घरात दिसणाऱ्या मुंग्याही देतात शुभ-अशुभ संकेत; या दिशेनं आल्या तर चमकतं नशीब

मुंबई, 06 डिसेंबर : प्रत्येक जीवाला हिंदू धर्मात विशेष महत्त्व आहे. त्यांच्याशी संबंधित शुभ आणि अशुभ संकेत ज्योतिषशास्त्रात तपशीलवार सांगितले आहेत, ज्याचा मानवी जीवनावर अनेक प्रकारे प्रभाव पडतो. भोपाळचे ज्योतिषी आणि वास्तु सल्लागार पंडित हितेंद्र कुमार शर्मा यांनी घरात अचानक काळ्या आणि लाल मुंग्या येण्याच्या शुभ आणि अशुभ परिणामांबद्दल दिलेली माहिती जाणून घेऊ. घरामध्ये अशा मुंग्या अचानक दिसणे कधी संपत्ती आणि ऐश्वर्याचे संकेत दर्शवतात तर कधी नुकसान संभवते.

मुंगीशी संबंधित काही संकेत आणि अशुभ चिन्हे -

ज्योतिषशास्त्रानुसार लाल मुंग्यांची रांग तोंडात अंडी घेऊन बाहेर पडणे शुभ मानले जाते. यामुळे संपूर्ण दिवस शुभ आणि आनंददायी होतो. मुंगीला पीठ दान करणारी व्यक्ती स्वर्गात जाते. कर्जामुळे त्रासलेले लोक मुंग्याला साखर आणि पीठ घालतात, असे केल्याने कर्ज लवकर संपते, असे मानले जाते.

नुकसान होण्याचा धोका?

ज्या घरात काळ्या मुंग्या समूहाने फिरतात, तिथे सुख-समृद्धी वाढते, तर लाल मुंग्या घरात असणं शुभ मानले जात नाही. त्यामुळे मोठे नुकसान होण्याची शक्यता असते. त्यामुळे घरात शक्यतो लाल मुंग्या नसाव्यात.

संपत्ती वाढण्याचे योग

शकुन शास्त्रानुसार भात-तांदूळ भरलेल्या कोठारातून मुंग्या बाहेर आल्यास ते तुमच्यासाठी शुभ मानले जाते. काही दिवसांनी धनवृद्धीचे योग सुरू होणार असल्याचा तो संकेत मानला जातो. या स्थितीत व्यक्तीची आर्थिक स्थिती चांगली राहते, असे मानले जाते.

शारीरिक सुखात वाढ -

घरामध्ये सोन्याच्या वस्तू ठेवलेल्या ठिकाणाहून जर काळ्या मुंग्या निघाल्या तर ते खूप शुभ मानले जाते. याचा अर्थ सोने आणि इतर संपत्तीत वाढ होणार आहे. जर मुंग्या छतावरून बाहेर पडल्या तर याचा अर्थ पैसा, मालमत्ता आणि भौतिक गोष्टी लवकरच वाढणार आहेत.

हे वाचा - संपला या 5 राशींचा वाईट काळ, शुक्राचे संक्रमण या लोकांना करेल मालामाल!

..तर वाद होऊ शकतो -

घरात लाल मुंग्या येणे शुभ मानले जात नाही. श्रद्धेनुसार, हे भविष्यातील कोणत्याही गोंधळ, वादविवाद किंवा पैशाचा अपव्यय यांचे लक्षण आहे. पिठात साखर टाकून तुम्ही त्यांना घराबाहेर काढू शकता, पण जर लाल मुंग्या तोंडात अंडी घेऊन घराबाहेर पडल्या तर ते शुभ असते.

हे फायदेशीर ठरते -

घरात कमी संख्येने काळ्या मुंग्या असणे हे सुख, शांती, समृद्धीचे सकारात्मक लक्षण आहे, परंतु जर जास्त संख्या असेल तर त्यांना घराबाहेर काढावे. त्यावर शनि स्तोत्राचे पठण आणि लक्ष्मीची पूजा करणे लाभदायक आहे.

हे वाचा - ॐ च्या शक्तीचे रहस्य अगाद! फक्त नामस्मरण करण्याचा असा होतो फायदा

या दिशेने मुंग्या बाहेर येणं -

उत्तर दिशेकडून मुंग्या निघाल्या तर घरात आनंदाचे वातावरण असते. दक्षिण दिशेतून निघाल्यास फायदा होतो. जर पूर्वेकडून मुंग्या निघाल्या तर काही नकारात्मक वार्ता घरी येऊ शकते. जर मुंग्या पश्चिमेकडून बाहेर आल्या तर तुम्हाला कुठेतरी बाहेर प्रवासाचे योग घडू शकतात.