सुरू आहे अशुभ षडाष्टक योग! या राशींना मालमत्तेचे नुकसान, अपघाताचा धोका संभवतो

मुंबई, 25 मे : शनी आणि मंगळामुळे सध्या अशुभ षडाष्टक योग सुरू आहे, तो 30 जूनपर्यंत राहील. 10 मे रोजी दुपारी 02.13 वाजता मंगळाने कर्क राशीत प्रवेश केला असून शनिदेव कुंभ राशीत विराजमान आहेत. कर्क राशीत मंगळ आणि कुंभ राशीत शनि असल्यामुळे अशुभ षडाष्टक योग तयार झाला आहे, जो 4 राशीच्या लोकांसाठी त्रासदायक ठरू शकतो. या लोकांच्या आयुष्यात अनेक प्रकारच्या समस्यांना सामोरे जावे लागू शकते. शनि आणि मंगळ यांच्यात शत्रुत्वाची भावना आहे. श्री कल्लाजी वैदिक विद्यापीठाच्या ज्योतिष विभागाचे प्रमुख डॉ. मृत्युंजय तिवारी यांच्याकडून जाणून घेऊया, अशुभ षडाष्टक योगाचा राशींवर काय अशुभ प्रभाव पडेल?

षडाष्टक योग किती काळ -

30 जूनपर्यंत शनि कुंभ राशीत असेल आणि मंगळ कर्क राशीत राहील. तो 1 जुलै रोजी पहाटे 02:37 वाजता सिंह राशीत प्रवेश करेल. अशा स्थितीत षडाष्टक योग 10 मे ते 30 जूनपर्यंत राहील. षडाष्टक योग 1 जुलैपासून समाप्त होईल.

षडाष्टक योग 2023 चा राशींवर अशुभ प्रभाव

शनि आणि मंगळाच्या षडाष्टक योगामुळे कर्क, सिंह, कुंभ आणि धनु राशीच्या चार राशीच्या लोकांवर नकारात्मक प्रभाव पडू शकतो. त्यांच्यावरील अशुभ परिणामांबद्दल जाणून घेऊया.

कर्क : षडाष्टक योगामुळे तुमच्या राशीच्या लोकांसाठी धनहानी होण्याची शक्यता आहे. 10 मे ते 30 जून दरम्यान कोणतीही मोठी गुंतवणूक करू नका. तोट्यात सौदा होऊ शकतो. यासोबतच मालमत्तेशी संबंधित काही वाद होऊ शकतात. वैवाहिक जीवनातील तणावाचा आरोग्यावर वाईट परिणाम होतो. अशा परिस्थितीत तुम्ही शांततेने आणि संयमाने समस्यांना सामोरे जावे.

Numerology: विश्वास पात्र असतात अशा व्यक्ती; निष्ठावान जोडीदारही बनू शकतात

सिंह: षडाष्टक योगामुळे सिंह राशीच्या लोकांना करिअरमध्ये अनेक आव्हानांना सामोरे जावे लागू शकते, त्यामुळे कामात अडथळे येतील. मन उदास राहील. या काळात तुमची आर्थिक स्थितीही कमकुवत होऊ शकते, याचे कारण उधळपट्टी असू शकते. यावर नियंत्रण ठेवावे लागेल. कौटुंबिक सदस्यांसोबतचे संबंध खराब होऊ शकतात, ज्यामुळे तणाव निर्माण होऊ शकतो. काळजी घ्यावी लागेल.

धनु: तुमच्या राशीच्या लोकांना षडाष्टक योगामुळे पैशाच्या कमतरतेचा सामना करावा लागू शकतो. तुमचे खर्च वाढतील, ज्यामुळे कर्ज घेण्याची परिस्थिती निर्माण होऊ शकते. कामाच्या ठिकाणी सहकाऱ्यांच्या असहकार्यामुळे त्रास होईल. तुमचे काम शांत चित्ताने करा, सर्व काही सोपे होईल. तुम्ही ३० जूनपर्यंत गुंतवणूक करणेही टाळावे.

शुक्र-मंगळ एकत्र येत असल्यानं दुहेरी लाभ; या 4 राशीच्या लोकांसाठी हा सुखाचा काळ

कुंभ : शनि आणि मंगळाचा षडाष्टक योग तुमच्या राशीच्या राशीच्या लोकांना सावध करणार आहे कारण अपघाताची शक्यता आहे. वाहन जपून चालवा. जोडीदारासोबतचे संबंध 30 जूनपर्यंत खराब राहू शकतात, त्यामुळे वैवाहिक जीवन तणावपूर्ण होऊ शकते. कामाच्या ठिकाणी तुमच्या रागावर आणि वागण्यावर नियंत्रण ठेवा, नाहीतर काम बिघडेल.