आज संतती आणि मित्र मंडळी सोबत मजेत दिवस जाईल, प्रवास योग येतील

मुंबई, 21 फेब्रुवारी:  आज दिनांक २१ फेब्रुवारी २०२३ मंगळवार.आजफाल्गुन मासारंभ.फाल्गुन शुक्ल प्रतिपदा /द्वितीया. चंद्र आज कुंभ राशीतून भ्रमण करेल. चंद्र शनि विषयोग बनेल. श्री गणेशाला वंदन करून आजचा दिवस कसा जाईल बघुया.

मेष

आज राशीच्या लाभ स्थानात चंद्र शनि मध्यम फळ देईल. मित्रांशी गैरसमज होऊ शकतात. नोकरीत वरिष्ठ अधिकारी व्यक्तीची भेट होईल. तसेच व्यय स्थानातील गुरू शुक्र नवीन संधी देतील... आरोग्य जपा. दिवस मध्यम.

वृषभ

कार्य क्षेत्रात महत्वाचे निर्णय घ्याल .भाग्य स्थानातील बुध धर्म आणि सामाजिक जीवनात प्रतिष्ठा देईल. प्रकृतीची काळजी घ्या. तसेच प्रवास आणि कौटुंबिक दृष्ट्या चांगला काळ आहे. संतातीसुख मिळेल. दिवस शुभ.

मिथुन

आज भाग्य चंद्र संततीविषयक रुची निर्माण करोल. विदेश संबंधी क्षेत्रात यश येईल . सामाजिक आणि संतती साठी चांगला दिवस आहे. अष्टम स्थानात रवि आहे. जपून रहा असे संकेत देत आहे.

योगिराज श्री शंकर महाराज : ``मै कैलास का रहनेवाला । मेरा नाम है शंकर"॥

कर्क

चंद्र भ्रमण अष्टम स्थानातून होत आहे.प्रकृती जपा. घरामध्ये नवीन खरेदी होईल. जास्त काळ घरामध्ये घालवाल. मातृ चिंता निर्माण होईल. सप्तम रवि जोडीदाराला यश देईल..दिवस मध्यम.

सिंह

आज राशी स्वामी रवि सप्तम स्थानात आहे. आईकडील घराण्याचा संपर्क होईल. तृतीय चंद्र कार्य क्षेत्रात आणि सामाजिक जीवनात विशेष घटना घडवेल.,आर्थिक लाभ होतील. धार्मिक स्थळांना भेट असा योग आणेल. आर्थिक लाभ होईल. दिवस उत्तम.

कन्या

षष्ठ स्थानातील चंद्र प्रकृती आणि कौटुंबिक दृष्ट्या अचानक फळ देईल. आर्थिक लाभ होतील. शनी शुक्र लाभ दायक आहे.. वैवाहिक जीवन आनंदी राहील.गणरायाच्या कृपेने सर्व ठीक होईल. काळजी नको . दिवस बरा.

Vastu Tips : करिअरमध्ये प्रगतीसाठी पाळा वास्तूचा हा नियम, सोप्या उपायांनी मिळेल भरघोस यश

तुला

राशीस्थानात चंद्र केतू योग आर्थिक , प्रकृती संबंधी चर्चा घडवेल. ,कुटुंबाचे सुख मिळेल.सामाजिक घटना घडतील. राशीतील केतू मानसिक ताण निर्माण करेल. पंचम चंद्र शनि संतती कडे लक्ष द्या असे सांगत आहे. दिवस मध्यम.

वृश्चिक

व्यय केतू आर्थिक चणचण, मानसिक ताण निर्माण करील. चतुर्थ रवि घरासाठी उत्तम आहे. प्रवास जपून करा .भवताल परिस्थितीचे भान ठेवा. .घरामध्ये जास्ती काम पडेल. वैवाहिक दृष्ट्या दिवस मध्यम.

धनू

आर्थीक बाजू समाधानी असेल तर दिवस आनंदात जातो. तृतीय चंद्र भ्रमण सुखद अनुभव देईल. संतती आणि मित्र मंडळी सोबत मजेत दिवस जाईल.प्रवास योग येतील. डोळ्यांची काळजी घ्या. दिवस मध्यम.

मकर

रवि धर्म आणि संस्कृती बद्दल आस्था देईल. तेजस्वी स्वभाव होईल.डोळ्यांची काळजी घ्या. पितृ चिंता निर्माण होईल.तसेच वरिष्ठांशी मतभेद संभवतात. द्वितीय चंद्र आर्थिक लाभ देईल. दिवस सामाजिक कामकाज करण्यात घालवाल.

या 5 चुका तुम्हाला करतील कर्जबाजारी, म्हणून या वास्तू फॉलो करून मिळवा समाधान

कुंभ

व्ययस्थ रवि आणि राशीतील चंद्र कायदे विषयक समस्या निर्माण करेल . सरकार दरबारी असलेली कामे रेंगाळतील. राशी स्थानातील शनी रवि मानसिक ताण देइल .विरक्त वृत्तीचा अनुभव२१ येईल दिवस चांगला.

मीन

व्यय शनी जोडीदाराची काळजी घ्या असे सांगत आहे. रवि सरकारी कामे, वरिष्ठ भेट असे संकेत देत आहे. गुरू मदत करील. खर्चात वाढ होईल. बंधू भेट ,प्रवास योग येतील. दिवस मध्यम.

शुभम भवतू !!