दैनंदिन राशीभविष्य: या राशीला महत्त्वाच्या कामात यश मिळेल, दिवस उत्तम जाईल

मुंबई, 10 मार्च: आज दिनांक १० मार्च २०२३ शुक्रवार.आज फाल्गुन कृष्ण तृतीया.. आज चंद्र कन्या राशीतून भ्रमण करेल. गुरू चंद्र प्रतियोग उत्तम फळ देईल. पाहूया आजचे बारा राशींचे राशी भविष्य.

मेष ः- धार्मिक कार्यक्रम आणि कौटुंबिक जबाबदारी येऊ शकते. खाण्या पिण्याची काळजी घ्या. वस्तू सांभाळा. घरात आवराआवर करण्यात वेळ जाईल. चंद्र भ्रमण आर्थिक आणि कौटुंबिक दृष्ट्या मध्यम फळ देईल. दिवस मध्यम.

वृषभ ः- मनाची एकाग्रता वाढेल. ठरविलेले काम पूर्ण होईल. आत्मविश्वासाने पुढे जात रहा. खर्च जपून करा. वैवाहिक जीवनात सुख मिळेल. प्रवास होईल. राशीतील मंगळ जपुन राहण्याचे संकेत देत आहे. दिवस मध्यम.

मिथुन ः- धंद्यात जम बसेल. मागील येणे वसूल करा. कला क्षेत्रात झालेली ओळख फायदेशीर ठरेल. घरामध्ये जबाबदारी वाढेल. मातृ चिंता सतावेल. दिवस चांगला.

कर्क ः- वरिष्ठांना न दुखावता तुमचे मत त्यांना सांगा. कायद्याचे पालन करा. गोड बोलून धंदा मिळवा.संतती कडे लक्ष द्या. तसेच प्रवास आणि कौटुंबिक जबाबदाऱ्या पार पाडाल. दिवस शुभ.

सिंह ः- दौर्‍यात ताणतणाव होऊ शकतो. खाण्याचे हाल होतील. प्रवासात नवीन ओळख होईल; पण सावध रहा. कौटुंबिक जबाबदारी येईल. प्रकृती जपा .मात्र आर्थिक दृष्ट्या दिवस उत्तम .

भगवान दत्तात्रेयांच्या जन्माची रहस्यमय कथा; त्रिलोकाचे स्वामी झाले तान्हे बाळ

कन्या ः- महत्त्वाच्या कामात यश मिळेल. घरातील लोकांना खूश करण्यासाठी प्रयत्न कराल. गोड खाण्यास मिळेल. गुरू चंद्र योग शुभ फळ देईल. प्रकृती उत्तम राहील . वैवाहिक जीवन आनंदी राहील. दिवस उत्तम.

तूळ ः- ईश्वरी चिंतनात मनाची एकाग्रता होईल.कार्यालयात मन द्विधा करणारी बातमी मिळेल. खर्च आणि नुकसान त्रस्त करतील. प्रवास योग येतील. परदेश संबंधी व्यवहारात यश मिळेल. दिवस मध्यम.

वृश्चिक ः- मनावरील ताण हलका होईल. मौज-मजा कराल. कल्पनाशक्तीला वाव मिळेल. नवीन ओळख होईल. चंद्र गुरू योग संतती सुख देईल. आर्थिक लाभ . दिवस शुभ.

धनु ः- रागावर ताबा ठेवा. तुमच्यावर आरोप होण्याची शक्यता आहे. चंद्र मानसिक शांतता नष्ट करेल.. खर्च होईल .कार्यालयीन कामकाज सुरु राहील. जास्त दगदग टाळा. दिवस बरा.

मकर ः- कुटुंबात आनंदी रहाल. चांगली बातमी मिळेल. धंदा वाढेल. महत्त्वाचे काम आजच करून घ्या. चंद्र गुरू योग घरात आनंद मिळवून देईल. प्रवास योग येतील. मात्र खर्च होतील. दिवस भाग्यकरक.

कुंभ ः- तुमच्या विचारांना जास्त प्रतिसाद मिळण्यास वेळ लागेल. महत्त्वाच्या वस्तू सांभाळा. वाहन जपून चालवा. प्रवास योग येतील .आर्थिक व्यय होतील.आज चंद्र नातेवाईकांची भेट घडवेल. दिवस मध्यम.

मीन ः- महत्त्वाची भेट आजच घ्या. चर्चा यशस्वी होईल. कला-साहित्यात चांगले यश मिळेल. आनंदी रहाल. वैवाहिक जीवन आनंदी राहील. संतती सुख मिळेल. मिळून खरेदी कराल . दिवस शुभ.

शुभम भवतू!!