राजीनाम्यानंतर विराटच्या भविष्यासाठी BCCI च्या शुभेच्छा; VIDEO केला शेअर

नवी दिल्ली, 18 जानेवारी: भारतीय टेस्ट टीमचा कर्णधार विराट कोहली (Virat Kohli) याने त्याच्या कर्णधारपदाचा राजीनामा दिला आहे. शनिवारी आपल्या सोशल अकाऊंटवर भावुक पोस्ट लिहीत विराटने भारतीय टेस्ट टीमचे कर्णधार पद सोडत असल्याची माहिती दिली. विराटच्या या निर्णयानंतर सर्व स्तरातून संमिश्र प्रतिक्रीया उमटू लागल्या आहेत. दरम्यान, बीसीसीआयने (BCCI) विराटसाठी खास व्हिडीओ शेअर करत त्याला भविष्यासाठी शुभेच्छा दिल्या आहेत. गेल्या काहीदिवसांपासून विराट आणि बीसीसीआय यांच्यातील वाद चव्ह्याट्यावर येत आहे. अशातच कोहलीने टेस्ट कॅप्टन्सी सोडल्याने वादाच्या चर्चेत आणखी भर पडली आहे. विराटच्या कर्णधारपदाचा राजीनाम्यानंतर बीसीसीआयने (BCCI) 20 मिनिटांमध्येच प्रतिक्रिया धन्यवाद दिले. त्यामुळे विराट आणि बीसीसीआय यांच्यात सारं काही आलबेल नसल्याचं पुन्हा एकदा समोर आलं आहे. दरम्यान बीसीसीआयने काल सायंकाळी विराटचा टेस्ट क्रिकेटचा प्रवास शेअर करत त्याच्या पुढील वाटचालीसाठी शुभेच्छा दिल्या आहेत. बीसीसीआयने पोस्ट केलेल्या व्हिडीओमध्ये विराट कोहलीचा कसोटी मालिका विजयापासून ते अंतिम विजयापर्यंतचा खेळ दाखवण्यात आला आहे. या व्हिडिओमध्ये संघाचे माजी प्रशिक्षक रवी शास्त्री कॉमेंट्री करताना दिसत आहेत.

Guided #TeamIndia with courage & fearlessness 👍 Led the side to historic wins 🔝 Let's relive some of the finest moments from @imVkohli's tenure as India's Test captain. 👏 👏 Watch this special feature 🎥 🔽https://t.co/eiy9R35O4Q pic.twitter.com/4FMCLstZu3

— BCCI (@BCCI) January 17, 2022

विराटने 'हिंमतीने आणि निर्भयपणे टीम इंडियाला मार्गदर्शन केले. संघाला ऐतिहासिक विजय मिळवून दिला. त्यादरम्याने काही खास क्षण' असे बीसीसीआयने कॅप्शनमध्ये म्हटले आहे. विराट-बीसीसीआयचा वाद गेल्या काही काळापासून भारतीय क्रिकेटमध्ये कॅप्टन्सीचा वाद सुरू आहे. मागच्या वर्षी टी-20 वर्ल्ड कपआधी विराट कोहलीने टी-20 टीमची कॅप्टन्सी सोडली, यानंतर दक्षिण आफ्रिका दौऱ्याआदी त्याला वनडे टीमच्या कर्णधारपदावरूनही हटवण्यात आलं. यानंतर मोठा वाद निर्माण झाला. विराट कोहलीला आम्ही टी-20 टीमची कॅप्टन्सी सोडू नको, असं सांगितलं होतं, पण तो ऐकला नाही. यानंतर निवड समितीला मर्यादित ओव्हरच्या फॉरमॅटसाठी एकच कर्णधार हवा होता, त्यामुळे विराटची वनडे टीमच्या कॅप्टन्सीवरून हकालपट्टी करण्यात आली, असं बीसीसीआय अध्यक्ष सौरव गांगुलीने सांगितलं. सौरव गांगुलीने केलेला हा दावा विराट कोहलीने फेटाळून लावला. मला टी-20 टीमची कॅप्टन्सी सोडू नको, असं सांगण्यात आलं नव्हतं, तसंच दक्षिण आफ्रिका दौऱ्यासाठीची टेस्ट टीम निवडण्याच्या दीड तास आधी मला तू आता वनडे टीमचा कर्णधारही असणार नाहीस, असं निवड समितीने सांगितल्याचा दावा विराट कोहलीने केला होता. विराट कोहली हा टीम इंडियाचा सगळ्यात यशस्वी कर्णधार आहे. विराटच्या नेतृत्वात भारताने ऑस्ट्रेलियाचा ऑस्ट्रेलियात टेस्ट सीरिजमध्ये पराभव केला, तर इंग्लंडच्या जमिनीवर टेस्ट सीरिजमध्ये आघाडी घेतली. एमएस धोनीने 2014 साली टेस्ट क्रिकेटमधून निवृत्ती घेतल्यानंतर विराट कोहली भारताच्या टेस्ट टीमचा कर्णधार झाला.