IPL 2021: ...म्हणून CSK च्या चाहत्यांनी मानले देवाचे आभार!

चेन्नई, 19 फेब्रुवारी: इंडियन प्रीमियर लीगच्या ( IPL) 14 व्या सीजनच्या लिलावाची प्रक्रिया गुरूवारी चेन्नई येथे पार पडली. अनेक खेळाडूंवर मोठी बोली लावून संघांनी त्यांना विकत घेतलं. लिलावाच्या पहिल्या फेरीच्या वेळी मात्र चेन्नई सुपर किंग्जचे चाहते देवाचे आभार व्यक्त करताना दिसून आले. कारण यावर्षी चेन्नईने केदार जाधव (Kedar Jadhav) वर बोली लावण टाळलं.

चेन्नई सुपर किंग्ज हा मागच्या आयपीएलमध्ये प्ले ऑफ मधून बाहेर पडणारा पहिला संघ ठरला होता. काही सामने तर अगदी थोड्या फरकाने या संघाने गमावले होते. आणि यापैकी काही सामन्यातील पराभव हा केदार जाधवच्या संथ खेळीमुळे झाल्याचं पहायला मिळालं होतं. केदार जाधववर त्याच्या संथ खेळीसाठी सोशल मीडियावर चाहत्यांकडून टीकेची झोड देखील उठवली गेली होती. आणि T-20 मध्ये अशा प्रकारची खेळी योग्य नसल्याचं चाहत्यांचं म्हणणं होत. याचाच परिणाम काल लिलाव प्रक्रियेवर पहायला मिळाला.

आयपीएलच्या अधिकृत ट्विटर हॅण्डलवर केदार अनसोल्ड खेळाडू ठरल्याचं ट्विट करण्यात आल्यानंतर चेन्नईच्या चाहत्यांनी त्यावर कमेंट करत आपल्या संघाने बोली न लावल्याबद्दल आनंद व्यक्त केला.

Kedar Jadhav is up next & he goes UNSOLD @Vivo_India #IPLAuction

— IndianPremierLeague (@IPL) February 18, 2021

एका चाहत्याने लिहिलंय, ‘देवाचे आभार!’

Thank the almighty!

— Balaji (@Bala_h16) February 18, 2021

तर अजून एका चाहत्याने लिहिलंय की, ‘ जर 1 लाख बेस प्राईज असती, तर काहीतरी होऊ शकलं असत.’

If 1L was base price, then something might happened

— SpHinx (@InfinityInroy) February 18, 2021

अजून एका चाहत्याने सुद्धा त्याच्या बेस प्राईज वरून बोलताना लिहिलंय की, ‘ 20 लाखांची वस्तू 2 कोटींना विकण्याचा प्रयत्न करतो तेव्हा.’

This is what happens when 20 lakh material, sets his price as 2 cr

— Paritosh Singh (@papakapari) February 18, 2021

खूप साऱ्या CSK फॅन्सनी गमतीशीर कमेंट करत केदार जाधवला ट्रोल केलं आहे.

CSK Fans to CSK for not bidding on Kedar Jadhav , but still doubt somehow CSK managament will get him into CSK and also into playing XI pic.twitter.com/ncHNm6Ec9p

— P Deepak (@p_deepak28) February 18, 2021

As expected

— Vamsidhar (@Vamsidhar1835) February 18, 2021

2021 has been good. Thank god

— CSK (@CSKFan999) February 18, 2021

लिलावाच्या पहिल्या फेरीत केदार जाधववर कोणत्याच संघाने बोली न लावल्याने त्याचा समावेश अनसोल्ड प्लेयर्सच्या यादीत करण्यात आला होता. नंतर मात्र वेगवान फेरीत सनरायझर्स हैदराबादने त्याला 2 कोटीमध्ये विकत घेतले.