गुढीपाडव्याला जुळलेल्या 4 योगांमुळे या राशींना संपूर्ण वर्षभर मिळणार शुभ परिणाम

मुंबई, 23 मार्च : 22 मार्च 2023 पासून विक्रम संवत 2080 सुरू झाला आहे. हिंदू नववर्षाची सुरुवात चैत्र महिन्याच्या शुक्ल पक्षाच्या प्रतिपदेला होते, याला गुढीपाडवा असेही म्हणतात. हे विक्रम संवत पिंगल म्हणून ओळखले जाईल. ज्योतिषीय गणनेनुसार या वर्षाचा राजा बुध आणि मंत्री शुक्र मानला जातो. हे दोन ग्रह मिळून हे विक्रम संवत सुखी आणि शुभ फळदायी करणार आहेत. दिल्लीचे ज्योतिषी पंडित आलोक पंड्या गुडीपाडव्यानंतर यावर्षी कोणत्या राशींना शुभफळ मिळतील याबद्दल अधिक माहिती देत आहेत.

या संवताचा राजा बुध असेल -

ज्योतिषशास्त्रानुसार, बुध ग्रहाला व्यापार आणि बुद्धिमत्ता प्रदान करणारा ग्रह मानला जातो. व्यावसायिकांना या वर्षी प्रचंड नफा मिळू शकतो. व्यवसायात मोठा फायदा होईल. कला, गणित, कारागीर, बँकिंग, लेखक आणि वैद्यक क्षेत्रात लाभ होईल. यावर्षी चक्रीवादळ आणि अतिवृष्टीची शक्यता आहे. प्राण्यांना इजा होऊ शकते.

शुक्र संवतचा मंत्री -

ज्योतिषशास्त्रानुसार शुक्र हा ग्रह विलास, शाही जीवनशैली, वैभव, संपत्ती, ऐश्वर्य यांचा कारक ग्रह मानला जातो. माध्यम, चित्रपट जगत, फॅशन, चैनीच्या वस्तू, मनोरंजन विश्वाशी संबंधित लोकांना या संवतात अधिक लाभ मिळण्याची शक्यता आहे. यंदा महिलांचा झेंडा फडकणार आहे. महिलांना चांगली कामगिरी करता येईल. यासोबतच आजारांबाबत लोकांमध्ये भीतीचे वातावरण निर्माण होणार आहे.

हे 4 राजयोग गुढीपाडव्यापासून आहेत -

हिंदू नववर्षाची सुरुवात अत्यंत शुभ होत आहे. या दिवशी 4 राजयोग तयार होत आहेत. पहिला गजकेसरी, दुसरा बुधादित्य योग, तिसरा नीचभंग आणि चौथा हंसराज योग. 22 मार्च रोजी शुक्ल आणि ब्रह्म योगही तयार झाले होते.

या राशींवर परिणाम होईल -

ज्योतिष शास्त्रानुसार गजकेसरी, बुधादित्य योग, नीचभंग आणि हंसराज योग तयार झाल्यामुळे मेष, तूळ, वृषभ, धनु, मकर आणि कुंभ राशीच्या लोकांसाठी हे वर्ष खूप शुभ असणार आहे. या राशीच्या लोकांच्या कार्यक्षेत्रात प्रगती, आर्थिक ताकद आणि वाढ होण्याची शक्यता आहे. बेरोजगारांना नोकरी मिळू शकते. हे वर्ष व्यावसायिकांसाठी खूप फायदेशीर आहे. दुसरीकडे मिथुन, कन्या, वृश्चिक, सिंह, मकर आणि मीन राशीच्या लोकांसाठी हे वर्ष संमिश्र परिणाम देणारे आहे.

हे वाचा - मिठाचे हे उपाय नकारात्मकतेला काढतात उंबरठ्याबाहेर; घर राहतं हसतं-खेळतं

(सूचना : येथे दिलेली माहिती ज्योतिषशास्त्राच्या माहितीवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)