Home /News /sport /

पाकिस्तान संघाने केले नवे रेकॉर्ड; 18 T20 जिंकणारा ठरला पहिला संघ

पाकिस्तान संघाने केले नवे रेकॉर्ड; 18 T20 जिंकणारा ठरला पहिला संघ

Pakistan Cricket Team

Pakistan Cricket Team

एका वर्षात 18 टी 20 आंतरराष्ट्रीय सामने जिंकणारा पाकिस्तान क्रिकेट (Pakistan Cricket Team) संघ पहिला पुरुष संघ ठरला.

    नवी दिल्ली, 14 डिसेंबर: एका वर्षात 18 टी 20 आंतरराष्ट्रीय सामने जिंकणारा पाकिस्तान क्रिकेट संघ(Pakistan Cricket Team) पहिला पुरुष संघ ठरला. पाकिस्तानने सोमवारी (13 डिसेंबर) त्यांच्या तीन सामन्यांच्या T20I मालिकेतील पहिल्या सामन्यात वेस्ट इंडिजचा (PAK vs WI) 63 धावांनी पराभव केला. मोहम्मद रिझवान (78) आणि हैदर अली (68) यांनी शानदार फलंदाजी करताना पाकिस्तानने कराचीत यजमानांसमोर 201 धावांचे लक्ष्य ठेवले. मोहम्मद वसीमने चार विकेट घेतल्यानंतर गोलंदाजांनी संघाचे काम पूर्ण केले. शादाब खानने तीन विकेट घेतल्या आणि अशा प्रकारे पाकिस्तानने वेस्ट इंडिजचा डाव 137 धावांत गुंडाळला. या विजयासह, पाकिस्तानच्या 2021 मधील 18 व्या टी 20 विजयाने 2018 मधील 17 विजयांचा विक्रम मागे टाकला. यापूर्वीही हा विक्रम पाकिस्तानच्या नावावर होता. 2018 मध्ये, पाकिस्तानने सरफराज अहमदच्या नेतृत्वाखाली 17 टी-20 आंतरराष्ट्रीय सामने जिंकले. एका वर्षात सर्वाधिक T20 आंतरराष्ट्रीय सामने जिंकण्याच्या बाबतीत ते चौथ्या क्रमांकावर आहे. 2016 मध्ये त्याने 15 टी-20 आंतरराष्ट्रीय सामने जिंकले . बाबर आझमच्या नेतृत्वाखाली पाकिस्तानने आतापर्यंत 38 टी-20 आंतरराष्ट्रीय सामन्यांमध्ये 24 विजय मिळवले आहेत. या फॉरमॅटमध्ये त्याचा सक्सेक रेट टक्क्यांहून 63 टक्क्याहून अधिक आहे. त्याचवेळी टीम इंडियाने विराट कोहलीच्या नेतृत्वाखाली 50 टी-20 आंतरराष्ट्रीय सामने खेळले. त्यापैकी 30 जिंकल्या.

    एका कॅलेंडर वर्षात पुरुष संघाने सर्वाधिक T20I जिंकले

    18 विजय - पाकिस्तान 2021 17 विजय - पाकिस्तान 2018 16 विजय - युगांडा 2021 15 विजय - भारत 2016 15 विजय - दक्षिण आफ्रिका 2021
    Published by:Dhanshri Otari
    First published:

    Tags: Pakistan

    पुढील बातम्या