S M L
Football World Cup 2018

मत्स्यशेती करणाऱ्या तळोजाच्या शेतकऱ्याची यशोगाथा

Samruddha Bhambure | Updated On: Apr 5, 2017 04:23 PM IST

मत्स्यशेती करणाऱ्या तळोजाच्या शेतकऱ्याची यशोगाथा

सिद्धेश म्हात्रे, तळोजा

05 एप्रिल : किराणामालाचा व्यवसाय सोडून पनवेल तालुक्यातील तळोजाचे शेतकरी नामदेव पाटील यांनी मत्स्यशेती करण्याचा निर्णय घेतला..आज एक यशस्वी व्यावसायिक म्हणून त्यांना ओळखलं जातंय.

वळप गावातले नामदेव पाटील यांचे 15 वर्षांपूर्वी किराणा मालाचे दुकान होते. पण त्यात त्यांना रस नव्हता. म्हणून त्यांनी मत्स्यशेतीचा कोर्स केला..आणि गावातलं एक तळं भाड्यानं घेऊन मत्स्यशेती सुरू केली. सुरुवातीला तीन प्रकारचे मासे असलेली शेती आता 15 प्रकारच्या माशांपर्यंत पोहोचलीय. गोड्या पाण्यातील पापलेट, जिताडा, मोठी कोलंबी, काळा मासा, यासारखे मासे इथे मिळतात..

नामदेव पाटील यांनी आपल्या मत्स्यशेतीत अनेक प्रयोग केलेत. तसंच ते हे व्यवसाय करू इच्छिणाऱ्यांना मार्गदर्शनही करतात. वर्षभरात मासेविक्रीतनू त्यांना 16 लाखांचं उत्पन्न मिळतं...

माश्यांची चव चांगली असावी यासाठी त्यांना योग्य खुराक दिला जातो. यासाठी पाटील यांना फिशरी रिसर्च सेंटरकडून मार्गदर्शन मिळतं.

मत्स्यशेतीसारखा वेगळा मार्ग चोखाळून नामदेव पाटील यांनी शेतकऱ्यांसमोर एक आदर्श ठेवलाय. शेतकऱ्यांनी संकटांपुढे हार न मानता शेतीमध्ये प्रयोग करून ती कशी फायद्याची कशी करता येईल, हे पाटील यांच्याकडून शिकण्यासारखं आहे.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Apr 5, 2017 03:34 PM IST

लोकप्रिय बातम्या

Live TV

News18 Lokmat
close