Home /News /sport /

'सर्वांमागे नेहमी तुझा शुद्ध, निर्मळ हेतू होता' Virat च्या राजीनाम्यानंतर पत्नी अनुष्काची पहिलीच प्रतिक्रिया

'सर्वांमागे नेहमी तुझा शुद्ध, निर्मळ हेतू होता' Virat च्या राजीनाम्यानंतर पत्नी अनुष्काची पहिलीच प्रतिक्रिया

Anushka Sharma recalls Virat Kohli’s journey as he steps down as Test captain

Anushka Sharma recalls Virat Kohli’s journey as he steps down as Test captain

भारतीय टेस्ट टीमचा कर्णधार विराट कोहली (Virat Kohli) याने त्याच्या कर्णधारपदाचा राजीनामा दिला आहे. पत्नी अनुष्का शर्मा(Anushka Sharma recalls Virat Kohli’s journey as he steps down as Test captain) हिने भली मोठी इंस्टापोस्ट लिहीत आपली प्रतिक्रिया नोंदवली आहे.

पुढे वाचा ...
    नवी दिल्ली, 16 जानेवारी: भारतीय टेस्ट टीमचा कर्णधार विराट कोहली (Virat Kohli) याने त्याच्या कर्णधारपदाचा राजीनामा दिला आहे. शनिवारी आपल्या सोशल अकाऊंटवर भावुक पोस्ट लिहीत विराटने भारतीय टेस्ट टीमचे कर्णधार पद सोडत असल्याची माहिती दिली. विराटच्या या निर्णयानंतर सर्व स्तरातून संमिश्र प्रतिक्रीया उमटू लागल्या आहेत. दरम्यान, पत्नी अनुष्का शर्मा(Anushka Sharma recalls Virat Kohli’s journey as he steps down as Test captain) हिने भली मोठी इंस्टापोस्ट लिहीत आपली प्रतिक्रिया नोंदवली आहे. मागच्या वर्षी टी-20 वर्ल्ड कपआधी विराट कोहलीने टी-20 टीमची कॅप्टन्सी सोडली, यानंतर दक्षिण आफ्रिका दौऱ्याआदी त्याला वनडे टीमच्या कर्णधारपदावरूनही हटवण्यात आलं. त्यांनतर आता विराटने टेस्ट कॅप्टन्सीही सोडली आहे. त्याच्या निर्णयानंतर पत्नी अनुष्काने आपल्या इंस्टाग्रामवर विराटचे टेस्ट क्रिकेटच्या जर्सीमधील काही फोटो शेअर केले आहेत. आणि कॅप्शनमध्ये आपल्या भावना व्यक्त केल्या आहेत. विराटप्रमाणेच अनुष्कानेही तिच्या पोस्टमध्ये धोनीचा उल्लेख केला आहे. मात्र, याशिवाय अनुष्काने इतर कोणत्याही खेळाडूबद्दल लिहिलेले नाही. शेवटी तिने,  या सात वर्षांचे धडे त्याची मुलगी तिच्या वडिलांमध्ये बघेल असे म्हटले आहे. या पोस्टमध्ये तिने विराटच्या हाती जेव्हा 2014 मध्ये टेस्ट कॅप्टन्सीची धूरा दिली होती त्या दिवसाच्या आठवणींना उजाळा दिला आहे.
    'मला 2014 मधला तो दिवस आठवतो जेव्हा तु मला सांगितले होतेस की, तुला कर्णधार बनवण्यात आले आहे. कारण एमएसने कसोटी क्रिकेटमधून निवृत्ती घेण्याचा निर्णय घेतला होता. मला आठवतंय एमएस, तू आणि मी त्या दिवशी गप्पा मारल्या होत्या आणि तो सांगत होता की तुझी दाढी किती लवकर पांढरी होईल. तेव्हा सर्वत्र एकच हशा पिकला होता. त्या दिवसापासून, मी तुझी दाढी पांढरी झालेली पाहिली आहे. मी वाढ पाहिली आहे. अफाट वाढ. तुझ्या आजूबाजूला आणि तुझ्या आत. आणि हो, भारतीय राष्ट्रीय क्रिकेट संघाचा कर्णधार म्हणून तुझी प्रगती आणि तुझ्या नेतृत्वाखाली संघाने कोणती कामगिरी केली याचा मला खूप अभिमान आहे. पण तू स्वतःमध्ये जी वाढ केली आहेस. त्याचा मला अधिक अभिमान आहे. अशी भावना अनुष्काने व्यक्त केली आहे. विराट कोहली हा टीम इंडियाचा सगळ्यात यशस्वी कर्णधार आहे. विराटच्या नेतृत्वात भारताने ऑस्ट्रेलियाचा ऑस्ट्रेलियात टेस्ट सीरिजमध्ये पराभव केला, तर इंग्लंडच्या जमिनीवर टेस्ट सीरिजमध्ये आघाडी घेतली. एमएस धोनीने 2014 साली टेस्ट क्रिकेटमधून निवृत्ती घेतल्यानंतर विराट कोहली भारताच्या टेस्ट टीमचा कर्णधार झाला होता.
    Published by:Dhanshri Otari
    First published:

    Tags: Test cricket, Virat anushka, Virat kohli

    पुढील बातम्या