सकाळी उठल्यावर देवाचे नामस्मरण करण्यासोबच या गोष्टी पण करा; शुभ परिणाम दिसू लागतील

सकाळी उठल्यावर देवाचे नामस्मरण करण्यासोबच या गोष्टी पण करा; शुभ परिणाम दिसू लागतील

सकाळी उठून अशा गोष्टी कराव्यात ज्यामुळे आपला संपूर्ण दिवस शुभ राहील आणि कामे यशस्वी होतील. सकाळची सुरुवात कशी होते, त्यावरून संपूर्ण दिवसही कसा जाणार ते ठरते. त्याविषयी जाणून घेऊया.

  • Share this:

मुंबई, 06 ऑगस्ट : दिवसाची सुरुवात सूर्याच्या किरणांनी होते. आपला दिवस सूर्यप्रकाशाइतका उजळ असावा, असे सूर्य किरणाचे महत्व आहे. तरीही आपला दिवस कसा जाईल? हे पूर्णपणे आपल्या सवयींवर अवलंबून असते, त्यामुळे सकाळी उठून अशा गोष्टी कराव्यात ज्यामुळे आपला संपूर्ण दिवस शुभ राहील आणि यशस्वी होईल. सकाळची सुरुवात कशी होते, त्यावरून संपूर्ण दिवसही असाच जातो, म्हणून सकाळी उठून आंघोळ केली की देवाची आराधना केली जाते, असे आपण आपल्या वडीलधाऱ्यांकडून अनेकदा ऐकले आहे. दिल्लीचे आचार्य गुरमीत सिंहजी यांच्याकडून जाणून घेऊया, सकाळी उठल्यानंतर एखाद्या व्यक्तीने कोणती कामे केली पाहिजेत, जेणेकरून दिवस चांगला आणि आनंदी जाईल.

आपले तळवे पहा

सकाळी उठल्यावर सर्वप्रथम आपण आपल्या हाताचे दोन्ही तळवे बघावेत. तळहात पाहून 'कराग्रे वसते लक्ष्मी कर्मध्ये सरस्वती । 'करमुले तू गोविंदः प्रभाते कर्दर्शनम्' या मंत्राचा जप करा. मानवाच्या हाताच्या पुढच्या भागात लक्ष्मी, मध्यभागी देवी सरस्वती आणि श्री हरी विष्णू वास करतात, असे मानले जाते. म्हणूनच असे म्हणतात की, डोळे उघडताच तळहाताकडे पहा म्हणजे देवाचे दर्शन होईल.

गायत्री मंत्राचा जप -

सकाळी सर्वप्रथम गायत्री मंत्राचा जप करावा. सकाळी उठल्यावर “ओम भुरभुव: स्वाह तत् सवितुर्वरेण्यम् भर्गो देवस्य धीमहि धियो यो न प्रचोदयात” या मंत्राचा जप करावा. यामुळे आपण करत असलेल्या कामात एकाग्रता येते. गायत्री मंत्राचा जप केल्याने दिवस शुभ होतो.

पूजा करणे -

उपासना रोज करावी. सकाळी आंघोळ करून घरातील मंदिरात धूप-दीप लावूनच काही कामासाठी बाहेर पडावे. असे केल्याने तुमचा दिवस शुभ राहतो आणि आपण कोणतेही काम कराल, त्यावर तुम्हाला भगवंताचा आशीर्वाद मिळतो आणि तुम्हाला त्यात यश मिळते.

हे वाचा - डायबिटीजची लागण झाल्याचे कळल्याबरोबर आहारात करा असा बदल; वाढणार नाही शुगर

खोलीत असे चित्र ठेवा -

जेव्हा तुम्ही सकाळी उठता तेव्हा सर्वप्रथम तुम्हाला खोली दिसते, त्यामुळे खोलीत असे कोणतेही चित्र ठेवू नका, ज्यामुळे तुमचा दिवस खराब होईल. खोलीत हिंसक चित्रे, रडणाऱ्या मुलाची चित्रे अजिबात लावू नका. खोलीत सकारात्मक ऊर्जेसाठी भिंतींवर देवाचा किंवा महापुरुषाचा फोटो लावा. आपण खोलीच्या भिंतींवर सुंदर, प्रेरणा देणारी चित्रे देखील लावू शकता.

हे वाचा - ताण-तणाव, चिंता कमी करण्यासाठी फायदेशीर आहेत ही 5 ड्रिंक्स; ट्राय करून बघा

(सूचना : येथे दिलेली माहिती धार्मिक श्रद्धेवर आधारित आहे, याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)

Published by: News18 Desk
First published: August 6, 2022, 6:00 AM IST

ताज्या बातम्या