कुस्ती फेडरेशनविरोधात दिग्गज 'आखाड्यात', बजरंग-साक्षीचं दिल्लीतल्या कडाक्याच्या थंडीत आंदोलन

मुंबई, 18 जानेवारी : ऑलिम्पिकमध्ये देशासाठी पदकांची कमाई करून देशाचे नाव उंचावणाऱ्या भारतातील दिग्गज  कुस्तीपटूंनी  भारतीय कुस्ती महासंघाविरोधात आंदोलनाची तलवार उगारली आहे. ऑलिम्पिक विजेते कुस्तीपटूं दिल्ली येथील जंतर मंतरवर आंदोलनासाठी बसले असून ते  कुस्ती संघटनेचे अध्यक्ष ब्रिजभूषण शरण सिंह यांचा निषेध करीत आहेत. यात ऑलिम्पिक पदक विजेते बजरंग पुनिया, साक्षी मलिक, विनेश फोगट आणि सरिता मोर या कुस्तीपटूंचा समावेश आहे. जंतर मंतरवरील आंदोलांसह त्यांनी ट्विटरवर देखील याची मोहीम चालवली होती.

आंदोलन करत असलेल्या पैलवानांनी त्यांच्या तक्रारी किंवा मागण्या सविस्तरपणे सांगितल्या नाहीत परंतु ते डब्ल्यूएफआयचे अध्यक्ष आणि कैसरगंजचे भाजप खासदार ब्रिजभूषण शरण सिंह यांच्या वृत्तीला कंटाळले असल्याचे स्पष्ट केले आहे.  ट्विटरवर डब्ल्यूएफआयचे प्रेसिडेंट ब्रिजभूषण यांच्यावर बहिष्कार करण्याचा ट्रेंड खेळाडूंनी सुरू केला आहे. त्यांनी आपल्या ट्विटमध्ये पंतप्रधान नरेंद्र मोदी, पीएमओ यांनाही टॅग केले आहे.

हे ही वाचा  : शुभमन गिल सुसाट! न्यूझीलंड विरुद्ध ठोकले द्विशतक

बजरंग, विनेश, रिओ ऑलिम्पिक पदक विजेती साक्षी मलिक, जागतिक चॅम्पियनशिप पदक विजेती सरिता मोर, संगीता फोगट, सत्यवर्त मलिक, जितेंद्र किन्हा आणि राष्ट्रकुल पदक विजेता सुमित मलिक यांसह ३० कुस्तीपटूंनी जंतर मंतरवर धरणे आंदोलन पुकारले आहे. ब्रिजभूषण शरण सिंह हे 2011 पासून WFI चे अध्यक्ष आहेत आणि फेब्रुवारी 2019 मध्ये त्यांची सलग तिसऱ्यांदा निवड झाली.

फेडरेशन का काम खिलाड़ियों का साथ देना, उनकी खेल की जरूरतों का ध्यान रखना होता है। कोई समस्या हो तो उसका निदान करना होता है। लेकिन अगर फेडरेशन ही समस्या खड़ी करे तो क्या किया जाए? अब लड़ना पड़ेगा, हम पीछे नहीं हटेंगे । #BoycottWFIPresident#BotcottWrestlingPresident

— Bajrang Punia 🇮🇳 (@BajrangPunia) January 18, 2023

बजरंग पुनियाने आपल्या ट्विटमध्ये लिहिले की, 'खेळाडू देशाला पदक मिळवून देण्यासाठी कठोर परिश्रम करतो, परंतु फेडरेशनने आम्हाला निराश करण्याशिवाय काहीही केले नाही. मनमानी कायदे आणि नियम लादून खेळाडूंचा छळ केला जात आहे.”

विनेश फोगाटनेही ट्विट करून भारतीय कुस्ती महासंघाविरोधात नाराजी व्यक्त केली आहे. त्याने लिहिले, 'खेळाडूला स्वाभिमान हवा असतो आणि तो ऑलिम्पिक आणि मोठ्या खेळांसाठी पूर्ण तीव्रतेने तयारी करतो. पण, महासंघानेच त्यांना साथ दिली नाही तर त्यांचे मनोधैर्य खचते. पण, आम्ही झुकणार नाही. आपल्या हक्कांसाठी आणि हक्कांसाठी लढणार आहोत.

खिलाड़ी आत्मसम्मान चाहता है और पूरी शिद्दत के साथ ओलंपिक और बड़े खेलो के लिए तैयारी करता है लेकिन अगर फेडरेशन उसका साथ ना दे मनोबल टूट जाता है।लेकिन अब हम नही झुकेंगे।अपने अधिकारों के लिए लड़ेंगे।#BoycottWFIPresident#BoycottWrestlingPresident@PMOIndia @narendramodi @AmitShah

— Vinesh Phogat (@Phogat_Vinesh) January 18, 2023

बजरंगने पीटीआयला सांगितले की, 'आमचा लढा सरकार किंवा भारतीय क्रीडा प्राधिकरणाविरुद्ध नाही. आम्ही WFI च्या विरोधात आहोत. त्याचा तपशील आज आपण देऊ. ही आता सीमेपलीकडील लढाई आहे.” बजरंगचे सपोर्ट स्टाफही संपावर आहे, त्यात त्याचे प्रशिक्षक सुजित मान आणि फिजिओ आनंद दुबे यांचा समावेश आहे. हुकूमशाही चालणार नाही, असे आणखी एक पैलवान म्हणाला.

खिलाड़ी पूरी मेहनत कर के देश को मेडल दिलाता हैं लेकिन फेडरेशन ने हमें नीचा दिखाने के अलावा कुछ नहीं किया। मनचाहे क़ायदे क़ानून लगा कर खिलाड़ियों को प्रताड़ित किया जा रहा है। #BoycottWFIPresident#BoycottWrestlingPresident@PMOIndia @AmitShah @narendramodi

— Sakshee Malikkh (@SakshiMalik) January 18, 2023

ऑलिम्पिकमध्ये पदक जिंकणारी महिला कुस्तीपटू साक्षी मलिक हिने ट्विट केले आहे की, “खेळाडू देशासाठी पदके मिळवण्यासाठी खूप मेहनत करतात. पण फेडरेशनने आम्हाला खाली दाखवण्याशिवाय काहीही केले नाही. मनमानी नियम आणि अटी लादून खेळाडूंना त्रास दिला जात आहे.