धनू राशीने रागावर ताबा ठेवा तुमच्यावर आरोप होण्याची शक्यता, या आहे आज खास राशी

मुंबई, 6 फेब्रुवारी: आज ६ फेब्रुवारी २०२३ सोमवार .आज माघ वद्य प्रतिपदा. आज चंद्र कर्क राशीतून भ्रमण करेल. गुरू चंद्र शुभयोग उत्तम फळ देईल. पाहूया आजचे बारा राशींचे राशी भविष्य.

मेष ः- धार्मिक कार्यक्रम आणि कौटुंबिक जबाबदारी येऊ शकते. खाण्या पिण्याची काळजी घ्या. वस्तू सांभाळा. चंद्र भ्रमण आर्थिक आणि कौटुंबिक दृष्ट्या फळ देईल. दिवस मध्यम.

वृषभ ः- मनाची एकाग्रता वाढेल. ठरविलेले काम पूर्ण होईल. आत्मविश्वासाने पुढे जात रहा. खर्च जपून करा. संततीचे सुख मिळेल. प्रवास योग,बंधू भेट होईल. राशीतील मंगळ जपुन राहण्याचे संकेत देत आहे. दिवस मध्यम.

मिथुन ः- धंद्यात जम बसेल. मागील येणे वसूल करा. कला क्षेत्रात झालेली ओळख फायदेशीर ठरेल. घरामध्ये जबाबदारी वाढेल. मातृ चिंता सतावेल. दिवस चांगला.

विज्ञानही झाले चकित दर्ग्यातील हा चमत्कार पाहून! मुंबईत कोठे आहे हे ठिकाण

कर्क ः- वरिष्ठांना न दुखावता तुमचे मत त्यांना सांगा. कायद्याचे पालन करा. गोड बोलून धंदा मिळवा. तसेच प्रवास आणि कौटुंबिक जबाबदाऱ्या पार पाडाल.दिवस शुभ.

सिंह ः- दौर्‍यात ताणतणाव होऊ शकतो. खाण्याचे हाल होतील. प्रवासात नवीन ओळख होईल; पण सावध रहा. कौटुंबिक जबाबदारी येईल.संतती सुख मिळेल.आर्थिक लाभ होतील. दिवस शुभ.

कन्या ः- महत्त्वाच्या कामात यश मिळेल. घरातील लोकांना खूश करण्यासाठी प्रयत्न कराल. गोड खाण्यास मिळेल. गुरू चंद्र योग शुभ फळ देईल. प्रकृती उत्तम राहील . दिवस मध्यम.

तूळ ः- ईश्वरी चिंतनात मनाची एकाग्रता होईल. मन द्विधा करणारी बातमी मिळेल. खर्च आणि नुकसान त्रस्त करतील. प्रवास योग येतील. परदेश संबंधी व्यवहारात यश मिळेल. दिवस मध्यम.

वृश्चिक ः- मनावरील ताण हलका होईल. मौज-मजा कराल. कल्पनाशक्तीला वाव मिळेल. नवीन ओळख होईल. चंद्र गुरू योग संतती सुख देईल. आर्थिक लाभ . दिवस शुभ.

धनु ः- रागावर ताबा ठेवा. तुमच्यावर आरोप होण्याची शक्यता आहे.अष्टम चंद्र मानसिक शांतता नष्ट करेल.. कार्यालयीन कामकाज सुरु राहील. जास्त दगदग टाळा. दिवस बरा.

शिवलिंगावर अर्पण कराव्यात या 5 गोष्टी, तुमच्या अनंत अडचणी होतील दूर

मकर ः- कुटुंबात आनंदी रहाल. चांगली बातमी मिळेल. धंदा वाढेल. महत्त्वाचे काम आजच करून घ्या. चंद्र गुरू योग घरात आनंद मिळवून देईल. मात्र खर्च होतील. दिवस भाग्यकरक.

कुंभ ः- तुमच्या विचारांना जास्त प्रतिसाद मिळण्यास वेळ लागेल. महत्त्वाच्या वस्तू सांभाळा. वाहन जपून चालवा. प्रवास योग येतील .आज चंद्र मित्र मैत्रिणींची भेट घडवेल. दिवस मध्यम.

मीन ः- महत्त्वाची भेट आजच घ्या. चर्चा यशस्वी होईल. कला-साहित्यात चांगले यश मिळेल. आनंदी रहाल.वैवाहिक जीवन आनंदी राहील. संतती सुख मिळेल. मिळून खरेदी कराल . दिवस शुभ.

शुभम भवतू!!