साप्ताहिक राशी भविष्य: प्रकृतीच्या तक्रारी कडे लक्ष असू द्या, सप्ताह चांगला जाईल

मुंबई, 19 मार्च: आज दिनांक १९ मार्च २०२३ रविवार.आज फाल्गुन कृष्ण द्वादशी. या सप्ताहात शनि कुंभ राशीत तर गुरू मीन राशीत असेल. राहू केतू अनुक्रमे मेष व तुला राशीत असतील.शुक्र मेषेत तर रवि मीन राशीत असून बुध देखील मीन राशीत गोचर करेल. सप्ताहाच्या सुरवातीला चंद्र कुंभ राशीत असून शनि चंद्र विषयोग होईल. मंगळ मिथुन राशीत असेल.. तसेच मीन राशीत गुरू रवी बुध युती होईल.या सप्ताहात २०,२१ रोजी अमावास्या असून दिनांक २२ रोजी गुढीपाडवा आहे.सर्व हिंदू बांधवांना या मंगल पर्वाच्या शुभेच्छा. या ग्रहस्थिती नुसार पाहूया या आठवड्याचे राशी भविष्य .

मेष

राशी स्वामी मंगळ तृतीय स्थानात असून

प्रवास होतील आणि सामाजिक जीवनात अनेक नवीन संधी चालून येतील.बोलण्यावर नियंत्रण ठेवा. राशीतील राहू एक प्रकारे भ्रम निर्माण करेल.एकच विचार कराल. कमरेचे वा तत्सम गुह्य विकार त्रास देतील. चंद्र भ्रमण आणि अमावास्या संतती दृष्ट्या फळ देईल. कुंभेचा शनी लाभदायक आहे. मित्र साथ देतील. कार्य करीत रहा आणि उत्तम फळ प्राप्त करा. नवीन संधी साठी तयार रहा..लौकर बदल होतील. अधिकारी व्यक्ती मदत करतील. परदेश संबंधी कार्य होतील. अमावास्या काळात शिव उपासना करा. सप्ताह उत्तम.

वृषभ

राशी स्वामी शुक्र राहू सोबत व्यय स्थानात असून अनेक धार्मिक कार्यक्रम होतील. मित्र सहयोग मिळेल. मातृ पितृ सुख मिळेल.परदेश प्रवास होतील. मंगळ आर्थिक दृष्ट्या मध्यम फळ देईल. कार्य क्षेत्रात नवीन संधी प्राप्त होतील. नेहमीप्रमाणे घर आणि व्यवसाय यात धावपळ होणार आहे. तरी प्रकृती जपून असावे. लाभ स्थानातील बुध आणि व्यय राहू प्रवास योग आणतील. अमावास्या कार्यक्षेत्रात जपून रहा असे संकेत देत आहे. सप्ताह मिश्र फळ देईल.

मिथुन

राशी स्वामी बुध दशम स्थानात पैसाआणि मान देईल.आयुष्य मौजमजा सहल यात आनंदात जाईल. शनि ची साथ नवीन संधी आणि परदेश गमन यासाठी उत्तम राहील. राशी चे भाग्यस्थानात येणारा चंद्र प्रवासी प्रवृत्त्ती करेल. गुरू महाराज कर्म स्थान आणि सुख स्थानावर शुभ दृष्टी ठेवून आहेत . नवीन वास्तू किंवा वाहन यासाठी प्रयत्न करा. मंगळ तामसी वृत्ती करेल..सध्या प्रकृतीच्या तक्रारी कडे लक्ष असू द्या. सप्ताह चांगला जाईल .

कर्क

राशी स्वामी चंद्र पूर्वार्धात अशुभ अवस्थेत असणार आहे.क्लेश दायक आहे. मानसिक ताण ,प्रकृतीचे त्रास संभवतात. नातेवाईक भेट होईल. वेळ फुकट जाईल.मात्र आता शनि महाराज अष्टमात गेले आहेत.जपून रहा.कोणालाही कर्ज देणे, घेणे टाळा. प्रवास जपून करा.अतिरेकी धाडस नको. पैशाचा अपव्यय टाळा. सध्या गुरू बळ उत्तम आहे. त्यामुळे सप्ताह उत्तम पार पडेल. अमावस्येच्या आसपास शनीची उपासना सुरू ठेवा.सप्ताह मध्यम.

सिंह

राशीस्वामी रवि मीनेत असून गूढ विद्येशी संपर्क आणेल. वैवाहिक जीवनात धोक्या पासून सावध राहा. काही उष्णतेचे विकार त्रास देतील. गुरूबळ नसल्याने सावध राहून कार्य करा.अष्टम गुरू व्यावसायिक ताण निर्माण करतील. मात्र काही संधी देतील. काळजीपूर्वक पुढे जा. गृह वाहन याबाबत लाभ संभावतों. चंद्र कार्यक्षेत्रात ,वैवाहिक जीवनात फळ देणार आहे . सप्ताह मध्यम.

कन्या

राशी स्वामी बुध ग्रह सप्तम स्थानात आहे. आरोग्य दृष्ट्या मध्यम काळ. घरात अनेक सुधारणा, नवीन वस्तूंची खरेदी होईल. षष्ठ स्थानातील ग्रह शत्रू,आरोग्य समस्या निर्माण करतील. अष्टम शुक्र

शुक्र शत्रूपासून सावध राहा असा इशारा देत आहेत. काही जुनी दुखणी डोकं वर काढतील. वेळीच उपचार करा. अष्टमातील राहू स्त्री रोग कारक आहे काळजी घ्या. सप्ताहाचा पूर्वार्ध मध्यम आहे. अमावास्या आर्थिक चिंतेची. सप्ताह मध्यम.

तुला

राशी स्वामी शुक्र राहू सोबत असून सप्तम स्थानात सामाजिक आणि कौटुंबिक बाबी संबंधी फळ देईल. पंचम स्थानात ग्रह योग उच्च शिक्षणाचे योग येतील. षष्ठ गुरू आणि मंगळ जपून राहण्याचे संकेत देत आहे. काहीसे नकारात्मक वातावरण राहिलं. उत्तरार्धात मात्र बदल होईल. पंचम स्थानातील चंद्र मन आणि आरोग्य दोन्ही उत्तम ठेवेल. सरकारी कामकाजात यश देईल .पितृ चिंता होईल. अमावास्या आणि एकूण सप्ताह मिश्र फळ देईल.

वृश्चिक

राशी स्वामी मंगळाचे अष्टम स्थानात भ्रमण वैवाहिक जीवनात अस्थिरता दाखवत आहे. गैरसमज,कलह टाळा. व्यावसायिक जीवनात देखील घडामोडी होतील.चतुर्थ शनि मातृ पितृ चिंता निर्माण करेल. घरामध्ये मोठ्या घटना घडवून आणेल. आई वडिलांची काळजी घ्या. मानसिक ताण जाणवेल. शनी उपासना करावी .अमावास्या गृह चिंतेची. सप्ताह मध्यम जाईल.

धनू

राशी स्वामी गुरू रवि सोबत चतुर्थ स्थानात आहे .गृह सौख्य आणि नवीन वाहन यासाठी उत्तम फळ देईल. मातृ सुख देईल .कार्यालयीन कामकाज करण्यात यश देईल.अचानक येणाऱ्या नवीन संधी जाऊ देऊ नका.मंगळ जोडीदाराचा स्वभाव तापट करेल. रक्त विकार त्रास देतील. सप्ताहाचा पूर्वार्ध जपून रहा.परदेश प्रवासाचे योग येऊ शकतात. भावंडांशी वागताना काळजी घ्या. वैवाहिक जीवन सुखद राहील. अमावास्या काळात चंद्र उपासना करा. सप्ताह शुभ.

मकर

राशी स्वामी शनि स्वगृही असून आर्थिक ,कौटुंबिक घडामोडी होतील. तृतीय स्थानात गुरू भावंडांची भरभराट घडवेल.भावंडांच्या उत्कर्षा साठी अनुकूल काळ आहे. तसेच परदेश प्रवास घडतील. राहू मातृ सुखात कमी आणेल. स्थान बदल घडेल. कार्य क्षेत्रात जर काही बदल करायचे असतील तर हा अनुकूल काळ आहे . संतती चिंता वाटत असेल तर तिकडे लक्ष असू द्या. आरोग्य जपा. अमावास्या कौटुंबिक त्रासाची. सप्ताह बरा आहे

कुंभ

राशी स्वामी शनि स्वगृही चंद्रासह असून अचानक प्रवास, समारंभात सहभाग ,उत्तम खरेदी असे लाभ देईल.साडेसातीचा काळ असला तरी धन कारक गुरू आर्थिक आणि कौटुंबिक बाबीत लाभ देईल . प्रेरणादायी विचार येतील . बोलण्याने लोकांना जिंकून घ्याल. पैतृक संपत्ती मिळेल.पंचम मंगळ संततीसाठी नवीन खरेदी घडवतील. सजावट कराल. किंवा नवीन प्रॉपर्टी चे योग येतील .सप्ताह आणि अमावास्या जपून राहण्याचे संकेत देत आहे. सप्ताह मध्यम जाईल.

मीन

राशी स्वामी गुरू स्वराशीत असून मान सन्मान , प्रगती आणि संपत्ती यात वाढ करेल. कुटुंबात वाढ,वैवाहिक जीवनाची सुरवात ,तसेच संतती प्राप्ती करता उत्तम काळ आहे.साडे सती असली तरी घाबरु नका.परदेश गमनाची संधी येईल .व्यय शनि आणि द्वितीय राहू घरा पासून दूर जाण्याचे योग आणतील. गृहकलह आणि भावंडाना कष्ट संभवतात. सप्ताहाच्या पूर्वार्धात काळजी घ्या. अमावास्या आर्थिक नुकसानीची. आरोग्याची काळजी घ्या.सप्ताह मध्यम.

शुभम भवतू!!