अविश्वसनीय घटना घडणारे 5 रहस्यमय मंदिरे

मुंबई , 06 फेब्रुवारी :  भारत एक असा देश आहे ज्याच्या आत अनेक रहस्ये आणि आकर्षणे आहेत. इथल्या मंदिरांबद्दल बोलायचं झालं तर भारतात सुमारे दोन लाख मंदिरं आहेत आणि लाखो देवतांची पूजा केली जाते. तथापि, यातील काही मंदिरे अशी आहेत, जी शास्त्रीय तर्क न लागणाऱ्या अनोख्या घटनांसाठी प्रसिद्ध आहेत. आज आम्ही तुम्हाला भारतातील अशाच पाच रहस्यमयी मंदिरांबद्दल सांगत आहोत.

मेहंदीपूर बालाजी मंदिर

राजस्थानच्या दौसा जिल्ह्यात स्थित मेहंदीपूर बालाजी मंदिर हे भारतातील सर्वात रहस्यमय मंदिरांपैकी एक आहे. हे मंदिर हनुमानाला समर्पित आहे. येथे गेल्यावर तुम्हाला अनेक विचित्र दृश्ये पाहायला मिळतील, जी पहिल्यांदा पाहिल्यावर तुम्हाला भीती वाटू शकते, कारण असे मानले जाते की प्रेतबाधेने त्रासलेले लोक मुक्त होतात, ज्यांच्या कृती नक्कीच तुमचे लक्ष विचलित करू शकतात.

लक्ष्मीप्राप्तीसाठी करा तुळशीच्या पाण्याचा अनोखा उपाय; घराची होते प्रगती

कामाख्या देवी मंदिर

हे मंदिर गुवाहाटीच्या नीलाचल टेकडीवर आहे आणि 51 शक्तिपीठांपैकी एक आहे. या मंदिरात देवीची मूर्ती नाही तर योनी भागाची पूजा केली जाते. देवीला पावसाळ्यात तीन दिवस पाळी येते असे मानले जाते, त्या काळात तिच्याजवळ एक पांढरा कपडा घालून मंदिर बंद केले जाते, त्यानंतर मंदिर उघडल्यावर ते कापड लाल रंगाच्या पाण्याने भिजलेले आढळते.

व्यंकटेश्वर मंदिर

व्यंकटेश्वराचे मंदिर आंध्र प्रदेशमध्ये आहे. मंदिरात बसवण्यात आलेली तिरुपती बालाजीची दिव्य काळी मूर्ती कोणी बनवली नसून ती जमिनीतून प्रकट झाली आहे, असे सांगितले जाते. एवढेच नाही तर मंदिरातील व्यंकटेश्वराच्या मूर्तीवरील केस हे खरे आहेत, जे कधीही गुंतत नाहीत.

स्थानिक लोकांच्या मते, देवतेच्या मूर्तीवर कान ठेवून ऐकल्यावर समुद्राच्या लाटांचा आवाज ऐकू येतो. कदाचित याच कारणामुळे मंदिरात बसवलेली मूर्ती नेहमी आर्द्र राहते.

शिवलिंगावर अर्पण कराव्यात या 5 गोष्टी, तुमच्या अनंत अडचणी होतील दूर

वीरभद्र मंदिर

आंध्र प्रदेशातील लेपाक्षी जिल्ह्यात असलेल्या वीरभद्र मंदिराचे सर्वात मोठे रहस्य म्हणजे या मंदिरात एकूण 70 खांब आहेत, त्यापैकी एक खांब हवेत आहे आणि त्याचे रहस्य आजपर्यंत कोणालाही कळू शकलेले नाही. असे मानले जाते की, या खांबाखालून तुमचे कोणतेही कपडे काढल्याने घरात सुख-समृद्धी येते. त्याच वेळी, या मंदिरात एक मोठी पायाची खूण देखील आहे, ज्याला अनेक लोक रामाच्या पाऊलखुणा मानतात.

श्रीस्तंभेश्वर महादेव मंदिर

गुजरातमधील श्री स्तंभेश्वर महादेव मंदिर हे भगवान शिवाला समर्पित आहे. या मंदिराची रहस्यमय गोष्ट अशी आहे की ते दिवसातून दोनदा अदृश्य होते आणि दिसते. वास्तविक, हे मंदिर समुद्रावर वसलेले असून पाण्याची पातळी जसजशी वाढत जाते तसतसे हे मंदिर डोळ्यांसमोरून दिसेनासे होते आणि समुद्राची पातळी कमी झाल्यावर मंदिर पुन्हा दिसू लागते. ही घटना दररोज सकाळी आणि संध्याकाळी घडते

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)