सौरव गांगुलीला डिस्चार्ज देण्याची तारीख ठरली, तब्येतीबाबत डॉक्टरांनी दिली 'ही' माहिती

कोलकाता, 5 जानेवारी : टीम इंडियाचा माजी कर्णधार आणि बीसीसीआय (BCCI) अध्यक्ष सौरव गांगुली (Sourav Ganguly) याला शनिवारी छातीत दुखत असल्यामुळे रुग्णालयात दाखल करण्यात आलं होतं. कोलकाताच्या वुडलॅड रुग्णालयाच्या सीईओ आणि एमडी डॉ. रुपाली बसू यांनी गांगुलीच्या तब्येतीची माहिती दिली आहे. गांगुलीला बुधवारी हॉस्पिटलमधून डिस्चार्ज देण्यात येणार आहे. त्याच्यावर आता घरीच उपचार सुरु राहतील. त्याच्या तब्येतीवर लक्ष ठेवण्यासाठी डॉक्टरांनी एक विशेष योजना बनवली आहे. त्यानुसार डॉक्टरांचं विशेष पथक घरीही त्याच्या तब्येतीवर लक्ष ठेवणार आहे. गांगुलीवर शनिवारी संध्याकाळी प्राथमिक अँजिओप्लास्टी केली होती. गांगुलीच्या रक्तवाहिन्यामधील ब्लॉकेज काढण्यासाठी आणखी एका अँजिओप्लास्टीची गरज आहे. त्याबाबतचा निर्णय हा काही दिवसांनी घेतला जाणार आहे. गांगुलीची तब्येत पूर्वीपेक्षा चांगली असल्यानं हे ऑपरेशन काही दिवसांनी करणार असल्याचं डॉक्टरांनी सांगितलं. (हे वाचा-Video: धोनीच्या मुलीची पाचव्या वर्षी पहिली जाहिरात, वडिलांसोबत नवी इनिंग सुरु!)

Sourav Ganguly will be ready for the next course of procedures or medical intervention after about 2-3 weeks: Dr Rupali Basu MD & CEO Woodlands Hospital, Kolkata https://t.co/BomM5kDGIG

— ANI (@ANI) January 5, 2021

डॉक्टरांच्या बैठकीत निर्णय वुडलँड हॉस्पिटलच्या बोर्डाची सोमवारी बैठक झाली. या बैठकीमध्ये गांगुलीच्या तब्येतीवर चर्चा करण्यात आली. गांगुलीच्या तब्येतीचे सर्व अपडेट्स त्याच्या कुटुंबीयांना यावेळी देण्यात आले. या बैठकीनंतरच गांगुलीला बुधवारी डिस्चार्ज देण्याचा निर्णय घेण्यात आला. डॉक्टरांनी दिलेल्या माहितीनुसार गांगुलीच्या हृदयातल्या तीन रक्तवाहिन्यांमध्ये ब्लॉकेज झाले आहेत, यातल्या एका रक्तवाहिनीत तर 90 टक्के बॉल्क झाल्याचं रिपोर्टमध्ये समोर आलं आहे. डिस्चार्ज मिळाल्यानंतर गांगुलीला एक महिना विश्रांती घ्यावी लागेल, त्यानंतरच तो नेहमीप्रमाणे आयुष्य जगू शकेल. (हे वाचा-IND Vs AUS: सिडनी टेस्टसाठी महत्त्वाच्या ठरतील या मैदानावरच्या 9 खास गोष्टी) देशभरातून प्रार्थना गांगुलीला ऱ्हदयविकाराचा सौम्य धक्का बसल्याची बातमी समजताच देशभरातून त्याच्या तब्येतीविषयी प्रार्थना करण्यात येत आहे. पश्चिम बंगालच्या मुख्यमंत्री ममता बॅनर्जी यांनी शनिवारीच रुग्णालयात जाऊन सौरव गांगुलीच्या तब्येतीची विचारपूस केली, तसंच केंद्रीय गृहमंत्री अमित शाह यांनीही सौरव गांगुलीची पत्नी डोना गांगुली यांना फोन करून दादाच्या तब्येतीची चौकशी केली. केंद्रीय अर्थराज्य मंत्री अनुराग ठाकूर आणि बीसीसीआयचे सचिव जय शहा यांनी सोमवारी कोलकात्याच्या हॉस्पिटलमध्ये जावून गांगुलीची भेट घेतली. ‘गांगुलीनं अनेक संकटांचा सामना केला आहे. तो लवकरच यामधून बाहेर पडेल’, असा विश्वास ठाकूर यांनी या भेटीनंतर व्यक्त केला.