श्रीमंत महिलेने दिला होता लग्नाचा प्रस्ताव, तरीही स्वामी विवेकानंदांनी का दिला नकार !

मुंबई, 12 जानेवारी:  स्वामी विवेकानंद यांचा जन्मदिवस युवा दिन म्हणून साजरा केला जातो. स्वामी विवेकानंद यांचा जन्म 12 जानेवारी 1863 रोजी कोलकाता येथे झाला होता. 4 जुलै 1902 रोजी वयाच्या अवघ्या 39 व्या वर्षी त्यांचे निधन झाले. श्रीरामकृष्ण परमहंस महाराजांच्या शिष्याचे लग्न का झाले नाही ते जाणून घेऊया.

स्वामी विवेकानंद यांचे वडील विश्वनाथ दत्त कलकत्ता उच्च न्यायालयाचे प्रसिद्ध वकील होते. त्यांची आई भुवनेश्वरी देवी गृहिणी आणि शिवभक्त होत्या. 1884 मध्ये वडिलांच्या निधनानंतर घरची आर्थिक परिस्थिती, मालमत्तेचा वाद आणि उपासमार यामुळे विवेकानंद जवळजवळ मोडकळीस आले होते.

कुटुंबाचा सांभाळ करण्याच्या जबाबदारीची चिंता त्यांना सतावत होती. त्यांना लग्नाचे अनेक प्रस्ताव आले पण त्यांनी नकार दिला. एका श्रीमंत महिलेनेही प्रस्ताव मांडला आणि आर्थिक संकट दूर होईल असे सांगितले. पण विवेकानंदांना हुंडा घेतल्यासारखे वाटले. त्यांनी नकार दिला. आईनेही त्यांना साथ दिली. गरिबीमुळे विवेकानंदांनी लग्नास नकार दिला.

स्वामी विवेकानंदाचे हे विचार तुमचं पूर्ण आयुष्यच बदलतील

पुढे त्यांचे मन अध्यात्माकडे वळले आणि ते रामकृष्ण परमहंस यांचे शिष्य झाले. यानंतर त्यांचे संपूर्ण आयुष्यच बदलून गेले. ऐहिक उपभोग आणि चैनीच्या वरती जगण्याची त्यांची जाणीव आकाराला येऊ लागल्याने त्यांनी लग्नाचे अनेक प्रस्ताव नाकारले होते.

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)