Horoscope Today : आज जोडीदारासोबत आनंदाने दिवस घालवाल

मुंबई, 27 जानेवारी: आज दिनांक २७ जानेवारी २०२३ शुक्रवार.आज माघ शुक्ल षष्ठी .आज चंद्र दिवसभर मीन राशीत भ्रमण करेल. पाहूया आजचे बारा राशींचे राशी भविष्य.

मेष

आयुष्यात येणाऱ्या मोठ्या व्यक्तींचा आधार घेऊन आज दिवस शांततेत घालवा . प्रकृती जपा.खर्च जपून करा.

घरामध्ये सत्संग घडेल. जास्तीची जबाबदारी पार पाडाल. कुटंब आणि आर्थिक दृष्ट्या मध्यम दिवस.

वृषभ

तोंडातून निघालेले कठोर वचन वैवाहिक जीवनात हानी करतील हे लक्षात ठेवा. काही कलहाचे प्रसंग येतील .जपून रहा. प्रवास ,नातेवाईक भेट संभवते. भावंडं आनंदी असतील. दिवस सुखद.

मिथुन

बुद्धिवादी स्वभाव असला तरी काहीसे भ्रमित करणारे वातावरण आहे.कागदपत्र आणि सह्या जपून करा. चूक होऊ शकते. कोणालाही जमीन राहणे टाळा.व्यवसाय आणि आर्थिक दृष्ट्या उत्तम दिवस.

कर्क

भाग्य चंद्र गुरू मानसिक स्थिती वर उत्तम परिणाम करेल. शांती अनुभव कराल. वैवाहिक जीवन सुख दायक आहे. संततीला वेळ द्या. प्रवास आनंददायी ठरतील. नवीन व्यक्तींशी भेट संभवते. दिवस उत्तम.

सिंह

राज राशी असूनही सध्या शत्रू प्रबळ आहे.कारण गुरूचे पाठबळ नाही. अष्टम चंद्र गुरू आर्थिक दृष्ट्या कष्ट देईल .अलर्जी चे विकार होतील. प्रकृती जपून काम करा. कार्य क्षेत्रात अधिकारी व्यक्तीची भेट होईल.दिवस मध्यम.

कन्या

समाज आणि शैक्षणिक क्षेत्रात नवीन संधी मिळतील. संतती सुख मिळेल . सप्तम चंद्र जोडीदार भेट घडवून आणेल. तसेच आर्थिक लाभ होतील. प्रवास योग येतील. दिवस शुभ.

तुला

शुक्र घरामध्ये मोठ्या सुधारणा घडवून आणेल.खर्च भरपूर होईल पण सुख सोयी मध्ये वाढ होईल. कार्य क्षेत्रात नवीन संधी मिळतील जबाबदारी येईल. प्रवासात जपून रहा. दिवस चांगला.

वृश्चिक

मंगळाच्या दृष्टीने वृश्चिक व्यक्ती काहीशा तापट आणि उत्तेजीत असतील . प्रयत्न पूर्वक शांत रहा.वैवाहिक जीवनात वादळ येऊ शकते. पंचम चंद्र ,धार्मिक कार्यक्रम ,संतती यासाठी उत्तम फळ देईल .

धनू

गुरुकृपा असली तर कुठल्याही संकटातून मार्ग निघतो याचा प्रत्यय येईल. चतुर्थ गुरू चंद्र दिवसभर हुरहूर लावेल. प्रकृती नरम राहील. लौकरच बदल होतील. दिवस मध्यम.

मकर

गंभीर व्यक्तिमत्वाला शुक्राच्या उपस्थिती मुळे एक सौम्य आणि आनंदी किनार मिळेल. कला प्रकारात रुची निर्माण करेल. प्रवास योग येतील .संतती आणि जोडीदारासोबत आनंदाने दिवस घालवाल.

कुंभ

शनी प्रधान असलेली कुंभ रास रोग ऋण शत्रू पासून त्रस्त आहे. प्रकृती जपा. नातेवाईक भेट होईल . लिखाण मध्ये यश मिळेल. आर्थिक लाभ होतील . व्यवसाय नोकरी साठी उत्तम दिवस.

मीन

राशी स्वामी स्वराशित आहे. ओजस व्यक्तिमत्व आणि सामाजिक जीवनात अनेक गोष्टींमुळे प्रसिद्धी असा हा काळ आहे.संतती सुख मिळेल.अध्यात्मिक अनुभव येतील.दिवस उत्तम .

शुभ भवतू!!