दैनंदिन राशी भविष्य: मानसिक ताण कमी होईल, व्यवसाय व आर्थिक दृष्ट्या बरा दिवस

मुंबई, 17 मार्च:  आज दिनांक १७ मार्च २०२३.. शुक्रवार. आज फाल्गुन कृष्ण दशमी..चंद्र आज धनू राशीत भ्रमण करेल.चंद्र गुरू केंद्रयोग होईल. पाहूया आजचे बारा राशींचे राशी भविष्य.

मेष

आयुष्यात येणाऱ्या मोठ्या व्यक्तींचा आधार घेऊन आज दिवस शांततेत घालवा . प्रकृती जपा.

घरामध्ये सत्संग घडेल. जास्तीची जबाबदारी पार पाडाल.मानसिक ताण कमी होईल. कुटंब आणि आर्थिक दृष्ट्या उत्तम दिवस.

वृषभ

आज आठवा चंद्र मानसिक आणि शारीरिक शिथिलता देईल.. काही कलहाचे प्रसंग येतील .जपून रहा. कार्यालयीन कामा निमित्त प्रवास ,नातेवाईक भेट संभवते. मुलं आनंदी असतील. दिवस सुखद.

मिथुन

राशीतील मंगळ स्वभाव उग्र करेल. काहीसे विचारात टाकणारे वातावरण आहे. . चूक होऊ शकते. कोणालाही जमीन राहणे टाळा.दुसऱ्या वर टीका करताना विचार करा. व्यवसाय आणि आर्थिक दृष्ट्या बरा दिवस.

कर्क

भाग्य गुरू शुभ आहे पण चंद्र मानसिक स्थिती वर परिणाम करेल. ताण अनुभव कराल. वैवाहिक जीवन कष्ट दायक आहे.. गुरूचे पाठबळ व शनि रवि आर्थिक दृष्ट्या कष्ट देईल . अलर्जी चे विकार होतील. प्रकृती जपून काम करा..दिवस मध्यम.

सिंह

राशीच्या पंचम स्थानातील चंद्र भ्रमण सुखद असून संतती कडून आनंद मिळेल .आठव्या गुरूचा त्रास आता कमी होईल .दिवस उत्तम.

कन्या

घर आणि शैक्षणिक क्षेत्रात नवीन संधी मिळतील. संतती सुख मिळेल. चंद्र नातेवाईक भेट घडवून आणेल. तसेच आर्थिक लाभ होतील. प्रवास योग येतील. जोडीदाराच्या आरोग्याचे प्रश्न कमी होतील.

तुला

शुक्र घरामध्ये मोठ्या सुधारणा घडवून आणेल. खर्च भरपूर होईल पण सुख सोयी मध्ये वाढ होईल. कार्य क्षेत्रात नवीन संधी मिळतील .जबाबदारी येईल. संतती कडे लक्ष द्या .वैवाहिक जीवन सुखाचे राहील. प्रवासात जपून रहा. दिवस चांगला.

वृश्चिक

मंगळाच्या दृष्टीने वृश्चिक व्यक्ती काहीशा तापट आणि उत्तेजीत असतील . प्रयत्न पूर्वक शांत रहा. प्रवास योग येतील.वैवाहिक जीवनात वादळ येऊ शकते. दशम चंद्र ,गृह सौख्य , नोकरी यासाठी उत्तम फळ देईल .

धनू

गुरुकृपा असली तर कुठल्याही संकटातून मार्ग निघतो याचा प्रत्यय येईल. चतुर्थ गुरू व राशीतील चंद्र दिवसभर घरात जास्तीचे काम देईल जवळपासचे प्रवास योग येतील. प्रकृती ठीक राहील. बंधू भेट होईल. दिवस मध्यम.

मकर

व्यय चंद्र आणि षष्ठ मंगळ यांच्या उपस्थिती मुळे एक प्रकारचा आत्मविश्वास मिळेल. कला प्रकारात रुची निर्माण करेल. प्रवास योग येतील .संतती आणि जोडीदारासोबत आनंदाने दिवस घालवाल.

कुंभ

शनी प्रधान असलेली कुंभ रास,आज गुरूचंद्र योगामुळे घरासंबंधी घडामोडी निर्माण करणार आहे. प्रकृती जपा. नातेवाईक भेट होईल . लिखाण मध्ये यश मिळेल. आर्थिक लाभ होतील . व्यवसाय नोकरी साठी मध्यम दिवस.

मीन

राशी स्वामी स्वराशित आहे.शुक्राची धन स्थानात उपस्थिती मुळे सामाजिक जीवनात अनेक गोष्टींमुळे प्रसिद्धी असा हा काळ आहे. मात्र वैवाहीक जीवनात कष्ट होईल. अध्यात्मिक अनुभव येतील. दिवस मध्यम.

शुभ भवतू!!