दैनंदिन राशी भविष्य: आर्थिक लाभाचे प्रसंग येतील, कामानिमित्त प्रवास होतील

मुंबई, 28 मार्च: आज दिनांक २८ मार्च २०२३.. मंगळवार. आज चैत्र शुक्ल सप्तमी .चंद्र आज मिथुन राशीत भ्रमण करेल.  चंद्र मंगळ योगाचे उत्तम फळ मिळेल.पाहूया आजचे बारा राशींचे राशी भविष्य.

मेष

आज दिवस कार्य क्षेत्रात भरीव कामगिरी करून घालवा . नावलौकिक वाढेल. घरामध्ये सत्संग घडेल. जास्तीची जबाबदारी पार पाडाल.मानसिक ताण कमी होईल .प्रवास. कुटंब आणि आर्थिक दृष्ट्या उत्तम दिवस.

वृषभ

राशीचे गुण प्रकाशात आणणारा काळ आहे.

काही आर्थिक लाभाचे प्रसंग येतील . कार्यालयीन कामा निमित्त प्रवास ,नातेवाईक भेट संभवते. मुलं आनंदी असतील. दिवस सुखद.

मिथुन

राशीतील चंद्र आज मंगळ ग्रह सोबत महालक्ष्मी योग करीत आहे. आर्थिक लाभ होईल .पण खर्च देखील होतील. स्वभाव तामसी होईल. कार्य करताना विचार करा. व्यवसाय आणि आर्थिक दृष्ट्या बरा दिवस.

कर्क

भाग्य गुरू सोबत असला तरी व्यय चंद्र आर्थिक स्थिती वर परिणाम करेल. ताण अनुभव कराल. वैवाहिक जीवन सुखाचे राहील. गुरूचे पाठबळ आहे शनि आर्थिक दृष्ट्या घडामोडी करेल . पोटाचे विकार होतील. प्रकृती जपून काम करा. दिवस मध्यम.

सिंह

राशीच्या लाभ स्थानात चंद्र मंगळ मित्रांकडून लाभ ,मौजमजा करण्यासाठी प्रवास दाखवीत आहे राशीच्या समोर शनी जोडीदाराला त्रासदायक ठरेल.

अष्टम स्थानातील ग्रहांचा प्रभाव प्रकृतीवर होईल. आर्थिक ,वास्तू दृष्ट्या शुभ दिवस.

कन्या

समाज आणि शैक्षणिक क्षेत्रात नवीन संधी मिळतील. संतती सुख मिळेल. चंद्र नातेवाईक भेट घडवून आणेल. तसेच आर्थिक लाभ होतील. . जोडीदाराच्या आरोग्याचे प्रश्न कमी होतील. दिवस उत्तम.

तुला

शुक्र वैवाहिक जीवनात बदल घडवून आणेल. खर्च भरपूर होईल . वैवाहिक जीवन सुखद राहील. शुक्राचा प्रभाव जाणवेल.कार्य क्षेत्रात नवीन संधी मिळतील .जबाबदारी येईल. संतती कडे लक्ष द्या . प्रवासात जपून रहा. दिवस चांगला.

वृश्चिक

अष्टम चंद्र मंगळ एकत्र आहेत त्यामुळे वृश्चिक व्यक्ती काहीशा तापट आणि उत्तेजीत असतील . प्रयत्न पूर्वक शांत रहा. वैवाहिक जीवनात वादळ येऊ शकते. चंद्र प्रवास. बंधुभेट यासाठी उत्तम फळ देईल .

धनू

गुरुकृपा असली तर कुठल्याही संकटातून मार्ग निघतो याचा प्रत्यय येईल. चतुर्थ गुरू व सप्तम चंद्र चंद्र घरात जास्तीचे काम देईल जवळपासचे प्रवास योग येतील.वैवाहिक जीवन आनंदी राहील. प्रकृती ठीक राहील.. दिवस मध्यम.

मकर

षष्ठ चंद्र आणि षष्ठ मंगळ यांच्या उपस्थिती मुळे एक प्रकारचा आत्मविश्वास मिळेल. रक्त विकार असतील तर काळजी घ्या. घरा मध्ये रुची निर्माण करेल. प्रवास योग येतील . संतती आणि जोडीदारासोबत आनंदाने दिवस घालवाल.

कुंभ

शनी प्रधान असलेली कुंभ रास, आज पंचम चंद्र मंगळ योगामुळे संततीबाबत विशिष्ट घडामोडी करणार आहे. प्रकृती जपा. नातेवाईक भेट होईल . यश मिळेल. आर्थिक लाभ होतील .व्यवसाय नोकरी साठी मध्यम दिवस.

मीन

राशी स्वामी गुरु शुभ प्रभाव देत आहे. शुक्राची धन स्थानातील उपस्थिती मुळे आर्थिक लाभ, सामाजिक जीवनात प्रसिद्धी असा हा काळ आहे. वैवाहीक जीवनात सुख मिळेल. राशीतील गुरू अध्यात्मिक बाबीत लाभ देईल. दिवस मध्यम.

शुभ भवतू!!