दैनंदिन राशी भविष्य: या राशीने शत्रू पासून सावध राहा, प्रवास योग येतील

मुंबई, 11 मार्च:  आज दिनांक ११ मार्च २०२३ वार शनिवार . आज फाल्गुन कृष्ण चतुर्थी. संकष्टी चतुर्थी. चंद्रोदय रात्रौ १० वाजून ०६ मिनिटांनी. आज चंद्र तुला राशीत भ्रमण करेल. श्री गणेशाचे स्मरण करून पाहूया बारा राशींचे राशी भविष्य.

मेष

आज चंद्र भ्रमण सप्तम स्थानात होणार असून व्यावसायिक ,कौटुंबिक लाभ होतील. स्वतः साठी वेळ काढा. कुटुंबीय आनंदी राहतील . लक्ष असू द्या. आरोग्य दृष्ट्या दिवस चांगला .धार्मिक कार्यात मग्न रहाल. दिवस उत्तम आहे.

पूजेनंतर आरतीच्या ताटात पैसे का ठेवतात, जाणून घ्या या परंपरेमागचे कारण

वृषभ

राशीतील मंगळ आणि षष्ठ चंद्र भ्रमण प्रकृती अस्वास्थ्य दर्शवित आहे.. दशम शनि आहे नोकरीमध्ये काळजी घ्या. कार्यालयीन कामात जागरूक रहा . भावंडं भेट,किंवा संपर्क होईल.. आर्थिक घडामोडी ,लेखन यासाठी चांगला दिवस.

मिथुन

राशी स्वामी बुध भाग्य स्थानात असून सुख दायक चंद्र आहे . ग्रह योगावर आरोग्य उत्तम राहील. . वैवाहिक सुख मिळेल. संततीला वेळ द्या. दिवस शांतता पूर्ण पद्धतीने घालवा.

कर्क

आज दिवस संथ आहे. मातृ पितृ सुख मिळेल. मानसिक ताण जाणवेल. गुरू उपासना करावी. आर्थिक घडामोडी होतील. घरा मध्ये जास्तीची जबाबदारी येईल. वैवाहिक जीवन चांगले राहील. दिवसाचे फळ उत्तम.

सिंह

दुपारनंतर कार्यालयीन काम, आर्थिक व्यय मौजमजा कुटुंबा समवेत वेळ घालवाल. तृतीय चंद्र धार्मिक कार्यप्रसंग घडतील.प्रवास योग येतील. शत्रू पासून सावध राहा. बंधू भेट होईल.. दिवस बरा.

कन्या

चंद्र आज धन स्थानात असेल. घरामध्ये आर्थिक भरभराट येईल .मित्र मंडळ भेटेल. वैवाहिक जीवन आनंदी राहील. संततीची काळजी घ्या. आरोग्य सांभाळा. पूजन आणि जप करा. दिवस उत्तम .

तुला

राशी स्थानात प्रवेश करणारा चंद्र प्रवासाचे मार्ग दाखवेल. खर्च, प्रकृतीच्या तक्रारींकडे दुर्लक्ष करू नका. घरामध्ये दुरुस्ती, नवीन खरेदी यावर खर्च होईल. जोडीदार निवडताना जपून असा. दिवस मध्यम आहे.

वृश्चिक

व्यय स्थानात चंद्र आर्थिक दृष्ट्या कठीण असून चतुर्थ स्थानात बुध वास्तू योग दाखवीत आहे. कलह टाळा. कलेत रुची वाढेल. मन अस्वस्थ राहील. व्यावसायिक जीवनात लाभ होतील. दिवस उत्तम जाईल.

धनू

लाभ चंद्र गुरूशी योग करीत आहे. कार्यालयात आयोजित करण्यात आलेल्या कार्यक्रमात सहभागी होण्याचे संकेत देत आहे. किंवा जबाबदारी वाढेल.मनस्ताप होईल. धार्मिक कामात सहभागी व्हाल. संततीला जपा. आर्थिक दृष्ट्या सक्षम दिवस.

मकर

रवि आता कुंभ राशीत शनि सोबत असून अनेक घटना घडवील. कामामध्ये रुची वाढेल. बुद्धीचा उपयोग करून नाव मिळेल. अधिकारी व्यक्ती भेटतील. नोकरीत घडामोडी होतील. संतती कडे लक्ष द्या. दिवस मध्यम .

कुंभ

तुमच्या बुद्धिमान स्वभावाला योग्य असे ग्रहमान आहे. राशीतील शनी आणि भाग्य चंद्र सांभाळून रहा असे संकेत देत आहे. मानसिक ताण कमी होईल. जोडीदाराशी जपून रहा. मित्र मैत्रिणी भेटतील. दिवस मध्यम.

मीन

गुरू आणि चंद्राचा होणारा योग विशेष समाचार आणेल. सकाळी थोडेसे अस्वस्थ वाटले तरी दुपारनंतर आनंदी वातावरण निर्माण होईल.आर्थिक लाभ, प्रवास योग येतील. वेळेचा फायदा घ्या.संतती सुख मिळेल. दिवस मध्यम.

शुभम भवतू!!