लग्नाला विलंब होत असेल तर विवाहेच्छुक मुला-मुलींनी करावेत हे उपाय

मुंबई, 27 मे: असे अनेक लोक आहेत ज्यांचे लग्नाचे वय होऊनही त्यांना योग्य वधू किंवा वर मिळत नाही. लाख प्रयत्नांनंतरही लग्नात काही ना काही अडथळे येत आहेत. किंवा विवाह दोषामुळे विवाह मोडत आहे. अशा परिस्थितीत आपण काही ज्योतिषीय उपायांचा अवलंब करू शकता. असे मानले जाते की, ज्योतिषीय उपायांनी वैवाहिक जीवनातील अडथळे दूर होतात. यासोबतच हे उपाय केल्याने तुम्हाला इच्छित जीवनसाथीही मिळतो. जाणून घेऊया या उपायांबद्दल...

लवकर विवाहासाठी ज्योतिषीय उपाय

ज्या मुलाच्या किंवा मुलीच्या लग्नाला उशीर होत आहे, त्यांनी लवकर लग्नासाठी महादेवाच्या मंदिरात जाऊन माता पार्वतींसह भगवान शिवाची पूजा करावी. याचा फायदा तुम्हाला मिळेल.

घरात कुणाचे लग्न असेल तर वराचे बाशिंग घेऊन अविवाहित मुलाच्या डोक्यावर ठेवल्याने त्याचेही लग्न लवकर होते. याशिवाय मुलीने वधूच्या डोक्याला डोक्याने स्पर्श करावा, असे केल्याने लवकरच लग्नाचे संबंध येऊ लागतात, अशीही पूर्वापार मान्यता आहे.

या वृक्षांची मुळे ठरतील भाग्यशाली, धारण करणाऱ्यांचे बदलते नशीब

याशिवाय विवाहाशी संबंधित समस्यांपासून मुक्ती मिळवण्यासाठी सहा मुखी रुद्राक्ष धारण करू शकता. असे मानले जाते की ते त्वरित फायदे देखील देते.

मुलीच्या लग्नात अडथळे येत असतील तर तिने तांब्याच्या भांड्यात पाणी भरून रात्री भगवान विष्णूच्या चित्रासमोर ठेवावे. सकाळी ब्राह्ममुहूर्तावर ते पात्र घेऊन मोकळ्या जागी जावे. या भांड्यात ठेवलेले पाणी भांगेत भरून ते भांडे परत देवासमोर ठेवावे. असे मानले जाते की महिनाभर असे केल्याने विवाहाची शक्यता बळकट होते.

विवाहयोग्य मुलींनी शक्य तितके पिवळे कपडे घालावेत, असे म्हणतात. याशिवाय काळे आणि गडद निळे कपडे घालणे टाळावे.

नशीब उजळण्यासाठी या उपायांचा करा अवलंब

विवाहित मुलांनी दर मंगळवारी हनुमानाच्या मंदिरात जाऊन त्याची पूजा करावी आणि नंतर कपाळावरचे सिंदूर घेऊन राम-सीतेच्या चरणी अर्पण करावे. असे मानले जाते की 21 मंगळवारपर्यंत असे केल्याने विवाहाच्या मार्गात येणाऱ्या अडचणी दूर होतील.

विवाहित मुला-मुलींनी आपली खोली घराच्या नैऋत्य दिशेला नसावी याची काळजी घ्यावी. असे केल्याने त्यांच्या वैवाहिक जीवनात सर्वात मोठा अडथळा येतो. याशिवाय दक्षिण दिशेला पाय ठेवून झोपल्याने लग्नाला उशीर होतो. म्हणूनच झोपताना दिशेची विशेष काळजी घ्यावी.

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)