय महिला क्रिकेट टीममध्ये खेळत असलेल्या इस्लाम हिचा नुकताच बांगलादेशचा खेळाडू मिम मोसाद्दिक याच्यासोबत विवाह पार पडला. मोसाद्दिक याने 2017–18 मध्ये नॅशनल क्रिकेट लीगमधून रंगपूर डिव्हिजनसाठी पदार्पण केलं आहे. आपल्या लग्नाचे फोटोशूट थोडं वेगळं करण्याचं इस्लामने ठरवलं. यासाठी तिने थेट क्रिकेट पिचची निवड केली. या फोटोमध्ये तिने नववधूचा पोशाख घातला असून हातामध्ये बॅट पकडल्याची पोज दिली आहे. हे फोटो ESPN Cric Info च्या ट्विटरवरून शेअर करण्यात आले आहेत. आपल्या फोटोशूटमुळे या जोडप्यानी कॅमेऱ्यावर आम्हाला क्लिन बोल्ड केल्याचं म्हटलं आहे, असं यात म्हटलं आहे.
हे फोटो व्हायरल झाल्यानंतर सोशल मीडियावर त्यांना मोठ्या प्रमाणात प्रतिसाद मिळत आहे. क्रिकेटसाठी असणारे तिचे प्रेम पाहून आनंद झाल्याचे एकाने म्हटले आहे. तर एकाने तिला भावी वैवाहिकआयुष्यासाठी शुभेच्छा दिल्या. अशा प्रकारचे हे काही पहिलेच हटके फोटोशूट नाही. काहीच दिवसांपूर्वी केरळमधील एका कपलचेही असेच फोटो समोर आले होते. त्यानंतर त्यांना खूप मोठ्या प्रमाणात ट्रोल केलं गेल होते. दरम्यान, 24 वर्षीय इस्लामने 2014 मध्ये बांग्लादेशकडून आंतरराष्ट्रीय क्रिकेटमध्ये पदार्पण केलं. आतापर्यंत तिने बांगलादेशसाठी 14 वनडे आणि 32 टी -20 सामने खेळले आहेत. 2018 मध्ये बांग्लादेशने जिंकलेल्या आशिया कपमधील टीममध्ये तिचा समावेश होता. 2019 मध्ये तिने पाकिस्तानविरुद्ध आपला शेवटचा सामना खेळला आहे.View this post on Instagram
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.