मराठी बातम्या /बातम्या /religion /

Vastu Tips: जमीन खरेदी करताना आकाराच्याबाबतीत चुकू नका; लाभत नाहीत अशाप्रकारच्या जागा

Vastu Tips: जमीन खरेदी करताना आकाराच्याबाबतीत चुकू नका; लाभत नाहीत अशाप्रकारच्या जागा

जमीन खरेदी करताना

जमीन खरेदी करताना

जमीन खरेदी करताना त्याचा आकार पाहणे देखील आवश्यक आहे. आज आम्ही तुम्हाला अशाच पाच आकारांची जमीन सांगणार आहोत, जी घर आणि व्यवसायासाठी खरेदी करणे शुभ मानले जाते.

  • News18 Lokmat
  • Last Updated :
  • Mumbai, India
  • Published by:  Ramesh Patil

मुंबई, 26 नोव्हेंबर : जमीन खरेदी करणे हे प्रत्येकाचे स्वप्न असते, परंतु काही वेळा जमीन खरेदी करणे एखाद्या व्यक्तीसाठी शुभदायी ठरत नाही. वास्तुशास्त्रानुसार याचे कारण जमिनीचा आकारही असू शकतो. जमीन खरेदी करताना त्याचा आकार पाहणे देखील आवश्यक आहे. आज आम्ही तुम्हाला अशाच पाच आकारांची जमीन सांगणार आहोत, जी घर आणि व्यवसायासाठी खरेदी करणे शुभ मानले जाते. वास्तुशास्त्रानुसार या आकाराची जमीन विकत घेतल्यास घरामध्ये धन आणि संततीसह सर्व प्रकारची सुखे वास करतात, असे मानले जाते.

चांगल्या आकाराची जमीन कोणती -

पंडित रामचंद्र जोशी यांच्या मते, वास्तुशास्त्रानुसार नेहमीच शुभ आकाराची जमीन खरेदी करण्याची परंपरा आहे. वास्तुशास्त्रानुसार पाच प्रकारची माती नेहमी शुभफळ देते. शुभ आकारांमध्ये गोलाकार, चौकोनी, आयताकृती, गायमुखी आणि सिंहमुखी जमीन येते. या जमिनींच्या शुभ गोष्टींचे वर्णन खालीलप्रमाणे आहे-

गोलाकार: म्हणजे गोल आकाराची जमीन. ही भूमी धनप्राप्तीचे प्रतीक आहे. या भूखंडावर घराचे बांधकाम सुरू केल्याने घरमालकाची कीर्ती वाढते आणि आर्थिक लाभ होतो.

चौकोनी: ज्या भूखंडाची लांबी आणि रुंदी समान आहे आणि जमिनीचा प्रत्येक कोन 90 अंश आहे, तो देखील धन आणि कीर्ती वाढविणारा मानला जातो. वास्तुशास्त्रानुसार अशा भूखंडावर घर बांधल्यास त्यामध्ये लक्ष्मी वास करते. धनप्राप्तीबरोबरच घराच्या मालकाची संपत्तीही वाढते.

आयताकृती: जर जमिनीचा समोरासमोरचा भाग समान असेल आणि प्रत्येक कोन 90 अंश असेल तर अशा भूखंडामध्ये राहणाऱ्या व्यक्तीसाठी ती जागा देखील सर्वोत्तम मानली जाते. वास्तुशास्त्रानुसार अशा जमिनीच्या मालकाला संपत्तीसोबत संतानसुख प्राप्त होते.

गोमुखकार : ज्या भूखंडाची मागील बाजू मोठी आणि प्रवेशद्वार लहान असेल अशा भूखंडाला गोमुखकार म्हणतात. या प्लॉटमध्ये प्रवेश करणारी व्यक्ती नेहमीच श्रीमंत, हुशार असते आणि त्याला सर्व सुविधा मिळतात. घर बांधण्यासाठी या प्रकारची जमीन सर्वोत्तम मानली जाते.

सिंहमुखकार : हा जमीन प्रकार गोमुखाकराच्या बरोबर उलटा असतो. या भूखंडाची मागील बाजू लहान असून प्रवेशद्वार मोठे आहे. अशी जमीन व्यवसायासाठी सर्वोत्तम मानली जाते. मात्र, या जमिनीत घर बांधणे शुभ मानले जात नाही. पंडित जोशी यांच्या मते, अशा प्रकारे घर बांधण्यासाठी व्यक्तीने गोलाकार, चौकोनी, आयताकृती आणि गायमुखी जमीन खरेदी करावी आणि व्यवसायासाठी नेहमी सिंहमुखी जमीन खरेदी करावी.

वाचा - हनुमानाची या रुपातील मूर्ती/फोटो घरात लावणं असतं शुभ; संकटांचा होतो नाश

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)

First published:

Tags: Lifestyle, Vastu