मराठी बातम्या /बातम्या /religion /

angaraki sankashti chaturthi 2022: आज अंगारक संकष्टी; चंद्रोदय, पूजेच्या शुभ वेळा जाणून घ्या

angaraki sankashti chaturthi 2022: आज अंगारक संकष्टी; चंद्रोदय, पूजेच्या शुभ वेळा जाणून घ्या

आज व्रत व उपासनेचा संकल्प करून सकाळी 09:11 ते दुपारी 01:50 या वेळेत कधीही गणेशाची पूजा करावी. सर्वार्थ सिद्धी आणि अमृत सिद्धी योग सकाळपासून सुरू होत आहे, त्यामुळे तुम्ही सकाळी देखील पूजा करू शकता.

आज व्रत व उपासनेचा संकल्प करून सकाळी 09:11 ते दुपारी 01:50 या वेळेत कधीही गणेशाची पूजा करावी. सर्वार्थ सिद्धी आणि अमृत सिद्धी योग सकाळपासून सुरू होत आहे, त्यामुळे तुम्ही सकाळी देखील पूजा करू शकता.

आज व्रत व उपासनेचा संकल्प करून सकाळी 09:11 ते दुपारी 01:50 या वेळेत कधीही गणेशाची पूजा करावी. सर्वार्थ सिद्धी आणि अमृत सिद्धी योग सकाळपासून सुरू होत आहे, त्यामुळे तुम्ही सकाळी देखील पूजा करू शकता.

  • News18 Lokmat
  • Last Updated :
  • Lanja, India
  • Published by:  News18 Desk

मुंबई, 13 सप्टेंबर : आज भाद्रपद महिन्यातील अंगारक संकष्टी चतुर्थी आहे, काही ठिकाणी या तिथीला विघ्नराजा संकष्टी चतुर्थी असेही म्हणतात. या दिवशी उपवास करून विघ्नहर्ता श्री गणपतीची विधिवत पूजा केली जाते. रात्रीच्या वेळी चंद्राला जल अर्पण करून पूजा केली तरच आजची पूजा आणि व्रत पूर्ण होते. या व्रतामध्ये चंद्राची पूजा करणे बंधनकारक आहे, तर विनायक चतुर्थीच्या वेळी दर्शनास मनाई आहे. काशीच्या ज्योतिष चक्रपाणी भट्ट यांनी आजच्या पूजेचे शुभ मुहूर्त आज चंद्रोदय कधी होईल, याविषयी माहिती दिली आहे.

अंगारक संकष्ट चतुर्थी 2022 मुहूर्त

चतुर्थी तिथीचा प्रारंभ : आज सकाळी 10.37 वा

चतुर्थी तिथीची समाप्ती: उद्या, बुधवार, सकाळी 10.23 वा

वृद्धी योग : आज सकाळी 7.37 मिनिटे, नंतर ध्रुव योग

सर्वार्थ सिद्धी योग: आज सकाळी 06:36 ते उद्या सकाळी 06:05 पर्यंत

अमृत सिद्धी योग: आज सकाळी 06:36 ते उद्या सकाळी 06:05 पर्यंत

आजची चंद्रोदयाची वेळ -

आज अंगारक संकष्टी चतुर्थीच्या दिवशीचा चंद्रोदय रात्री 08:52 वाजता होईल. ठिकाणांनुसार वेळेतही काही फरक असू शकतो.

अंगारक संकष्टी चतुर्थी व्रत आणि उपासना पद्धत -

आज व्रत व उपासनेचा संकल्प करून सकाळी 09:11 ते दुपारी 01:50 या वेळेत कधीही गणेशाची पूजा करावी. सर्वार्थ सिद्धी आणि अमृत सिद्धी योग सकाळपासून सुरू होत आहे, त्यामुळे तुम्ही सकाळी देखील पूजा करू शकता.

शुभ मुहूर्तावर गणेशाची मूर्ती चौरंगावर किंवा पूजेच्या ठिकाणी बसवा आणि पाण्याने अभिषेक करा. यानंतर वस्त्र, चंदन, कुंकू, अक्षता, फुले, सुपारी, हळद, धूप, दिवा, गंध, दुर्वा इत्यादी अर्पण करून गणेशाची पूजा करावी. या दरम्यान गणेशाच्या ओम गण गणपतये नमः या मंत्राचा जप करत राहा.

गणेशजींना मोदक अर्पण करा किंवा तुम्ही त्यांना बुंदीचे लाडू देखील नैवेद्यात ठेवू शकता. यानंतर गणेश चालिसा व अंगारक संकष्टी चतुर्थी व्रत कथेचे पठण करावे. त्यानंतर तुपाचा दिवा लावून गणेशाची आरती करावी.

हे वाचा -  कोणतंही रत्न धारण करण्यापूर्वी जाणून घ्या या गोष्टी, फायद्याऐवजी नुकसान होऊ शकतं

दिवसभर फळांच्या आहारावर राहा आणि रात्री चंद्राची पूजा करा. चंद्र देवाचे दर्शन झाल्यावर पाणी दूध, अक्षत, चंदन, फुले आणि साखर अर्पण करा. त्यानंतर ब्राह्मणाला दक्षिणा द्या. अशा पद्धतीनुसार व्रत पूर्ण करा. गणेशजी तुमच्या मनोकामना पूर्ण करतील. संकष्टी चतुर्थीचे व्रत सर्व संकट दूर करणार असते. तुमचे संकटही दूर होतील आणि तुम्हाला जीवनात सुख, समृद्धी आणि सदिच्छा मिळतील.

हे वाचा - येथे अजूनही रात्री सुरू असते श्रीकृष्णाची रासलीला; पाहणारे वेडे होतात, हरपतं भान

(सूचना : येथे दिलेली माहिती धार्मिक श्रद्धेवर आधारित आहे, याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)

First published:

Tags: Ganesh chaturthi, Religion