साप्ताहिक भविष्य: परदेश संबंधी व्यवहार सावध राहून, करा सप्ताह चांगला जाईल

मुंबई, 2 एप्रिल:  आज दिनांक २ एप्रिल २०२३ वार रविवार. आज . चैत्र शुक्ल द्वादशी . या आठवड्यातील ग्रह गोचर आणि चंद्राचे भ्रमण यावर आधारित  साप्ताहिक राशी भविष्य पाहूया.

या सप्ताहात गुरू मीन राशीत असेल तर शनी कुंभ राशीत मार्गी अवस्थेत असून मंगळ वृषभ राशीतील भ्रमण संपवून मिथुन राशीत गेला आहे .शुक्र मेष राशीत भ्रमण करेल. दिनांक ६ एप्रिल रोजी सकाळी ११.५० नंतर शुक्र ववृषभ या से राशीत प्रवेश करेल. . बुध उदित होत आहे. राहू केतू मेष व तुला राशीत आहेत. राहू शुक्र योग निर्माण होईल. या सप्ताहात चंद्र सिंह ,कन्या ,तुला राशीमध्ये भ्रमण करेल.दिनांक ६ एप्रिल रोजी चैत्र पौर्णिमा असून हनुमान जयंती देशभर साजरी केली जाईल. ग्रह गोचर अनुसार व लग्नानुसार साप्ताहिक भविष्य .

मेष

राशी स्वामी मंगळ आता मिथुन या शत्रू राशीत आहे. पराक्रमी व्हाल. बंधू द्वेष निर्माण होईल राशीतील राहू वर्तमान काळात प्रत्येक बाबतीत द्विधा मनस्थिती करेल .त्या सोबत येणारा शुक्र हा उच्च दर्जाची अभिरुची संपन्न प्रवृत्ती होईल. लाभ स्थानातील शनि वृद्ध व्यक्तींशी भेट घडवेल.. व्यय स्थानातील ग्रहाधीक्य खर्चात वाढ करेल. गुरू धर्म विषयक आस्था तसेच त्या क्षेत्रात अधिकारी व्यक्तीची भेट घडवून देईल. उत्तरार्ध अनुकूल. चंद्र आर्थिक लाभ घडवेल.एकूण सप्ताह उत्तम फळ देणारा ठरेल. गुरू उपासना करावी.

वृषभ

राशी स्वामी शुक्र हा राजयोग कारक असून राशी स्थानात शुभ योग निर्माण करेल. धन स्थानातील मंगळ आता पुढे गेल्याने खूप सुखद अनुभव येतील. स्वभावात सौम्यत्ता आणेल.सौंदर्य बहाल करेल. गुरू मित्र आणि संतती पासून फायदा करून देईल. प्रवासाचे योग येतील. बहीण भावांशी संबंध सुधारतील. तसेच संपर्क,नवीन ओळखी यापासून फायदा होईल. चंद्र योग मध्यम फळ देणारा ठरेल. मना वर ताबा ठेवून हा आठवडा काळजीपूर्वक घालवावा. व्यय राहू शुक्र

आणि षष्ठ केतू खर्चाचे नियोजन योग्य प्रकारे करा तसेच परदेश संबंधी व्यवहार सावध राहून करा असे आवाहन करीत आहे. सप्ताह चांगला जाईल .

मिथुन

राशी स्वामी बुधाचे दशम आणि लाभ स्थानातील भ्रमण कार्यक्षेत्रात उत्तम प्रगती तसेच शैक्षणिक क्षेत्रा संबंधी लाभ दाखवीत आहे. राशीतील मंगळ जोडीदाराशी मतभेद असले तरीही जमवून घ्या असे सांगत आहे.शुक्र भरपूर खर्च करील. दशम स्थान जागृत आहे. नोकरीत फायदा होईल. तृतीय चंद्र भ्रमण बंधू भेट, प्रवास योग दाखवीत आहे. पघरामध्ये काही आनंदी घटना घडेल. शुभ सप्ताह.

कर्क

राशी स्वामी चंद्र सिंह राशीत आर्थिक लाभ ,tar उच्च मानसिक ताण सहन करावा लागेल. भाग्यातील गुरू रवि परदेश गमनची संधी निर्माण करेल. तीर्थ क्षेत्राचे प्रवास घडतील. मित्र मैत्रिणीशी संबंध सुधारण्याची शक्यता आहे. . दशम राहू हा कार्यक्षेत्रात होणाऱ्या बदलांचा कारक आहे. योग्य निर्णय घेऊन मार्ग कावा लागेल. आर्थिक लाभ होतील. तसेच कुटुंबात काही शुभ घटना घडतील . आयुष्यात नवीन वक्तीचे आगमन होण्याची शक्यता आहे. शुक्आर्थिक दृष्ट्या चांगले फळ देईल. सप्ताह चांगल

2 एप्रिलला होणार बृहस्पतिचा अस्त, संपूर्ण एप्रिलमध्ये नाहीत विवाहाचे शुभ मुहूर्त

सिंह

राशी स्वामी रवी गुरू सोबत अष्टम स्थानात गूढ विद्येशी संबंध दाखवीत आहे. शुक्र राहू पत्नीच्या आरोग्य विषयक तक्रारी, तसेच व्यवसाय संबंधात कर्ज ,बँकेचे व्यवहार इत्यादी घडवून आणेल. कार्य क्षेत्रात नवीन संधी मिळतील.त्याचा योग्य फायदा घ्या. आयुष्यात स्थैर्य राहणार नाही. रोजचे व्यवहार नेहमीप्रमाणे करा. फारशी अपेक्षा ठेवू नका. गैरसजामुळे बदल होतील. चंद्र उत्तरार्ध फायद्याचा असे सांगत आहे. सप्ताह मध्यम.

कन्या

राशी स्वामी बुध सप्तमात असून काही व्यवसायाच्या संधी निर्माण करणार आहे. लिखाणातून फायदा होईल . प्रकृतीची काळजी घ्या. जोडीदाराला देखील फायदे होऊ शकतात. सामाजिक जबाबदारी वाढेल. तसेच समाजात नाव होईल. अष्टम राहू आर्थिक दृष्ट्या सक्षम करेल. शेअर्स लॉटरी पद्धतीने लाभ होईल. मात्र स्त्री रोग तसेच कमरे खालील त्रास होऊ शकतात. काहीही कारण नसताना हुरहूर लागून मन अस्वस्थ राहील. गुरू सर्व आपत्ती मधून मार्ग काढेल. अविवाहित व्यक्तींना योग्य जोडीदार मिळतील. सप्ताह उत्तम.

तुला

शुक्राचे अष्टम स्थानातील भ्रमण घरामध्ये उंची वस्तूंची खरेदी तसेच जोडीदाराची प्रगती दाखवीत आहे. षष्ठ बुध नकारात्मक लहरी निर्माण करील. हालचाली कराव्या लागतील. मातृ पितृ भेट होईल. गुरू नोकरी आणि व्यवसाय यासाठी शुभ दायक असून मातुल घराण्या कडून शुभ वर्तमान देईल.जोडीदार निवडताना काळजी घ्या. नीट चौकशी करा. तसेच वैवाहिक जीवनात गैर समज होऊ देऊ नका. उत्तरार्धात चंद्र भ्रमण सुखद अनुभव देईल. सप्ताह उत्तम.

वृश्चिक

राशी स्वामी मंगळ अष्टम स्थानात असून जोडीदार संबंधी नाराजी निर्माण करेल .भांडण टाळा. शत्रू निर्माण होतील. रक्त विकार असणाऱ्यांनी काळजी घ्या. प्रवास,बंधू भगिनी भेट आणि कला प्रकारात रुची असा हा आठवडा आहे.अनेक नवीन व्यक्तींशी ओळख तसेच संपर्क होईल. संतती प्राप्ती साठी हा काळ शुभ आहे. व्यय आणि लाभ स्थानातील चंद्र पूर्वार्धात शुभ फळ देईल. धार्मिक कार्यक्रम होतील. प्रवास योग येतील..लाभ दायक सप्ताह आहे.

धनू

राशी स्वामी गुरू चतुर्थ स्थानात शुक्र सौख्य .,नविन वाहन लाभ दाखवीत आहे. घरामध्ये काही सजावट,नवीन सुख सोयी करून घ्याल. पंचमातील राहू कुटुंबात वाढ सुचवीत आहे.अनेक नवीन विषयात रुची निर्माण होईल .चतुर्थ स्थानातील ग्रहाधिक्य आर्थिक लाभ, तसेच घरात काही शुभ घटना दाखवीत आहे. मंगळ पराक्रमात वाढ करेल. तसेच शत्रू निर्माण करेल. पण अखेर विजय तुमचाच होईल. चंद्र भ्रमण आर्थिक लाभ पण खर्चिक सप्ताह आणि मानसिक ताण दाखवीत आहे. उत्तरार्ध अनुकूल जाईल.

एप्रिलमध्ये बुध, गुरू, सूर्य आणि शुक्राचे राशी परिवर्तन, 5 राशींना धनलाभाचे योग

मकर

ग्रहांचे योग हे परस्पर पूरक असून शुभ फळ देतील. उष्णतेचे विकार सतावू शकतात. चतुर्थ शुक्र आकर्षक घराचे स्वप्न पूर्ण करेल .पंचम स्थानात संतती साठी पैसे खर्च होतील. तृतीय गुरू रवि भावंडांच्या बाबतीत मौजमजेचा ठरेल

तसेच काही शुभ घटना घडतील. प्रवास आणि बंधुभेट घडवेल. तुमच्या संभाषण कौशल्यात विशेष वाढ होईल. वैवाहिक जीवन सुखाचे राहील. मंगळ शत्रूनाश करेल.प्रकृती जपा. सप्ताह एकूण चांगला जाईल. शनीची उपासना करावी.

कुंभ

राशी स्वामी शनि स्वस्थानात आणि चंद्र काही अनपेक्षित पेच प्रसंग निर्माण करू शकतो. आरोग्य जपा. दवाखान्याच्या फेऱ्या तसेच औषध पाण्यावर खर्च होऊ शकतो. काहीही अनाठायी धाडस करू नका.मंगळ पंचम स्थानात संतती चिंता निर्माण करेल. वाद करू नका. घरात शांतता ठेवा. आर्थिक लाभ तसेच पैतृक संपत्ती यासंबंधी हा आठवडा शुभ आहे. पूर्वार्ध जपून रहा. बुध कायद्याचे भान ठेवा असे सांगत आहे उत्तरार्ध मध्यम राहील.

मीन

राशीतील गुरू तसेच राशीत सूर्य बुध, धन व तृतीय स्थानातील शुक्र या आठवड्यात शुभ समाचार देतील. शनी कुंभ राशीत मित्र मैत्रिणी आणि वयस्क व्यक्तींकडून ताण दाखवीत आहे. संततीची काळजी घ्या. त्यांना आवश्यक तेवढा वेळ द्या.वैवाहिक जीवन सुखाचे राहील. गुरू रवी योग पूर्वार्ध सुखद करेल. प्रवास तसेच बंधू भेट संभवते. पण प्रकृतीचे त्रास संभवतात. पूर्वार्ध प्रतिकूल असून शनि उपासना करावी शुभ सप्ताह.

शुभम भवतू !