Garud Puran: आत्महत्या करणं म्हणजे महापाप असतं? अशा यातना भोगतात, मिळत नाही मोक्ष

मुंबई, 08 फेब्रुवारी : गरुड पुराणात व्यक्तीच्या जीवनाशी संबंधित अनेक महत्त्वाच्या गोष्टी सांगितल्या आहेत. गरुड पुराणात माणसाला त्याच्या चांगल्या-वाईट कर्मांच्या आधारे कोणते फळ मिळते याबद्दल सांगितले आहे. मनुष्याच्या मृत्यूनंतर आत्म्याला यमलोकात जावे लागते. चांगल्या कर्मांनी जीवांचा प्रवास सुरळीत राहतो, तर वाईट कर्म केलेल्या आत्म्यांना अनेक यातना सहन कराव्या लागतात. मृत्यू अनेक प्रकारे होतो. काही जण जन्मचक्र पूर्ण करून मृत्यू पावतात, तर काही अकाली मृत्यूने जातात. काही लोक दुःखी होऊन स्वतःच्याच जीवाचे शत्रू बनतात आणि आत्महत्या करून जीवन संपवतात.

आत्महत्या पाप -

पंडित इंद्रमणी घनश्याल यांनी सांगितले की, शास्त्रात आत्महत्येला महापाप म्हटले आहे. आत्महत्या करणे हे देवाचा अपमान करण्यासारखे आहे आणि असे केल्याने मोक्ष मिळत नाही. आत्महत्या करणाऱ्या व्यक्तीला नरकयातना भोगाव्या लागतात. दु:खी होऊन मरण पावलेल्यांचा यमलोकापर्यंतचा प्रवास अत्यंत क्लेशदायक असतो. आत्महत्येनंतर एखाद्या व्यक्तीचा यमलोकापर्यंतचा प्रवास कसा असतो ते जाणून घेऊया.

जे दुःखाने मरतात त्यांना शिक्षा -

गरुड पुराणानुसार, मनुष्याच्या मृत्यूनंतर आत्म्याचा एक नवीन प्रवास सुरू होतो, ज्यामध्ये आर्ची मार्ग, धूम मार्ग आणि उत्पत्ति विनाश मार्ग असे तीन मार्ग आहेत. देवलोक आणि ब्रह्मलोक यात्रेसाठी अर्ची मार्ग, पितृलोकासाठी धूम मार्ग आणि नरक लोकांसाठी उत्पत्ती विनाश मार्ग आहे.

जे आत्महत्या करतात ते उत्पत्ति विनाश मार्गाने जातात -

धर्मग्रंथानुसार अनेक जन्मानंतर मनुष्य जन्म मिळतो आणि त्याचे जीवनचक्र ठरते. जी व्यक्ती आपल्या जीवनचक्राच्या आधी दुःखाने मरते त्याला उत्पत्ती आणि विनाशाच्या मार्गाने जावे लागते. त्याला नरकात अनेक यातना भोगाव्या लागतात. अशा व्यक्तीला मोक्ष मिळत नाही आणि आत्मा भटकत राहतो, म्हणून आत्महत्येसारखे पाऊल उचलू नये, असे सांगितले जाते.

हे वाचा - या 2 दिवशी घरात अगरबत्ती न लावलेलीच बरी! भोगावे लागतील हे अशुभ परिणाम