वृश्चिक राशीने आज घरामध्ये ताण निर्माण होणार नाही याची काळजी घ्यावी

मुंबई, 2 फेब्रुवारी: आज दिनांक २ फेब्रुवारी २०२३ वार गुरूवार. आज माघ शुक्ल द्वादशी. .आज चंद्र मिथुन राशीतून भ्रमण करेल. तिथून तो गुरूशी केंद्र योग करेल. पाहुया आजचे बारा राशींचे राशी भविष्य.

मेष

आज जरासे आत्म परीक्षण करा. कटू बोल हानी करू शकतात.चंद्र तृतीय स्थानातून विशेष फळ देईल . भावंडं नाराज राहील. गुरू चंद्र केंद्र योग अध्यात्मिक बाबीत रस निर्माण करेल. शनीचे लाभ स्थानातील वास्तव्य दिलासा देईल . दिवस चांगला.

वृषभ

आज घर आणि कुटुंब ही तुमची प्राथमिकता राहील. विशेष आर्थिक तरतूद , स्वच्छता ,सजावट,खरेदी यात वेळ घालवाल. एकूण दिवस हा स्वतःकरता,कुटुंबा करता वेळ देण्याचा आहे. आर्थिक लाभ होतील. व्यवसाय नोकरीसाठी शुभ दिवस.

इथे तब्बल 2000 वर्षांपासून जळत आहे दिव्य ज्योत..

मिथुन

आज मन आनंदी राहील. अष्टम स्थानावरील रवि आणि व्यय मंगळ आहे खर्च आणि उत्पन्न याचा मेळ लागणार नाही. नातेवाईक भेट आणि प्रवास संभवतो .मध्यम दिवस.

कर्क

आज व्यय स्थानावरील चंद्र स्वभावात आणि बोलण्यात कटुता आणेल. कुटुंबात धार्मिक कार्यक्रम होतील. आर्थिक व्यय संभवतो. संततीसुख आणि सामाजिक लाभ मिळतील.मध्यम दिवसाचे फळ मिळेल.

सिंह

आज सामाजिक जीवनात सुख तसेच कुटुंबात काही शुभ घटना घडतील.गुरू चंद्र केंद्र योग आहे . मनात घालमेल होत असताना देखील इतर ग्रह मार्ग दाखवतील. गुरू कृपा होईल. दिवस शुभ.

कन्या

संतती चिंता, घरामध्ये काहीसे ताणाचे वातावरण असा हा दिवस आहे. दशम चंद्र नोकरीबाबतीत काळजी लावेल. जपून असा . अष्टम राहू प्रकृती जपा असे सांगत आहे. दिवस मध्यम.

तुला

अनपेक्षित घडामोडी, मित्र मैत्रिणींची भेट किंवा संपर्क आणि संतती साठी विशेष घटना असा हा दिवस आहे. कामाचा लाभ मिळेल. भाग्य चंद्र आहे. आर्थिक दृष्ट्या चांगला दिवस.

वृश्चिक

आज ऑफिस मध्ये जास्तीची जबाबदारी येईल. वरिष्ठ अवलंबून राहतील.तिथे वेळ गेल्यामुळे घरामध्ये ताण निर्माण होणार नाही याची काळजी घ्या. वैवाहिक जीवनात कलह टाळा. दिवस बरा.

पंचमुखी हनुमानाचं मंदिर तेही पाकिस्तानच्या कराचीत; मूर्तीचं आहे विशेष महत्त्व

धनू

घरामध्ये शुभ घटना, प्रवास, धार्मिक स्थळांना भेट असा हा दिवस आहे. सप्तम चंद्र आर्थिक लाभ तसेच प्रकृती चांगली ठेवेल . जोडीदाराची काळजी घ्या. शुभ दिवस.

मकर

आज सर्व तऱ्हेने आनंदी राहण्याचा दिवस आहे. राशीतील शनी पुढे गेला असून षष्ठ चंद्राचा मानसिक स्थिती वर विपरीत परिणाम होईल. बुध शुक्र व्यवसायात मदत करतील.पण एकूण सावध रहा. चांगला दिवस.

कुंभ

पंचम रवि गोचर अनुसार संततीबाबत काळजीचे वातावरण राहील.वैवाहिक जीवनात कुरबुरी असतील. मात्र फारसे अवघड जाणार नाही. राशीतील शनी आणि गुरू मदत करील. व्यवसाय चांगला राहील. दिवस बरा.

मीन

प्रकृती आणि सामाजिक जीवनात कुरबुरी सुरू असतील तर आज जपून रहा. आर्थिक घडामोडी, निर्णय लांबणीवर टाकण्याचा प्रयत्न करा. भावंडाना त्रास होण्याचा काळ आहे.काळजी घ्या. दिवस बरा.

शुभम भवतू!!