सर्व शुभ कामांसाठी खास आहे नवरात्री, तरीही या 9 दिवसांत का होत नाही लग्न?

मुंबई, 26 मार्च:  चैत्र नवरात्री, देवीचा महाउत्सव 22 मार्च ते 30 मार्च 2023 पर्यंत आहे. नवरात्रीमध्ये अनेक शुभ कार्ये केली जातात परंतु या काळात विवाह होत नाहीत. यामागचे कारण काय आहे ते जाणून घेऊया

नवरात्रीचे 9 दिवस शुभ कार्यासाठी अत्यंत शुभ मानले जातात. यादरम्यान लोक गृह प्रवेश, भूमिपूजन, मुंडन इत्यादी शुभ कार्ये करतात. देवीच्या आशीर्वादाने या कामांमध्ये यश मिळते असे म्हणतात.

नवरात्रीच्या नऊ दिवसांमध्ये देवीचा प्रभाव अधिक असतो असे म्हणतात. असे मानले जाते की या दिवसात शक्ती साधना केल्याने देवी दुर्गा भक्तांचे सर्व दुःख दूर करते.

देवी दुर्गा पूजेचे कठोर नियम धार्मिक ग्रंथात दिलेले आहेत. यावेळी पूजेचे फळ तेव्हाच मिळते जेव्हा शरीर आणि मन दोन्हींची शुद्धता राखली जाते.

धार्मिक मान्यतेनुसार देवी दुर्गा नवरात्रीच्या काळात पृथ्वीवर येते आणि प्रत्येक घरात वास करते, अशा परिस्थितीत स्त्रीचा सहवास योग्य नाही आणि विवाहाचा मुख्य उद्देश संततिप्राप्ती आहे. यामुळेच नवरात्रीमध्ये विवाह होत नाहीत.

नवरात्रीचे दिवस वाहन खरेदी, नवीन व्यवसाय सुरू करण्यासाठी किंवा नोकरी बदलण्यासाठी अतिशय शुभ मानले जातात. या कामांची वाढ होते आणि जीवनात आनंद येतो असे म्हणतात.

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)