आज गुरुपुष्यामृत योग! कोणतंही शुभ कार्य, खरेदी कराल त्यात होईल अनेक पटींनी वाढ

मुंबई, 25 मे : आज 25 मे रोजी गुरुपुष्यामृत योग तयार झाला आहे. हा दुर्मिळ योग मे महिन्यानंतर पुन्हा डिसेंबरमध्ये येईल. 25 मे रोजी गुरुपुष्यामृत योगासह 5 शुभ योग तयार होत आहेत. वृद्धी योग, सर्वार्थ सिद्धी योग, अमृत सिद्धी योग आणि रवियोग देखील त्या दिवशी तयार होत आहेत. 25 मे रोजी कोणतेही शुभ कार्य, खरेदी कराल तर त्यात अनेक पटींनी वाढ होईल. या दिवशी लग्न वगळता इतर सर्व शुभ कार्ये करू शकता. काशीचे ज्योतिषी चक्रपाणी भट्ट यांनी गुरुपुष्यामृत योगाच्या शुभ मुहूर्ताबद्दल माहिती दिली आहे. या मुहूर्तावर कोणत्या वस्तूंची खरेदी केल्यानं भाग्य आणि संपत्ती वाढते, याविषयी जाणून घेऊ.

गुरुपुष्यामृत योग -

ज्योतिषशास्त्रानुसार जेव्हा गुरुवारी पुष्य नक्षत्र येते तेव्हा हा दुर्लभ गुरुपुष्यामृत योग तयार होतो. गुरुपुष्यामृत योगाला गुरु पुष्य नक्षत्र योग असेही म्हणतात. हा नक्षत्र योग अत्यंत शुभ आणि फलदायी मानला जातो. जर तुम्हाला वर्षभर शुभ कार्यासाठी कोणताही दिवस मिळत नसेल तर तुम्ही ते काम गुरुपुष्यामृत योगाच्या दिवशी करू शकता.

गुरुपुष्यामृत योग 2023 किती काळ -

25 मे रोजी सूर्योदयापासून सायंकाळी 05:54 पर्यंत गुरुपुष्यामृत योग आहे. या दिवशी संध्याकाळी 05:54 पासून आश्लेषा नक्षत्र सुरू होते. अशा स्थितीत 25 मे रोजी सकाळपासून 05:54 वाजेपर्यंत तुम्ही शुभ वस्तूंची खरेदी करू शकता. कोणतेही शुभ कार्य करू शकता.

गुरु पुष्यासह 5 शुभ योग -

25 मे रोजी गुरु पुष्य योगासह 5 शुभ योग तयार होत आहेत. यामुळे हा दिवस अधिकच शुभ आणि शुभ ठरतो. या दिवशी वृद्धी योग संध्याकाळी 06:00 ते 08:00 पर्यंत आहे. गुरु पुष्य योग सकाळी 05:26 ते संध्याकाळी 05:54 पर्यंत आहे.

या दिवशी अमृत सिद्धी योग आणि सर्वार्थ सिद्धी योग देखील सकाळी 05.26 ते संध्याकाळी 05.54 पर्यंत आहे. रवियोग सकाळी 05:26 ते सायंकाळी 05:54 पर्यंत आहे, त्यानंतर रात्री 09.12 ते दुसऱ्या दिवशी 26 मे रोजी सकाळी 05.25 पर्यंत आहे.

दान करण्याची इच्छा असल्यास शनिवारी 'या' गोष्टींचे करा दान, शनिदेव होतील प्रसन्न

गुरु पुष्य योगात खरेदी करावयाच्या 5 शुभ गोष्टी

1. सोने: सोने हे सुख आणि समृद्धीचे प्रतीक मानले जाते. गुरुपुष्यामृत योगात सोने खरेदी केल्याने तुमचे धन आणि संपत्ती वाढते.

2. हळद: गुरु पुष्य योगात हळद खरेदी करणेदेखील शुभ आहे. देव गुरु बृहस्पती यांचा शुभ रंग पिवळा असून हळद शुभाचे प्रतीक आहे. जर तुम्हाला सोने खरेदी करता येत नसेल तर तुम्ही हळद खरेदी करून तुमचे नशीब चमकवू शकता.

शुक्र-मंगळ एकत्र येत असल्यानं दुहेरी लाभ; या 4 राशीच्या लोकांसाठी हा सुखाचा काळ

3. हरभरा डाळ: गुरुपुष्यामृत योगात तुम्ही हरभरा डाळ खरेदी करूनही तुमचा आनंद आणि समृद्धी वाढवू शकता. हरभरा डाळ गुरुग्रहाच्या पूजेत वापरली जाते आणि ती भगवान विष्णूलाही अर्पण केली जाते. हळद आणि हरभरा डाळ याशिवाय पिवळ्या रंगाचे कपडे, पितळ, तूप इत्यादी देखील खरेदी करू शकता.

4. नाणे: गुरु पुष्य योगाच्या दिवशी व्यक्तीने सोन्याचे नाणे किंवा चांदीचे नाणे खरेदी करावे. हे तुमच्या प्रगतीसाठी देखील उपयुक्त ठरेल.

5. धार्मिक पुस्तके : गुरुपुष्यामृत योगामध्ये देव गुरु बृहस्पतीचा प्रभाव अधिक असतो. अशा परिस्थितीत तुम्ही गुरु पुष्य योगामध्ये धार्मिक पुस्तके खरेदी करू शकता. तुम्हालाही याचा फायदा होईल.

Numerology: विश्वास पात्र असतात अशा व्यक्ती; निष्ठावान जोडीदारही बनू शकतात

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)